姐姐放大假三星期，反正都要請假，就決定去旅行啦～ 爸爸話帶住包包最好都係自駕遊。日元平左，最後決定去九州!
我地兩個月前先book，聖誕假期好貴又好full呀～ 最後決定1月2日先出發。包包已過兩歲，要買機票啦，CX好貴，結果我地無可奈何第一次坐廉航hk express... 包包也要同學校請假一星期(佢total 3個星期無返學呀)
感恩九州呢幾日都唔算好凍!
2016年1月2日
我選了12:50 機，因為配合包包午睡時間。出發前幾日已經同包包講我地去坐飛機，呢日佢一起身就話要坐飛機，真係勁心急嗰隻! 而媽媽我都悉心同包包著了親子裝去旅行，包包見到自己同媽媽著到一樣不知幾開心!
Check in 後我地去terminal 2 食個靚早餐，估唔到原來terminal 2都幾多餐廳! 因為無飛機餐，我就帶定個象印，再叫個通粉帶上機畀包包食。
飛機準時起飛，出發囉！
包包呢一次有自己既位啦.... 但係等起飛等左好耐, 眼訓既佢有點唔耐煩, 結果畀左百力滋佢食 XD
起飛無耐就訓左啦.... YEAH!
訓左1.5小時, 之後餵包包食通粉, 好快就到啦
到達福岡機場後就直接坐的士去酒店。機場同市區好近，坐的士都唔貴。
呢日嘅酒店真係麻麻地，房好細 (一啲都唔會recommend)。我地趕住出去食飯所以相都無影! 事源2/1係日本假期，我兩個月前搵酒店竟然係無房! 係成個博多嘅酒店都無房，真係嚇到我吖！ 最後經永安先book到呢間較為市區嘅酒店，仲要個rate一啲都唔平! 上網check以為間酒店ok，點知原來我攪錯左Canal City Washington同
Hakata Nakasu Washington，Canal City 嗰間大好多架! 去到先知自己蠢左! 但只係訓一晚就算啦～ (其實係唔算都唔得)
旁邊已經係運河城canal city，拿拿聲去搵野食! 星期六嘅晚上6:30，結果係間間餐廳都排長龍，最後揀左間較少人，食蛋包飯嘅餐廳。
去日本緊係要order兒童餐! 只係三十多元港幣! 睇下包包幾開心。
其它嘅飯都ok!
食完就行一陣運河城，地方真係好大，大到都唔知點行?! 見h&m有童裝就入去行下。好攪笑包包都會自己睇衫，佢攞左對鞋畀我，叫我幫佢著，一望價錢好抵，即買。估唔到第一日已有收穫!
大家都攰，所以都唔想行呢個大到唔知點行嘅商場，決定返酒店休息。點知又途經一間超市，我地又行左一個鐘，仲買左啲士多啤梨同飲品第二日食!
返到酒店準備沖涼休息。我地間房係twin bed，包包喺一張床玩，爸爸喺另一張床上網。我見爸爸同包包講緊野，就轉頭去台面攞野，點知包包就碌左落床，個頭仲撞到床頭櫃! 爸爸接都接唔切! 媽媽都因為自己嘅粗心而感到內疚。好在自己唔知點解有帶喜療x，總算好快消腫。
之後我就較水同包包沖涼，喺沖涼房聽到bom一聲，即刻衝出去睇，包包kick親撞到枱角，塊面仲損左流血! 只怪間房實在太細! 爸爸見住佢跌，勁心痛，仲想帶包包去醫院! 好在唔怕痛嘅包包好快收聲唔喊，也覺得只係皮外傷，於是決定唔同包包沖涼，抹下身拿拿聲畀佢訓覺免得佢又整親。
呢張係撞親之前影... 原本想買乳酪畀包包, 點知買左益力多味布甸! 包包唔鍾意食...
呢晚老公兩次都見住包包跌心情一點都不好過，大家都訓得唔太好!
