Monalisa 試衫

2010年4月4日

今日我地入馬灣試衫,因為5月7日就去影我地第二輯婚相...

馬灣既MONALISA真係好大,個環境好舒服

呢度就係我地試衫既地方

SERVE我地既係阿MAN, 阿MAN真係好NICE...

一開始係KENNETH試先,唔使加錢既男禮只有五套,但KENNETH話呢五套唔係人著... 無法,KENNETH係十分貪靚既人, 最後我地用左$800 UPGRADE左一套白色同一套黑色既禮服... 呢方面我覺得MONALISA呃錢囉.... HAHA....

之後就到我試,可能因為我早試,差唔多件件都AVAILABLE, 所以大家最好就早D去試衫呀~ MONALISA D衫好新好靚,我試得好開心.... HAHA... 而且d衫俾咁多燈射住,好似件件都好靚咁.... 有諗過加錢要多套衫影相,不過加多套就會影多左相咁到時就會買多D相..... 唉, 都係算啦~

我試左十幾件,要o係當中選一件外景婚紗,一件室內婚紗同一件晚裝... 真係好難選,因為好多件我都好鍾意呀~

而且鍾意唔等於適合拍攝!!

• 外景婚紗最好輕身同直身,方便拍攝


• 室內婚紗最好大拖尾,會有grand d既感覺


• 兩件婚紗最好唔同款,外景婚紗已係直身,室內就唔好選直身,如果唔係影出黎既相件件裙都好似差唔多

正因為咁,室內婚紗本來試左條直身COMPLICITE系列,阿MAN都話我著得好靚,但因為佢係直身款,所以我放棄了......

見D衫咁新淨好開心, 原來試既同當日著既係兩件衫黎架... 因為我之前o個輯(品果)試同著係同一件所以d衫好舊....

之後阿MAN問我有無HOLD攝影師,我就話我想HOLD EDMOND不過唔捨得俾錢,叫佢盡量幫我HOLD EDMOND.... 好可惜EDMOND已經俾人用錢HOLD左啦~ 阿MAN好好人咁同我講,佢話有D客HOLD左攝影師都影得唔好,因為攝影師都係人夾人,最緊要當日同個攝影師FRIEND D, 盡量應佢既要求,合作D, 攝影師就會開心D, 影得我地靚D!! 聽完又覺得好有道理 (其實品果o個輯都係, 攝影師真係人夾人!!)

之後我地就俾錢, 阿MAN再講下D注意事項就走得,我地只係用左1小時45分鐘就走得,估唔到咁快手!!

我之後同KENNETH講,如果影得唔靚就買少D,再影第二輯... YEAH!

我覺得阿MAN真係好NICE,今次可以享受香港式既服務,真係好開心好enjoy... haha...

見家長

2010年4月2日

我同KENNETH拍左拖咁多年,雙方父母都未正式見過面.... 而我地攪結婚咁耐,到宜家先安排佢地見面真係有D唔好意思,好在大家都唔介意...

老實講,前一晚我都有D緊張,我特登同媽咪講如果對我有咩不滿或要求千萬不好同人地爸爸媽媽講,媽咪就笑笑口咁話,放心啦~  o個刻我先知原來自己真係過份緊張呢~

我地去左旺角新世紀鴻星,地點方便兩家人屋企,而鴻星既地方坐得好舒服,服務都唔錯!

估唔到我爸爸媽媽咁多野講,連鄉下有咩親戚都講埋,有d連我都未聽過!我一路聽就一路笑.... 幸好成餐飯氣氛都好好,重算放下心頭大石!

又完成一項重要任務!!!!

我地就係食左呢個餐, 都幾好味架... haha....

 

芸栖客棧回應我們的投訴

收到了蕓栖客栈既回應,客棧老闆都好NICE,希望今次只係誤會啦... 而且佢地都好有誠意道歉,可能我地遇到唔好既STAFF啦!

