18-4-2018
終於可以再一次一家四口去旅行啦
晨早7點幾機，細佬momo喺的士瞓到去機場
阿包哥哥就一起身已經好興奮！
不過出發前有少少驚險，前一日學校老師突然打畀工作中嘅我，話阿包畀小朋友撞到壓住左隻手受左傷，用唔到力，因為知道我地第二日去旅行，就叫我地最好去睇醫生。
我同老公本來都請左下午假，我地去學校接佢時覺得應該無乜野嘅，我就去左剪頭髮，老公就帶佢去睇鐵打。原來阿包個手踭胶位移左位，醫師幫佢full藥時佢痛到we嘩鬼叫，而且嚇怕左佢，仲要用三角巾包住固定位置，個感覺就係乜咁嚴重呀？！不過醫師開左幾日藥，話可以照去旅行，晚上full藥就得。
個仔受傷，行李又未執好，媽媽我歸家心切，一整完頭髪就飛奔返家，點知就仆左喺條街到！痛到我呢…咁大個人都未試過仆得咁傷！忍住痛搵的士返屋企！返到去先發現手踭，膝頭，腳掌都損晒，仲要係成塊皮甩左嗰隻！痛都唔緊要，諗起去到石垣落唔到水就好down！而阿包，佢其實都唔太痛，只係佢心情唔太好…
好在第二日，我地都好順利去到機場，但個boarding gate好遠，搞到勁趕，得阿包代表影相。但佢成日都唔肯用隻左手，好搞笑，好彩唔係整親右手！
機程好短，係等飛嘅時候好難挨，又唔郁得，又唔可以用電話，唯有出動零食放題！上到機無耐兩個小朋友都恰著左，不過好快就落機了。
一落機，天氣勁好呀！holiday mood 返晒黎！
我地行去斜對面搵租車公司shuttle bus，去攞車啦～石垣超hea自駕遊開始！哈！
頭兩日入住fusaki resort，點知去到未可以check in，我地就先去食lunch
舟藏之里
石垣好多餐廳唔開午市，所以一早搵定餐廳
呢間環境好好，有tatami啱晒小朋友！
但momo就好曳，周圍搞搞震，都係high chair 好啲！
食完lunch就攞房啦～
間房好大呀！兩個小朋友走來走去勁開心！
之後我地就一齊眠一眠，哈！
瞓醒後同兩隻沖個涼，就去食晚飯
揀左間居酒屋，又有tatami，啲食物都好啱小朋友，大人又有魚生。
あだん亭
但細佬唔知點解有啲扭計，為左唔想嘈到人，出動double奶咀！媽媽之前入定巧虎落ipad，以備不時之需！好彩食物一到，momo就正常返！
食完飯就去西松屋同supermarket入貨！呢對包超拖鞋，佢一著就唔肯除，媽媽唯有乖乖畀錢！媽媽喺西松屋買唔少野呢！
No comments:
Post a Comment