WEEK 9 (回憶): 胃口愈來愈差

已經9 個 week，胃口仍然不好，而且愈來愈差，午餐還可以，食到平時既2/3，晚餐就好多時食唔到。

試過有2次對住D飯食唔到而喊左出黎!! 老公同奶奶成日問我想食咩就煮畀我/買畀我食, 但我真係唔知自己食到D咩... 佢地愈問我就愈想喊...

奶奶好好，買好多野畀我食，芝士麵包麥片奇異果士多啤梨仲整埋酸菜！

依家宵夜要食麵包如果唔係會餓到訓唔到。麵包係我最新既朋友, 我係依靠佢先唔會餓C (梳打餅已經OUT左, 因為太乾太熱氣)

半夜要去一次夜尿，我以前唔會痾夜尿架！

仍然成日都好累，星期六日要訓晏覺。返工時下午2-3點仲眼訓到傻。

聞到香薰味都反胃，無查hand cream 好耐。去廁所要掩鼻,公司廁所有香薰。

口中成日好多口水，唔知點解, 好煩, 我成日去廁所吐口水。

可能因為食太少, 體重無升過，不過無DROP已經好好。

下個WEEK就見到bb，好期待又好緊張呀！