WEEK 10 (回憶): 結婚兩周年

 

結婚2週年，我地都請左假,BOOK去左照BB！(其實唔係特登, 不過咁岩畀左呢個期)

第二次私家產檢, 我地轉左睇DR.CHEUNG (雖然我都好鍾意DR. WONG)... 因為我唔知會唔會開刀, 朋友介紹DR.CHEUNG, 話開刀手勢好又唔貴, 所以就去睇下佢...
DR.CHEUNG好多人睇,要等好耐, 而且儀器都比較舊...
BB 好正常，有手有腳啦，有3.45 cm, 不過老公好失望，佢話DR.CHEUNG個O/S太抽象睇唔明喎 (其實因為唔太清楚)，佢話好難想像喎!

但醫生一路照有一路講解, 所以我都明既！不過張相真係唔知影左D咩 (所以唔POST啦)

不過其實BB正常我已經就放心啦。張相清唔清楚都唔緊要啦....

之後我地就去左睇戲同HIGH TEA 啦 (其實如果唔係有左BB, 我地可能去左旅行LU....)

相關BLOG: 結婚2周年

不過因為我太累太眼訓, 所以HIGH TEA完就回家啦... 雖然沒有特別慶祝, 但呢日我地見到BB已經好開心了!!

下年就有BB同我地一齊慶祝啦...

WEEK 9 (回憶): 胃口愈來愈差

已經9 個 week，胃口仍然不好，而且愈來愈差，午餐還可以，食到平時既2/3，晚餐就好多時食唔到。

試過有2次對住D飯食唔到而喊左出黎!! 老公同奶奶成日問我想食咩就煮畀我/買畀我食, 但我真係唔知自己食到D咩... 佢地愈問我就愈想喊...

奶奶好好，買好多野畀我食，芝士麵包麥片奇異果士多啤梨仲整埋酸菜！

依家宵夜要食麵包如果唔係會餓到訓唔到。麵包係我最新既朋友, 我係依靠佢先唔會餓C (梳打餅已經OUT左, 因為太乾太熱氣)

半夜要去一次夜尿，我以前唔會痾夜尿架！

仍然成日都好累，星期六日要訓晏覺。返工時下午2-3點仲眼訓到傻。

聞到香薰味都反胃，無查hand cream 好耐。去廁所要掩鼻,公司廁所有香薰。

口中成日好多口水，唔知點解, 好煩, 我成日去廁所吐口水。

可能因為食太少, 體重無升過，不過無DROP已經好好。

下個WEEK就見到bb，好期待又好緊張呀！

WEEK 8 (回憶): 新年快樂!!

WEEK 8

呢個WEEK係CHINESE NEW YEAR... 好多人都催我地快D生返個, 當然我地都沒有話畀人知那個不能說的秘密啦...
好開心下年就有BB幫忙豆利是啦... 我已經開始諗BB著唐衫個CUTE樣呢...

不過無胃口既我, 對住新年既美食, 我唔係唔食得就係食唔落!! 最慘係聞到香噴噴既蘿蔔糕都無得食!!!!!

去媽咪度拜年, 我終於都同媽咪講左啦... 我千叮萬囑叫媽咪唔好同人講住...
我咁遲先同媽咪講係因為我媽咪好口疏架... 我家姐有左時未夠3個月, 佢就同晒人地講 (但佢把口又會叫人唔好講出去喎), 好攪笑架...

因為新年媽咪一定會煮好多好野我食, 我要話佢知我好多野唔食得, 所以先咁快話佢知JA...
而且果然不出我所料, 好快我D家姐阿妹已經知道晒!!!

而呢個新年, 我最鍾意既就係訓覺, 因為唔打牌既我在家真係無咩好做而且成日個人都好累....
我好訓得, 日又訓夜又訓都得架...

關相BLOG: 2013 Chinese New Year

情人節我煮既大餐都係茄汗類為主, 因為開胃D, 叫做食得落少少, 不過我都食得唔多, 老公就食左好多 ^^
最後一個2人世界既情人節啦....

相關BLOG: 2013 情人節

(D蝦老公食晒, HAHA)

WEEK 7 (回憶): 第一次私家產檢

當我以為自己好勁無任何懷孕不適時, 我開始黎料...
我開始個胃唔舒服食唔落野 (但又好肚餓GA BOR), 食左野之後又胃頂頂, UR 唔到又嘔唔到...
因為正餐食得好少, 所以經常肚餓, 唔食又會胃痛 (個胃真係巴閉過個肚呀!!)...
而我肚餓時只食得落梳打餅... 梳打餅成了我的好朋友!
老公好擔心我 (同BB), 不過真係無法... 我同老公講好多人懷孕都係咁, 唔洗驚!!

最慘係返工放工搭完車勁反胃想嘔 (但又嘔唔到)
老公叫我食話梅....
中醫話話梅無益, 叫我食台灣柑桔, 會好D... (起初係有D用, 不過食左一兩個WEEK都無用啦)

而且我開始好累... 晚上好快就眼訓... 個人又懶...

每日都係要飲中藥, 飯可以唔食, 藥唔可以唔飲!!!....

