包包六個月成長紀錄

包包已經快7個月大了, MAMA要趕緊出呢一篇先!!

因為係六個月成長紀錄, 所以下面既相片係包包五至六個月大時候既相...

我一路UPLOAD相一路睇, 已經覺得包包個樣真係一路都變緊呢!!!

重

六個月返健康院, 重 8.5 KG (19 LBS), 高 68 CM, 體重係75%線, 比起四個月時90%線跌左...

因為包包開始厭奶!! (註: 到依家都仲厭緊奶呀, 唉!)

雖然包包厭奶, 但姑娘話佢體重仲係好好, 而且精靈活潑, 唔使擔心喎 (唉, 做阿媽既點會唔擔心架?!?!)

我知我知, 其實包包算係幾重手既BB, 但我真係睇住佢一日一日咁瘦, 真係好心痛架!!

食

包包由之前每餐既6-7安, 跌到3-5安!! 最WORST係有兩晚, 包包係只係飲左一安!!!

再餵就喊, 點都唔飲, 而我..... 真係喊左出來....

包包咁細, 唔飲奶點得架!!

MAMA我都唔知偷喊左幾多次 (包爸見到一定話我傻)

個仔唔飲奶, 我就好大壓力, 每次都想佢飲多D, 佢飲得少我就好唔開心....

另外包包都開始食固體, 一開始時都食得好少, 慢慢就愈食愈好, 我都試左唔少糊仔先揀到隻佢鍾意既... 而且我都好努力去整唔同既蔬菜蓉畀佢食, 不過都係食得唔多, 佢唔知點解佢好似胃口細左好多, 飲奶, 食SOLID都食好少...

係咁上網睇下厭奶可以點做, 開奶茶 (BOTH沖濟同執藥) 試過都無用....

依家諗返, 呢段時間既自己真係好STRESSED, 個腦真係日日夜夜都諗住個仔!! 又訓得唔好...

(註: 依家包包實行少食多餐, 由5餐轉6餐, 睇得出依家無再瘦落去, 而我都可以暫時鬆一口氣)

成長

好啦, 睇下包包呢個月既發展先...

未厭奶前真係肥嘟嘟架...

我好鍾意既一幅相, 好SWEET ^^

包包應該叫方方, 因為係方方面架, HAHA...

仲有少少凍時影, 對肉腿好多肉, 著住襪好似著左BOOTS咁, HAHA....

好鍾意圓碌碌既包包呀 ~~~~

呢件外套, 以為好大件, 點知包包著起剛剛好.... 天氣又開始暖, 著得2-3次 ONLY...

著得都好可愛呀

漲BOB BOB, HEHE....

六個月既包包仲未識反身
(註: 包包已經係6M15D反左身啦)

話說有一日放工返家, 包包塊面唔知點解好紅, 似係敏感...
因為係夜晚, 無去睇醫生
第二朝就退左少少紅, 但從此之後佢啲皮膚就sensitive左好多，成日都有紅。睇過醫生話係好輕微好輕微嘅濕疹，都唔知係唔係，因為包包唔痕又唔痛嘅。

六個月開始坐，好鍾意自己坐

飲奶奶同水識揸樽，當然，也識得推開個樽唔飲！

cool包只對熟人笑，笑多啲啦乖仔！

朝早嘅包包係特別包，唔通水腫？！

係咪好嬌俏呢？哈哈

包包六個月大，買左聖安娜嘅Belgium chocolate banana cake, 呢個cake唔錯架，我老公好鍾意！

包包剛訓醒，呆豬豬，唔知我地做緊咩呢！

mama的話

不經不覺包包已經半歲大，呢個月仲經歷左幾個第一次，第一次點燈，第一個情人節，第一個結婚紀念日，而六個月呢日更加係我同老公拍拖13週年紀念！因為同結婚紀念太近，沒有特別慶祝，反而因為包包六個月先慶祝！13年啦，經歷了不少，慶幸我同老公都仍然恩愛。年輕的歲月過了，現在只能歸於平淡，凡事以仔仔為先！