    您好！

我是蕓栖客栈负责人杨光！品果摄影工作人员将您的投诉转发过来！看过后我很重视这件事情！经过调查了解后，发现中间存在一些误会！您通过品果预定了我们的蜜月房阳光普照，RMB180晚，预定3天，预定时品果告知您入住3晚有免費接機！关于入住3晚有免费接机这点是我们和品果的工作人员沟通上出了问题，我们客栈的规定是凡是入住蕓栖桃花缘客房的客人入住3天免费送接机，入住5天免费送接送机！这条服务规定您可以细看我们网站的客栈服务之“接送机服务"

但是品果的工作人员以为是所有的房间入住3天免费接机，（这点是我们双方工作人员没有沟通好，责任在我们）也因此造成了您以为有免费接机！而我们前台工作人员的工作流程是：在客人入住办理手续的时候都是让客人先自己支付接机费用！到最后退房时根据客人所入住的房间及天数再返还给客人相应的接送机费用！关于这点是前台工作人员没有向您说清楚，只告诉您退房时退还接机费用，而没有向您说清楚退房时只有入住桃花缘客房才能退还接机费用！关于这点向您致歉，是我们工作做的不够细，不够好，造成您的不开心！

邓智杰先生前面向您解释这么多，只是想向您说明一个问题，就是我们蕓栖经营了3年，全靠老客户，回头客和全国各地广大朋友的支持才能走到今天，发展到今天！诚信对每个做生意的人都是至关重要的！我们不可能因为要省50元的送机费用，坏了蕓栖3年来苦心经营的信誉和名声！但是造成您的误会和不开心确实是我们的责任，作为负责人我代表蕓栖全体员工向您表示歉意，另外托付品果客服负责人刘小军向您转送100元RMB以示我们的诚意！请您接受我们真诚的道歉！

另外为了表示诚意，下次您或您的家人有机会入住蕓栖的时候，我们将免费请您入住一晚蕓栖最豪华套房！请智杰先生看到邮件后，给我们个留言或手机短信！我的电话是：13688769186（杨光）

 

                                                                    丽江蕓栖：杨寒光敬上

                                                                     2010年4月3日

詳情可看:

品果回應芸栖客棧的投訴

成都麗江婚照之旅 - 我返黎啦~

 

 

第一次試裙褂

2010年4月2日

今日同KENNETH爸爸媽媽(即係我既未來老爺奶奶)出旺角,佢地難得出旺角,就同佢地去試中式禮服,我試裙褂,KENNETH媽媽試奶奶褂,KENNETH試馬褂...

經我資料搜集後,原來元朗有間好出名(鴻運),基本上元朗無人唔識,不過佢既價錢比較貴,而網上有兩間好多人介紹價錢又好好...

於是第一站我地去左永隆, 位於上海街...

店舖內無咩人,兩位阿姐好熱情咁招呼我地...

KENNETH媽媽

可能KENNETH媽媽第一次試裙,所以試得好開心,原來奶奶裙有3種, 1. 褂皇(成條裙都係金銀線), 2. 上黑下紅既褂, 3. 成條棗紅色...

KENNETH媽媽話黑色好老,而金銀線又太誇,所以最鍾意棗紅色,試左件都幾啱心水!租都係5百幾蚊....

我

我試左大五福同中五福,大家都話大五福好D, 而永隆D褂都好新,全部有用雪梨紙包住... 我睇中o個套7百幾蚊,價錢係因應金銀線同手工有所不同...

KENNETH

其實KENNETH本來無諗住試,因為佢已經BOOK左VA三套型仔既禮服,但被我地半推之下試左,個感覺真係好得意,而且二百幾蚊就可以租一套,真係好想租一套玩下... haha...

之後我地就去左錦發

但錦發D褂就舊好多,奶奶褂都係5百幾蚊,但無永隆咁新,而且佢D褂無雪梨紙包住,保養無咁好.... 而我睇得上既大五福就要9百幾... 而每次我問價錢個阿姐都好細聲咁講,好似唔俾得其他人聽咁...

整體黎講,對永隆既感覺好好多,不過我地會去元朗鴻運睇下先再決定... 但永隆既價錢真係好吸引!!!

