拍拖十週年

有看過我們wedding website (http://www.projectwedding.com/ourwedding/iriskenneth/) 和有出席婚宴的朋友便知道, 今年是我和KENNETH拍拖的第十個年頭... 雖然朋友都說我們看起來很年輕, 有些說我們都不像這麼長情, HAHA...

3月9日, 十年前的這一天我們開始拍拖... 這十年裡, 我們都長大了...

記得年初我為了揀選相片作婚禮用途時, 翻閱了很多我們的舊相片和舊信件, 看著看著, 我一面看一面笑, 也同時間在拭淚.... 我的眼淚, 有傷心的, 也有開心的...

KENNETH看到這樣的我, 笑說我是傻瓜... 接著說, "我也估不到自己可以變了這麼多"...

這十年裡, 我們為對方去改變, 妥協, 包容, 經過離離合合, 今年終於"拉埋天窗"了, 很多"識於微時"的朋友都很替我們高興 ...

想著想著... OMG... 我人生有MORE THAN 1/3 時間都是跟他在一起, 感覺有點恐怖... HAHA... 是驚覺時間真的過得很快吧...

這天, 因蜜月剛回來以及我剛考試, 沒有大事的慶祝...

一如平常一樣, 喜歡到ELEMENTS, (因為泊車方便又優惠), 吃了個豐富的晚餐...

滔庭HOTPOT : 選了美國安格斯牛肉和日本赤豚腩肉... 還叫了芝士年糕(好味!)

好飽好飽...

有時看著KENNETH吃得飽飽的樣子, 便很滿足^^

回家很我們準備了蛋糕, City Super 內的Patisserie Yamakawa, 好rich chocolate!

(KENNETH真的黑了很多... 在關島晒太多啦!)

就這樣, 過了這特別的一天...

人生有多少個十年?

我不知道, 我只希望以後的廿年三十年四十年五十年, 我們都能像現在般甜蜜幸福!

 

婚禮商戶評語(1) - Q版公仔 Love Creative

由於有幾個blogger問, 所以我第一個要report既vendor就係我個Q版公仔.

Vendor: Love Creative

Website: http://www.love-creative.com/foamboard.html

Price: 我要左個4尺既, 價錢如website所講, 加腳架#2, total hk$8xx

Comment: 一開始無諗住整, 但有朋友同我講笑話o個日你咁多guests, 都唔知同唔同到你影相, 不如你整個紙版o係reception同我地影相啦... 諗諗下我地又擺盆菜, 又有馬灣註冊, 又有酒樓晚宴, 3個地方都可放呢個公仔, 都值得整喎...

搵Q版公仔, 最緊要係畫得似!! 我搵過幾個, 覺得Love Creative畫得最好, 而且價錢算中等 (平o個d畫得唔似都無用!)

之後就決定size, 我買4尺真係無錯... 因為Love Creative係唔包送貨, 而4尺size我地架7人車都係剛剛放到... 間office位於kwun tong工業區, 都幾難自己搭車(仲要拎住咁大foamboard)... 到big day, 都係靠24座運送, 要入24座隻門真係要小心d, 好在4尺size都ok, 我仲特別assign左2位姊妹負責foamboard, 我怕兄弟太粗魯會整爛呀!

btw可以request 特別用既pose同衫架...

不過當然5尺or 6尺係會大d, sharp d 好睇d 既...

我婚前2個月先決定整, 好在Love Creative都好快起貨, 佢會先俾你睇個圖, confirm後先print, 我第一圖已ok, 因時間唔多而且我都好滿意啦... 婚前2個week先去拎貨!

唯一覺得唔好既係個foamboard好薄, 我真係好驚佢會斷開架... 所以要姊妹小心睇住!

big day當然係好受歡迎啦... 好多人都有同"佢地"影相呀... 不過我同KENNETH都無機會同"佢地"影, 可惜...

馬灣註冊

好彩酒樓晚宴

我仲用左佢黎整"welcome board + 禮金/賀卡箱" for 馬灣註冊, 一物2用, 雖然簡單, 好過無啦...

另外晚宴就用左黎做座位卡 (即係寫低人地坐邊圍, 免得人地唔記得), 因為我地有四十多圍, 為方便arrange, 台號由reception接待手寫, 效果係"快手", 如果預先寫台號, 佢地就要搵呀搵呀搵....