第一次私家產檢

終於等到第一次產檢日子, 我地去左佐敦既DR. WONG...
今日終於去照bb啦，好開心好快就見到閃閃啦，仲聽到bb心跳，因為我有做功課, 所以大概知道會見到D咩...
但老公就朦查查, 當佢聽到BB心跳聲時, 老公話好震撼呢。而我都有點眼濕濕呀...
bb size好好，我地仲問左醫生好多問題，DR. WONG都好NICE好攪笑！

話說中醫話唔食得白蘿蔔, 因為新年就到, 我好唔開心我無得食我最喜歡食既媽媽親手整的蘿蔔糕!! (要知道其實已經唔係幾有胃口食野, 難得想食既又唔食得!!)
等LIFT時, 我問老公真係唔食得蘿蔔糕呀?? 老公話咁你唔問下DR.WONG? 我話唔通問人我食唔食得蘿蔔糕咩!! 點知呢個時候DR.WONG企左係我地後面, 原來DR.WONG都放工啦...

咁我就好大方(自以為)咁問: 醫生呀, 其實西醫角度, 懷孕有咩唔食得架...
DR.WONG話主要唔好食D生冷野啦...
我就話, 我個中醫叫我唔好食白蘿蔔呀!! 咁我新年就無得食蘿蔔糕啦...
DR.WONG話: 中醫係有註冊既, 佢講得應該有佢既道理既... 唔食得白蘿蔔, 食紅蘿蔔囉....
我同老公對望, "紅...蘿...蔔...糕???" (嗰刻真係好想笑!)

DR.WONG真係好NICE, 入LIFT後我問其實邊間私家醫院好D呀, 佢就話其實依家間間都差不多, 法國就會平DD...
仲話我知D價錢點計....

呢日係我懷孕7 WEEK以來最開心一日，BB你要乖，MAMA再辛苦都唔怕，一日未過12週我都唔放心，我地一起努力呀！

WEEK 6 (回憶): 睇中醫

一向有睇中醫習慣, 所以有左都去睇中醫, 醫師叫我最好食安胎藥, 為左BB, 我當然信醫師啦...

而且中醫有話我知什麼唔好食... 有D真係唔講唔知架... 都好多野唔食得喎....

D藥好苦, 而且要日日煲日日飲, 雖然辛苦, 但為左BB, 我會忍!!!!!!

另外一提既, 係中醫話我肚入面既係囝囝!! 我話咁快知?? (得6 WEEK JA WOR) 中醫話你3個月後即本睇下係咪囉 (好有信心咁)

老公就覺得無咩科學根據!!

至於中醫中唔中, 遲D開估...

WEEK 6 個胃開始多胃氣 (我平時無咩胃氣的), 但都食到野... 仲因為生日WEEK食太多而重左2-3LBS!

WEEK 5 (回憶): 我的生日周

這個WEEK是我的生日週, 因為有幾餐生日飯要食, 老公千叮萬囑我要小心食野...

同朋友食飯, 好開心, 好想話畀人知那個不能說的秘密呢 (不過當然不能說啦)

生日同老公去食BUFFET, 因為係老公一早BOOK左所以照去, 但可憐我咩都唔食得, 只可以睇住老公食蟹, 食魚生...



我食左好多SALAD, 但後來有朋友叫我出街唔好食SALAD, 怕唔乾淨! 好在5星HOTEL應該夠乾淨!!

又原來生菜係屬於涼既菜, 唔應該食 (後來睇中醫先知), 我又係食左好多...

我又食左PARMA HARM, 又有人話會有菌...

RITZ CARLTON既DESSERT以CHOCOLATE為主, 我又係食左好多, 後來又有人話我知懷孕不可食CHOCOLATE, 因有咖啡因同好甜...

好在無事JA....

咁.....其實孕MAMA真係無咩可以食喎.......

相關BLOG:
2013 MY BIRTHDAY

WEEK 4 (回憶): BINGO!

呢個CYCLE已經係第4個CYCLE, 開始有點心急, 好想快D有,唔想再等呀!!

我一向PERIOD都好準, 所以大概知道自己幾時排卵, 人地話DAY26就CHECK到, 所以DAY26我就CHECK紅D (因為一盒紅D有好多, 唔怕浪費)
見到有條線好快出左黎, 上個月都CHECK過, 條線好淺架喎....

所以我又CHECK 綠D....
結果係....



有一條好淺既線, 淺到我以為自己有幻覺..... 個刻心裡面好冷靜, 因為其實係驚多於興奮...

我SEND畀老公睇, 老公好緊張, 話佢都"好似"見到有線!!!
我好怕令老公空歡喜, 放工還要到媽咪度食飯, 成日個心情都唔知點咁...
我放工時就買左支棒棒, 回到家老公立即叫我CHECK, 佢都好心急!!

結果係...

老公好開心... 我地終於成功了... 不過我都好坦白咁同老公講我既憂慮, 老公話好多野我地控制唔到, 就交畀個天啦... 嗯嗯, 知道了...
第二天去了相熟醫生度CONFIRM, 回家就告知老爺奶奶...

呢次我千叮萬囑奶奶唔好同其他人講住!!!

之後我就打電話BOOK檢查...

不過第一次檢查要到 7 WEEK... OH 要等3個星期呀.... 可唔可以快D呀.... 好無安全感!!!!