第二日，一早爸爸同momo仲瞓緊，我就同阿包去食早餐。
果然係親子酒店，high chair都好幾款，仲有baby food提供！食物以日式為主，一般cereal呀麵包都有提供。
走時攞左少少麵包畀momo，餐廳門口仲有外帶咖啡攞，啱晒爸爸！
天氣好好，同阿包影下相先
返到房，momo剛醒，佢真係好得意！
其實酒店有golf 車接送，但近近地我地自己行，只係第一日坐過，兩個小朋友見到架車唔肯走
等爸爸攞車期間阿包幫我地影架！
今日我地去竹富島玩，揸車去碼頭附近泊車
仲有30分鐘先開船，爸爸買早餐，我地就食雪榚，小朋友最開心！
第二個仔，我都好放鬆，哈哈！
船程只係10分鐘，但超快超大風呀
落船之後就過去旅遊巴嗰邊
有幾間公司，想坐水牛車定踩單車，揀好先上車
阿包話想坐水牛車，見第一架車最多人，就跟住上
好搞笑，原來阿包以為水牛車係喺水上面
見到隻牛之後就話唔坐，要坐單車
我地都覺得踩單車啲時間易控制啲！
好彩呢間店兩樣都有得租
只係……媽媽我真係好耐都無踩過單車！
由於係石仔沙路，架單車又高身，電動單車一踩就好快，我載住阿包，一踩就炒車 (+_+)
好彩個仔有seat belt，無受傷，但已經嚇到佢唔敢坐我車，哈哈！
我唯有載未識驚嘅momo啦！
個天好晒，一定要戴帽！
間公司有畀張地圖，雖然唔太明
我地都係跟住啲人踩，個個都係去嗰邊
媽媽我踩順左都好ok呀！
好快去到星砂浜，太晒無搵星星沙
但唔知點解兩個小朋友都玩左好多耐
阿包玩呢個we嘩鬼叫
細佬就一直好投入咁玩沙
玩到咁上下，就去踩去隔離沙灘
呢個沙灘好大好靚，可以游水
但我地無plan到游水，影下相就去食lunch
好隨意搵間最近嘅餐廳
好家庭式，價錢仲好抵！
之後我地就去還單車
呢架就係水牛車，我覺得牛牛好慘呀
喺船上，兩個仔都攰到恰著，可憐我同老公一人抱一件落船
好快就返到酒店，點知兩個仔都醒左唔瞓，真係omg
食左小小茶點，休息一陣，爸爸就話去沙灘望下，fusaki beach出名靚架！
真係好好好靚！咁先係石垣嘛！
但開始天黑，又大風，決定明早再來
（下一篇有更多的靚相）
我地出發食early dinner，因為呢日係包爸生日呀！
去左石田屋
一早已經叫酒店book定，也request左high chair，點知去到佢話無high chair！
再次omg
啲牛好正呀！
BB也食和牛！
不過由於momo午睡瞓左唔夠一個鐘，佢已經好攰，食飯時扭到呢…… 巧虎都無用
結果呢間啲牛再正，我地都唔太enjoy
返到酒店都只係9點，我一早安排左酒店送蛋糕
點知staff送蛋糕時包爸泊車中
所以就由我地三個攞住蛋糕開門
包爸好surprise，但就無人同我地影相要自己影
細佬超眼訓要食奶嘴
個蛋糕好大個，我地食剩大半
呢日真係幾攰！第二日轉酒店，仲要執行李！
No comments:
Post a Comment