(所有相由fb偷回來, quality差d... haha)

大婚後感

籌備年幾既婚禮已順利完成, 而HONEYMOON都去完啦.... 婚禮好順利, 家人都好滿意, 朋友FEEDBACK都好好.... HONEYMOON就超開心, 真係好鍾意關島(GUAM)呀, 我仲人生第一次潛水, 真係又驚又開心.... 強烈推介大家去關島HONEYMOON呀!!

講返婚禮, 老實講婚禮前幾個星期我係好唔開心, 因為好多野都要我去理 (人地成日話交俾人就得, 但唔知係我緊張過頭定身邊人懶懶行, 十萬樣野都要我去理!) 而且成日好似"阿毛"咁自言自語, 埋怨點解人結婚我結婚, 我咁多野攪架?? 點解我地要用多咁多錢?? 唔想擺酒既我一方面又要CONFIRM人地黎唔黎, 一方面又係度話早知咩人都唔請 (咁就唔使CONFIRM啦!)

婚前3日,我老公(當時仲係BF), 就真係好輕鬆, 叫我休息下, 又叫我唔好緊張, 但係當時連座位表都未排 (註: 我地擺四十幾圍), 我就係咁對住電腦, 佢就睇波, 真係嘔血... 婚前一日, 叫我早D返屋企, 但當時所有FILE都未PRINT, 仲有一D野未READY, 我返左屋企邊個整???

大日子o係我都未有心理準備之下就到左,  所以都唔識緊張... MUA到左我家我先起身, 坐花車去男家時我o係車上訓著左 (因為路程都幾長)....

呢個婚禮真係kill左我好多細胞, 嘔左幾LITE血, 又提升左我EQ同忍耐力, 而且俾我知道邊D先係我真正既朋友...

但係到宜家呢刻, 所有野都係值得的!!!!!!

當我地見到父母開心既樣, 賓客既positive feedback, 朋友們影左勁多相... 所有既辛苦都係十分值得!!!

下面係一好友在FB寫俾我既MSG,

"結婚一世人一次!而且我覺得你好西利，年多的時間又要讀書又要裝修又要籌備婚禮，自問我就一定唔得。你們的婚禮仲要係我見過最正的一個，雖然唔係百萬婚禮，但係睇得出你們花左好多心思，令到自己同賓客都非常投入同享受你們的婚宴。值回票價，直頭超值添呀!!俾滿分你呀鄧太!! (我好少讚人架!!)"

真係好感動! ^^

雖然我地婚禮上用既ITEM唔係最靚最貴, 但都係我地用心揀選的...

而且我地既宗旨係多人留意既用貴D, 少人留意既慳D... 而且盡量唔好製造太多垃圾(環保呀!), 唔好買太多唔等使既野, 所以我唔會有婚後物資賣, 只有十分少既用剩物資都會轉送快要結婚既友人, 真係好啦!!

(不過婚宴用上魚翅, 40多圍, 鯊魚們好對唔住, 我都唔想架!)

當然都要好多謝我D姊妹, 特別係我伴娘 (LOVE U ^^), 真係辛苦大家啦... 無左你地我係唔能夠安心做個靚新娘架!!!

我會慢慢寫婚禮既一切, 不過我要忙工作, 忙功課同MIDTERM, 相信會寫得好慢, 但我堅持一定要寫, 我好想好想寫低呢段咁重要既日子!!!

我地既Q版公仔, 可愛嗎?? ^^

I really like it !!!

各位BRIDE TO BE要加油呀!!! 一切辛苦到最後都係值得的, 努力!!

我地結左婚啦~

2011年2月26日, 我地終於結左婚啦....

呢日天氣十分好, 全日都好順利, 好開心.... 除左我老公夜晚飲醉左... HAHA...

我地今晚去GUAM HONEYMOON啦... 回來再SHARE...

倒數5天

不經不覺, 籌備年幾既婚禮快要到了...

除了座位編排同賓客名單外, 基本上一切都準備好了...

早一兩個星期, 其實自己心情係極度低落, 我諗我有bridal anxiety... 每日都super busy加唔夠訓... 有好幾天同KENNETH相對無言... 而且... 我... 有一種好唔想好唔想結婚既感覺... (但係又心知唔可能取消婚禮).... 個人好down, 好emotional...

現在雨過天情, 心情好多了, 而且好多野都準備好了....

我希望大家永遠記得大家既承諾, 將愛實行, 一年, 十年, 五十年都一樣...

我開始有時間慢慢想一想.... 有時會諗當日結婚既情況會係點既呢?? ... 開始有點期待... 但又有點擔心....

主要比較擔心馬灣行禮方面, 車/交通比較煩, 要準備野食, 又擔心天氣....