另外網上重搵到間老字號冠南華,不過價錢就真係好貴,如果貴,我會寧願用鴻運,所以我地無去冠南華睇lu....

 

鴻運繡莊

地址：(總公司) 香港新界元朗教育路69號地下

(分  店) 香港九龍尖沙咀金巴利道73號新業廣商業大廈2樓202室

電話：(總公司) 2477 6688 ; (分  店) 2787 9708

網址：http://www.lucky688.com/

 

冠南華公司

地址：(香港店) 香港灣仔軒尼詩道345號地下及一樓

 (九龍店) 九龍彌敦道383號平安大廈16號地下及一樓

電話：(香港店) 2893 8126 ; (九龍店) 2381 4508

網址：http://www.koonnamwah.com.hk

 

錦發公司

地址: 旺角上海街523號地下

 

永隆繡莊

地址:油麻地上海街409號, 電話：2780 3007

 

私友化

 

為保持神秘感,婚照相片分享會私友化,希望只同有興趣的準新娘子分享,有興趣的可MSG我,唔好意思....

成都麗江婚照之旅 - Day 3

2010年3月21日

成都麗江婚照之旅 - Day 3

今日超級早機,品果0545已黎酒店接我地去機場...又係因為糖酒會關係,晨咁早成都機場已經超多人,我地拎住3大件行李排隊CHECKIN... 點知我地箱禮服成21KG,加埋我地自己行李就足足OVER左10KG,我地又要去俾錢再返去攞機票,所以大家唔好帶咁多野啦.... (不過品果話會俾返超重既費用俾我地)

之後我地入左間黑店食早餐,話說KENNETH想食粥,見到間野個MENU有粥就入去坐低,點知入面只有兩個餐可以點,一個RMB58(粥+小食),一個RMB68(面+小食),就算只食個粥都要俾RMB58!!!!大家要認住呢間o係機場既餐廳!

飛機無DELAY,我地順利到達麗江,在飛機上已見到玉龍雪山,天氣十分好(如果我地拍攝個兩日都係咁好天就好啦)

一出機場已有人在外接機,沿途見到油菜花田同屋仔....

我地入住芸栖客棧既陽光普照房,到達時客棧既人話我地先俾RMB50司機,到退房時會退番俾我地,因為其實佢地都係俾錢人地黎車我地,公價都係RMB50...(後來客棧拒絕俾番呢RMB50!!!)

上到房,間房好靚,好光猛,除左個TOILET,係透明玻璃,oh.....之前有curtain架,客棧話"應客人要求"整走左喎!!!!個庭園都唔差,芸栖有三個苑,每個苑都有庭園但唔大...

我地要求過轉房,個姐姐重帶我地去睇其他房,但一係太細,一係都係透明浴室,一係就貴好多(房間大+有電腦),由於我地有帶NOTEBOOK,之後兩日都會FULL DAY影相,所以決定都係唔轉啦...不過就辛苦KENNETH我沖涼時佢就出房上網... HAHA....

客棧其他地方:

門口:

之後我地就去古城食野啦... 去左一間自稱正宗過橋米線,一個RMB12, 一個RMB20,加3串耗牛串燒,好明顯唔同香港食既過橋米線,D串燒好肥有D辣....之後先見到好多間都有米線而且平好多(最平既RMB6 ONLY),又食貴左!!! 不過又係食環境啦,環境唔錯!!

之後我地就隨意周圍行,影下相,天氣十分好,個天好藍,而且有D熱,我估有23/24度!

古城另一邊入口,有大水車,係地標!!

酒吧街

難得的合照:

由於太熱太晒,我地重一人買左一頂帽,KENNETH買左一件衫,我又買左一條花裙,TOTAL RMB100,我地已經好落力講價!!! 之後我地又番客棧休息,上網,影相....

我地個LOOK得唔得呀, HAHA.......

