Momo 12個月成長紀錄

一歲了，當然要留個紀錄！

重

9.35kg, 當年哥哥係10.30kg，足足輕一kg呀！所以momo一點都唔肥，50%線，中等身材。

食

大部分時間兩奶三固，曾經有幾日一奶咋，唔肯飲，好怕佢自我戒奶！唔愛奶也是另一個佢唔長肉嘅原因！食固方面，粥仔都係一時時。 鍾意食嘅就食曬，唔鍾意食嘅就食幾啖唔食，特別鍾意蝦媽咪，姐姐餵就食得好啲，媽咪餵就成日要落high chair玩！心野，多人嘅地方又唔食粥，超八卦！眼瞓又食唔到，r頭發脾氣！係咪好麻煩呢！但係水果麵包bb零食就多多都食！ 而家嘅生活習慣總算變得規律，最後一餐奶十二點鐘 ，第二朝六點半左右又畀奶，因為佢要瞓住先肯飲奶㗎，醒佢就唔飲！

訓

瞓覺方面都叫做好規律，一日瞓兩次晏覺，每次一兩個鐘。夜晚九點半左右就瞓。momo細佬算係一個好容易入睡嘅bb，但係夜晚就會成幾次，搞到媽媽無覺好訓。朝頭早少少聲就醒，所以只要哥哥起咗身，細佬就會好快醒。所以平日嘅細佬就八點幾醒，而放假時哥哥會瞓晏啲，細佬又會瞓晏啲九點幾先醒！

說話能力

呢方面我都幾緊張㗎，因為包包哥哥好大個先識講嘢，而家講嘢都唔係話太好！而momo喺呢方面好明顯好過哥哥好多，而家已經可以好清楚咁叫爸爸媽媽，係有意識㗎！要食野時會好大聲「呀」，panda佢叫da，洗白白會講白白，仲有啲bb話ar gu咁。

活動能力

活動能力反而就冇哥哥咁好，一歲嘅仲未可以鬆開雙手行，要扶住啲嘢先可以行，但佢都好鍾意我地扶住佢行嘅，但就好鬼心急，都未企穩就要行咁就梗係行得唔好啦。相對地，佢都比哥哥曳好多，少少唔如意就會大喊，仲喊得好大聲㖭！真係好鬼惡㗎！ 最鍾意就係同哥哥爭玩具，好似哥哥嘅玩具特別好玩咁。又鍾意爭寵，哥哥痴住媽媽嘅時候佢一定會爬過嚟簽埋一份，搞到媽媽我周身唔得閒。完全係痴媽b一族，無時無刻都鍾意黐住媽咪，如果媽咪唔抱佢，佢就會大喊 再r頭， 逼到媽咪唔抱佢唔得！仲有就係佢唔鍾意自己攞野食，要人餵，無人餵就會喊，連星星餅都係！好奇怪！但佢又會攞啲餅來玩，係唔放入口囉～

但係另一方面，又係一個非常之鍾意笑嘅小朋友，佢嘅笑容真係冧死人架！搞到爺爺嫲嫲同身邊好多人都好鍾意佢，同細個好cool嘅哥哥，真係完全兩種性格！

哥哥一向文靜保守啲。細佬就貪玩又大膽！哥哥乖巧啲，細佬就活躍啲！

企到兩秒啦

陪哥哥做功課，其實係度搞搞震

每日放工返來就見到呢個笑容

（但5分鐘來唔抱佢就會發脾氣-_-）

曾經都有對肥比架

好愛動物，公仔都一樣

哥哥架iimo，但無哥哥咁鍾意，玩一陣就唔玩

發燒出玫瑰疹，雙眼皮都出來了

媽媽會一歲party

自己生日會第一次食蛋糕，深深愛上！

呢啲咁sweet嘅相永遠無我份>_<

Momo嘅笑容真係冧c人

好似做壞事畀人發現左咁

Momo happy 1st birthday!