不過不在掌握中, 擔心都無用... 現在, 只好交俾上帝, 希望當天有好既天氣(唔好落雨呀!), 希望一切順利...

過大禮後"派門頭"

嘩, 做咩咁多人??

過大禮後(情人節過大禮), 圍村人仲有一樣野做, 就係"派門頭"...

意思係每門頭(每戶)都會派蛋糕仔(只係娶新抱先會做)... 如果你家有爸, 媽同3兄弟, 其中1個結左婚, 就計2戶啦, 所以有好多蛋糕仔要派...

有d人會派中式禮餅既蛋糕仔, 由於有親友做嘉頓, 所以我地派嘉頓蛋糕仔!

(其實成個過程我都睇唔到, 係KENNETH話返俾我知ja...)

呢日只係派半條村ja... 但都派左咁多...

KENNETH既姨媽姑姐黎幫手... pack 呀 pack 呀 pack ....

pack好一袋袋, 方便派...

就係呢d蛋糕仔啦...

大家收到都好開心... 未來奶奶都派得好開心...

情人節過大禮

擇日擇中情人節! 所以呢一年既情人節沒有特別慶祝, 不過都夠特別了吧...

我媽咪真的無要求, 可能係家姐嫁時都好簡單, 反而未來奶奶就想樣樣都盡量做... 最後, 都係要買過大禮套裝... 去左元朗鴻運訂, 相信大部份元朗人都係去呢度買...

要14前訂呀... 我地真係14日之前先去訂! 元朗鴻運service都好好, 各樣物品都貼晒label, 等你知道邊樣俾男家, 邊樣俾女家... 未來奶奶仲指定要我地買大發糕, 好意頭喎...

而女家回禮套裝我無買呀, 見好多人都無買... 點知未來奶奶問點解唔買 ... 於是未來奶奶自己去買左d 蓮藕、石榴、芋頭、柚葉, 話當我媽咪買, 到時回禮時執返黎就得!! 未來奶奶真係勁!!

另一奇怪習俗, 未來老爺話大日子當天要由我地自己爸爸(即係未來老爺同我爸爸)各自將一條紅布掛上花車.... 佢話叫"掛紅"... 咁我地就去鴻運買2條"紅".... 未來奶奶又話要買條女婿紅, 回門時俾KENNETH掛上身... 呢3條"紅"成為$300...

而我.... 會好好奇當日架花車有2條紅會係咩樣.... haha... 不過我諗影相時會拎開啩...

未來奶奶仲叫我去奇華借禮餅盒 (要10前同奇華講定) ....

2月13日

星期日,去拎過大禮套裝同大發糕, 去奇華借禮餅盒同買中式禮餅, 去生果店買2大個生果籃... 最慘係呢日又凍又落雨... 而樣樣野都勁重!!

車尾箱係載到爆晒...

返到屋企再執海味, 入盒...

執利是.... 好多錢呀....

我既LIST:

男家過大禮	(男家拎去女家)
鴻運過大禮套裝
禮餅	奇華禮盒四盒
四式海味：干貝、鮑魚、魷魚、冬菇、髮菜	買每樣x2
三牲：雞．豬肉．魚	利是代替
酒：洋酒或米酒共4支	利是代替
生果	買果籃x2
男女上頭套裝	已在筍崗買
利是聘金	自己準備
龍鳳餅	餅卡代替
包羅萬有利是	利是代替
女家回禮	(女家俾返男家)
鴻運過大禮套裝	回女家o個籃
禮餅	奇華禮盒2盒
四式海味	回一半
三牲：雞．豬肉．魚	利是代替
酒	利是代替
生果	果籃一個
男女上頭套裝	男上頭套裝
回聘金	媽咪準備
龍鳳餅	餅卡代替
鴻運大發糕	鴻運訂
蓮藕、石榴、芋頭、柚葉	街市買
包羅萬有利是	利是代替
女婿的褲、鞋、皮帶、銀包、兩對襪	利是代替(媽咪準備)

**龍鳳餅因怕過期, 婚前一日先去奇華換, 媽咪話一定要食喎...

**爸媽唔飲酒既, 所以利是代替

 

2月14日

我照返工... KENNETH就同佢屋企人上我家 (雖知新郎不應出席, 但無人識我屋企人呀, KENNETH點都要揸車所以就一齊上去...)

是日KENNETH忘記影相... 無大合照呀... D相好混亂... 因為家裡太多人...

 

(後補相)

點解咁多人?? 因為KENNETH家除左過大禮外, 仲有野要做...

待續...