差唔多係時候食晚飯啦....我地去左好旺既河邊其中一間餐廳,食左腊排骨+海花菜+風花雪月啤酒,因為我地唔係好肚餓....Around RMB110,不過D海花菜唔好食架.....條河好清,好多魚仔.....

呢煲就係腊排骨+蘿蔔,隔離o個碟就係海花菜:

食完啦,天都開始黑啦....不過....我地重未見品果既攝影師,佢地話重未拍攝完喎!!!

終於...我地等到晚上10點,攝影師王剛,化妝師嬌嬌,助手飛龍先黎到我地客棧....佢地一定好辛苦,第二日又要幫我地影相.... 不過佢地都未曾睇過我D功課,好在COLOR PRINT左,不過王剛話古城夜晚好多人,又話著白紗影唔靚,唔建議我地影(因一件晚裝影上午,另一件留番第二日),而且我地想影拉市海黃昏,佢話唔夠時間番黎影夜景喎....所以我地都被迫放棄影古城夜景.....雲杉坪同雪山只可選一,又要放棄雲杉坪(明明FEI WEDDING兩度都去到,後來我知點解啦....)

最後我地11點先上床瞓覺.....

***** 各位即將去麗江拍攝既品果客人,經過這幾日同BLOGGERS交流,什麼"唔夠時間影夜景", "雲杉坪同雪山只可選一"都係假架.... 你地記得堅持,同攝影師講一定要去呀!!!如果唔係就好似我咁俾佢地呃左番到黎先知!!!!! *****

Day 4 & Day 5 係拍攝日, SET左PRIVATE, 要我ADD左既朋友先睇到

品果回應芸栖客棧的投訴

今日SEND左電郵去品果投訴,估唔到品果即刻打電話俾客棧再打俾我跟進,都係同一個下午發生既事,真係幾欣賞品果既效率!

 

From:	PG (cd-pingoal@hotmail.com)
Sent:	Sunday, March 28, 2010 12:01:15 PM
To:	xxxxxxxxxx@hotmail.com

燕雲&智杰：
    
     您們好！我是今天與你們通電話的小軍（我現在成都總部），十分謝謝你們將芸栖客棧的問題告訴我們，因為這樣的信息確定對我們來說非常重要，正如你們所講“如果不馬上處理，真的會很擔心發生到品果其他客人身上就不好啦！”所以，真的要再次感謝你們哦！
     另外，今天我已與芸栖的老板聯系啦！目前她們還是很有誠意在處理此事，同時，在爭取你們的同意后，我也將你們的電郵及反映的問題信息給他們的老板，他們為了表達誠意（老板說：先將你們先付的RMB50，雙倍費用退還給你們，也就是RMB100元，我已將的我卡號發給他們，到時收到后，選樣時我會請香港店的同事轉交你們）
      再次感謝！
      小軍
 

---

From: xxxxxxxxxx@hotmail.com
To: cd-pingoal@hotmail.com
Subject: RE: X智杰&X燕雲 - 投訴芸栖客棧
Date: Sun, 28 Mar 2010 07:56:23 +0000

你們好,
我們前兩天剛從麗江回來,特別想向你們投訴芸栖客棧!
我們21-23/3住芸栖客棧的陽光普照房,RMB180晚,之前品果BOOK時已說明住3晚有免費接機,而我們到達時客棧說有免費接機但我們要先付RMB50,退房時會退回給我們...上到房發現洗澡房是用透明玻璃,雖則我們就快結婚,但都不至於這麼坦蕩蕩...於是我們就要求轉房,不過最後沒有轉,因其他房也不適合,但客棧的人一定知我們住什麼房,但到退房日他們居然說我們住的房是沒有免費接機,而且不承認自己有說過免費接機!!!!!!(3天而已他們已經忘記了???)老實說,RMB50不是多,他們已比半步多貴,他們跟我們說清楚我們一定願意給,我覺得他們誠信有問題,是欺騙客人的手段!!
 
我現在不是要拿回錢,只是希望你們不要再介紹這客棧給品果客人,免得客人受氣!!

謝謝!

Best Regards,
Iris