之前嗰日落左成日雨，呢日一打開窗係大大個太陽！阿包一早起身，爸爸就同佢去食早餐，而我就選擇同momo瞓多陣！
到佢地食完返來，阿包就話要換衫游水，而我同細佬都醒了。阿包同爸爸先去玩水，我同細佬換好衫，就先去bar度攞啲小食同飲品。喺club med係唔會餓親嘅！
前兩日momo都食得好差，呢日佢終於變返正常啦！明明已飲早奶，都同我一齊食呀食！
（睇真啲我對腳，就知我卜到好傷！）
有個小朋友，喺泳池邊一路食一路行來行去
又睇雀仔，心情大好！
哥哥玩玩下都上水食下野
Momo繼續食呀食
食夠就同爸爸玩水，媽媽我受傷落唔到水
Momo明顯比第一日enjoy多了！
食完換好衫，就到食飯時間了
明天就離開了，餐廳個景其實好靚
趁機影多啲相先！
Momo游完水好攰，有點眼瞓了，要食奶咀
結果momo係未食lunch就瞓左
不過因為佢食左好多小食，無食lunch都ok，晏少少補支奶就得，反正佢都好似唔鍾意呢間餐廳！
之後我地就去左川平彎坐玻璃船睇魚仔
揸車去只係15分鐘
去到是旦搵間船家，最快開船嗰間
Momo 一落到沙灘勁鍾意玩沙！
好快就上船，中間有個玻璃窗睇魚
初初兩個小朋友都好興奮嘅，但睇睇下已經覺得悶啦！
細佬少少扭計，唔肯坐定定
無聊自拍^_^!
落船時天陰陰，開始風雲變色
想畀兩個小朋友玩下沙都唔得
怕會落雨
個景好靚呀
相信天氣好一定更加靚！
無得玩就去食雪糕啦！
兩個小朋友當然開心啦！
呢度有兩間雪糕店，仲有啲餐廳，但我無詳細睇
呢架就係我地租嘅車仔
十分之抵租！
返到去兩個仔都瞓左，媽媽我難得有點時間，去左沙灘hea下，又去bar攞啲drink 同snack，真係好舒服呀！可惜一個鐘後老公已急call，兩個仔醒左見唔到媽媽扭計！
呢日係最後一晚喺石垣，也是最後一晚喺club med。最後一晚，momo終於唔抗拒間餐廳，肯食野了，仲食左好多！
哥哥呢幾日就好叻，餐餐食好多，不過仲飲左好多汽水同食左好多雪糕囉……
Momo肯食野，媽媽我都有安落茶飯食，終於得閒影下相！
其實晚晚hall都有表演，但初初覺得好嘈，唔太啱我地小朋友，呢日最後一晚就去睇下
真係估你唔到，兩個仔high到不得了 (≧▽≦)
Momo仲想上台添呀！
第二日要返香港了！
No comments:
Post a Comment