近況

艾利絲潛左水好耐，其實我無放棄個blog架，只係我實在太太太忙！兩子之母，放工放假都親自湊仔，連訓覺都唔夠時間，公司又忙！實在連少少時間都吱唔到出來寫blog！

基本上由七月開始已經好忙，嗰陣時細佬有濕疹食得唔好瞓得唔好，媽媽我都冇覺好瞓而且心情又唔好。到八月份，就到包包放暑假，唔係返工就係放假陪佢。八月尾就同兩個仔去咗沖繩6日，所以七八月份一有時間都用來上網做research plan行程，完全無晒啲時間！

旅行返嚟，好開心但都無左半條人命！跟住就到我家工人姐姐，做咗四年，要返鄉下結婚了，所以七月份開始我就努力搵新工人，搞手續，我自己direct hire，慳好多但又煩好多。好彩舊姐姐介紹佢嘅親戚畀我，而家新姐姐已經做咗一個月，感恩呢個工人都ok，但係整個九月就少不免有點唔放心，返工嘅時候會成日望下cam！放工又即刻卜返屋企！

跟住就到包包生日，同佢搞咗個小小生日會。包包之後就到細佬豬生日，佢兩個嘅生日雖然好近，但係細佬第一年生日，都希望畀佢一個屬於佢自己嘅生日會。之後又到國慶中秋，真係好多嘢做好多節，公司又望！而家叫做可以過返啲正常嘅生活(希望)！

黎緊我希望可以慢慢記錄返番啲blog (龜速地)，特別係寫返遊記！