包包已經唔係一舊飯，開始有好多表情，仲開始有要求(即係愈來愈麻煩)，但也愈來愈好玩，得意! 其實包包除了最近食得差啲，so far佢都係一個唔太難湊嘅bb，希望唔好讚壞啦！

papa的話

包爹依然係康樂組組長，所以包包依家見到papa都好易笑，相反，papa餵奶佢會唔正經架！

但包爹一個人係攪唔掂包包，通常餵奶換片都會交返畀mama同姐姐呢！不過包爹好錫包包，我相信包爹會係個好爸爸嘅！(但唔好寵壞包包就得啦)

其實包包快7個月，6-7月呢段時間包包識多好多野，希望包媽我可以快手寫7個月成長紀錄！

迎春花

bb嘅笑點真係估佢唔到！

呢個笑點係來自奶奶，奶奶喺包包面前唱歌
 (￣∇￣)

之不過，cool包笑左兩日後已經唔覺得好笑啦~~

佢啲笑點成日唔同架！

媽媽會半歲party

上星期我第一次出席媽媽會活動，9月bb半歲party 。其實湊住個仔好忙，無點影相。

去到覺得好多人呀，有22圍呢！

同banner影張相先！

三個鐘嘅時間裡面，要食野，換片，餵奶，包包nap，抽獎，交收團購物品，影相，玩遊戲，真係cher一聲就夠鐘！

義工媽媽好犀利，搵到好多贊助，連cupcake都有！

題外話：怕熱嘅包包去到會場要除外套除襪除鞋！mama幫你扮到幾型仔都無用啦！

一向我都認為包包係中碼b，唔算大隻，但去到見到好多bb比我想像中細粒，包包喺厭奶嘅情況下都算唔錯大隻啦！

我都好開心join左呢個媽媽會，可以知道自己個仔嘅發現同行為係咪都同大家嘅bb差不多，又有好多有經驗媽媽解答我地呢啲新手媽媽嘅問題！fb真係好犀利！

最開心係識到幾個bb同包包同一日出世嘅媽媽呢！呢日只有我地三個可以出席：

包包已經識拖女仔手手啦，哈哈！

唔知係咪男仔重啲，包包真係重手好多呀！

返到屋企我隻手攰到酸痛呀！

期待我地下一次只係907嘅gathering ！

反身啦！

反到啦反到啦！

懶包終於喺6m15d 反到身啦！

呢日我如常同包包喺playmat 玩，我通常會幫一幫佢反，心情大好嘅包包突然自己反，我好surprise ，又好開心，好開心可以見證到呢個moment ! 仲立即叫姐姐黎睇，後來先醒起要拍低佢！

已經反左幾次嘅包包已經有啲唔耐煩，哈哈

包包已經六個半月大(well...mama仲未寫六個月成長紀錄)，真係大得好快，mama會一直喺你身邊，陪伴你，守護你，愛著你，給你一個快樂童年！

Photos by Always Smile Studio (Alvin Yau)：精華篇

包包六個月大，又帶佢去影下相先！

之前見過好多blogger 媽媽去alvin度影都影得好好，所以我三個月前已經book左呢日，因為alvin 2014已經加左價啦！

overall黎講我係滿意，只係包包繼續佢cool爆嘅作風，唔點笑囉！

先黎便服。。。

全家幅 ，包包個樣幾大少爺！

六個月嘅包包識坐一陣，但唔係好穩

第二個造型：黄色小雞
雖然包包唔多笑，但呢個look真係超可愛呀！

呢張係alvin執過嘅，colour sharp 好多

肥腿一雙~

第三個造型：馬騮仔

“hello，外賣一支奶奶唔該！“

懶包唔鍾意扒嘅，扁晒咀咁！

好鍾意下面呢張，好似諗緊野咁！

第四個造型：gentleman
呢個時候嘅包包已經無電，勁扭眼訓！

扒喺度想訓著咁濟！

嘻嘻，我個仔係咪好可愛呢？(忍唔住爆發嘅母愛！)

你地覺得邊個造型最好呢？

我都會recommend人地黎呢間studio，因為地方新，大，同光猛，好細心有換片area，仲有ipad同好多玩具引bb attention！

係咪覺得包包好乖咁畀人影呢，梗係唔係啦！我決定下一篇整"扭計篇"，好多扭計相架！