包包4歲生日

去完旅行返嚟冇耐就係阿包生日 （包包大了，改口叫阿包），所以都冇乜時間準備生日會，本來包爸話買個蛋糕算數，但係我話你知唔知生日會對小朋友幾重要！等左一年，個個小朋友都有生日會而自己無係咩心情？！

所以，再簡單都要搞一個！（反正都係我搞）

嗰一日係平日，就喺晚飯嘅時候同屋企人一齊搞咗個好簡單嘅生日會。因為無時間準備，大部分食物都係叫外賣，只係整咗啲雞翼同埋啫喱。啫喱係包包親手整㗎，媽媽我都有淘左啲簡單嘅 佈置，一放工就卜返屋企準備。阿包喺樓下玩，到佢上來見到嘅時候都超開心呢！

就連蛋糕，我都有問佢想要咩蛋糕

本來話要巴士，但巴士蛋糕太大個了，佢就話咁要小巴啦！個製成品好靚呀！佢見到時真係嘩一聲！裡面仲係佢指明嘅士多啤梨蛋糕。

唱生日歌吹蠟燭時間

大個左，但仲係咁怕羞，個樣有點靦腆呢

呼~

細佬有得睇無得食，慘慘 :P

I love my boys!

夜晚瞓前，阿包話媽咪我今日好開心呀，我即刻畀個眼神包爸，堅持搞生日會係無錯嘅！你快樂所以我快樂，能力做到嘅媽媽都會為你做！

呢一年來，多左細佬，陪伴阿包嘅時間少了很多很多，特別係呢兩個月，因為細佬識爬識行，開始痴住媽媽，會同哥哥爭寵爭玩具！

哥哥也由原來非常愛錫細佬變得唔鍾意細佬。仲話要送細佬畀人地，行為上也較反叛。媽媽我當然明白佢心情，但奈何時間有限，只能多同佢傾計。而星期六就全日陪佢上興趣班。盡量用行動話佢知媽媽嘅愛一點都無減少！

希望待momo細佬長大一點，兩兄弟能多點互動，相親相愛吧！