K1 秋季大旅行

包包第一年嘅學校旅行，爸爸媽媽我地梗係要抽空出席啦～ 地點係沙頭角農莊!

前幾日包包已經知道會去旅行，最搞笑係佢問我要唔要帶篋，哈哈～

去到影張團體相先，小朋友幫手攞banner

之後就玩集體遊戲

跟住就去睇紅樹林

搵蟹仔

好努力咁搵 ^_^; 

玩怕羞草

小朋友就係咁簡單

回想自己細個都係玩花玩草玩泥沙架咋!

車迷去到邊都要揸車

用奶樽餵魚

其實我唔明點解要用奶樽餵?!

午餐食盤菜

仲有整茶果

但好睇唔好食

食完飯後就係自由時間

可以去睇動物，但來回要45分鐘!

都係睇兔仔呀羊呀咁，呢啲包包都成日見

天氣又熱，所以我地唔去啦

轉去玩彈床

包包曾經好鐘意跳彈床，但有一次畀啲大細路嚇親之後就怕左，係近幾個月先開始鍾意返

可能有同學仔一齊玩，特別開心!

好老實講，真係無咩玩

無無聊聊就買支bubble同朋友仔玩

玩下bubble玩下樓梯

好辛苦(大人好辛苦)先挨到集合時間

所有小朋友一上車就暈左

小朋友都玩得好開心

但對於住錦田嘅我地，呢度實在無咩特別，唔明點解要去到沙頭角咁遠?! 

不過小朋友開心最緊要啦

呢日好開心嘅係有幾個媽媽都話我知佢地仔仔好鍾意同包包玩，包包好搞笑一見到friend嘅同學仔就走埋去拖住人地，有啲小朋友又唔畀佢拖，佢又係都要拖喎 ~@^_^@~ 

見到佢地手拖手真係好可愛!

分享DHA 藻油丸

懷孕嘅時候, 好多媽媽都會食營養品補充品, 一般都會食多種維他命同鈣片。近呢兩年, 開始多左人食DHA魚油/藻油丸!

睇得電視多, 都會知道DHA係BB腦部成長嘅重要原素, 所以大部分配方奶粉都會加入DHA。DHA是腦部、視網膜及免疫細胞構成的重要成份,有助大腦、眼睛和中樞神經系統的發展。醫學科研証明，媽媽喺懷孕及授乳期通過食物及營養補充品攝取高水平DHA，母體及母乳中的DHA水平也會隨之升高，有助寶寶出生後的大腦發育!

BB未出生, 就要依靠媽媽懷孕時提供DHA。BB出生後, 媽媽就可以透過母乳畀到DHA BB呢!
不過DHA係身體唔能夠自我製造, 所以必須從飲食中攝取。 好似食魚咁, 之但係宜家香港人有幾多可以日日食魚? 到食魚時,又怕魚類有無受污染,有無毒素如水銀或鉛等等...

所以最簡單就係食DHA魚油/藻油丸! 雖然唔知食左對BB有幾大幫助, 但我相信DHA對BB係有利無害。特別係包包哥哥眼睛唔太好, 我都希望MOMO細佬視力發展得好D呢!

其實我懷孕時一直有食開某牌子DHA魚油丸, 最初食除了因為DHA對BB好之外,係因為那個牌子DHA魚油丸除了魚油外,還有月見草油。因為當時有妊娠濕疹,而月見草油可以調整女性體內荷爾蒙, 對治療濕疹有一定的幫助。(注意:請向醫生/營養師查詢)

但後來先知道DHA魚油丸同藻油丸係有分別!!

目前市面上DHA的營養品可分為「魚油」及「藻油」，魚油的組成是DHA/EPA，EPA會降低血栓素A2的合成，有抑制血小板凝集的作用，可能會影響生產過程的凝血功能，造成血崩，會增加媽咪分娩時難產的風險， 因此懷孕後期就不建議繼續補充含有EPA的魚油。但孕婦可選擇補充從單細胞浮游藻類提煉的植物性「藻油」，其組成只含DHA不含EPA，不影響凝血功能，是較為安全的孕婦營養補充品。

所以我懷孕後期就轉移食藻油丸, 到宜家餵緊人奶都有食.

至於揀邊隻DHA藻油丸好? 市面上有好多牌子有出藻油丸, 我覺得最緊要選擇有品牌、有信譽的廠商, 以確保質素!

美贊臣最新推出Enfinitas媽媽藻油DHA丸，係由高純度藻油提煉而成，仲係清新天然檸檬味，細細粒好容易入口，每粒Enfinitas媽媽藻油DHA丸含有200mg DHA，每日只需一粒就可以達到國際專家建議每日嘅攝取量，提供足夠嘅營養比媽咪同BB!

注意DHA要隨餐服用, 唔好空肚食呀!

我會繼續食藻油丸,直到唔再餵母乳為止!

送上MOMO甜甜笑容相 ^_^

#InspiredbyMoms #美贊臣Enfinitas媽媽藻油DHA

#專家建議每日200mgDHA #原生營養源自母愛

#細細粒Enfinitas媽媽藻油DHA是這樣鍊成的

#孕婦愛檸檬味是常識吧 #準媽媽記得每日食一粒呀

Momo 一個月成長紀錄

轉眼間就一個月，呢一個月堅辛苦，但見到momo極速長肉，都心甘情願 ♡^_^♡

重
出世2.9 kg, 一個月返健康院有4.55kg，10磅啦～ 比哥哥嗰時更重呢

食
出世時食2安，滿月時食3.5安。沒哥哥咁食得，但就好吸收，唔通因為食多左人奶? 好易掃風，仲er得好大聲，好搞笑!

訓
日頭好多時唔願訓或者訓幾個字就醒，又會扭眼訓。夜晚就訓得好好。一訓左就幾嘈都唔醒，所以好多時飲奶飲飲下訓左就好難整醒佢飲，好頭痛! 也因為咁，睇來有排先戒到夜奶!

包包哥哥有個特技，就係訓住飲奶，即使由頭都尾都無醒過，個咀都啜晒支奶架!

總結
初生bb，依然係大部份時間訓覺。touchwood momo 食訓痾都暫時唔太難搞! 最難頂係3個鐘一次餵夜奶!

個樣呢，雖然好多人話同包包哥哥好似，但其實我覺得momo對眼無包包咁大，但下巴就尖啲，有個蝦餃仔，頭髮都多啲，所以我覺得momo可能似爸爸多啲呢，不過bb個樣成日變，真係估唔到!

Momo相比哥哥，真係極速漲爆，滿月時面仔已經漲卜卜!

Day 1

Day 3

Day 5

Day 8

有少少黃，但ok

Day 16

下巴尖過包包哥哥架

Day 19

飲飽食醉樣

Day 27

(美圖秀秀後)

因為面仔敏感

又勁多頭泥

忍唔住帶佢去睇醫生

見到佢面仔咁，心痛死我

估唔到未滿月就去睇醫生!

Momo呢一次我地唔擺盆菜宴了

太勞師動眾，第二個男丁，62都話無所謂

所以改為擺百日宴

雖然沒有如哥哥般咁盛大延開46席，但其實擺酒樓比擺盆要用更多錢架! 所以媽媽一點都無偏心架。

滿月當日就只係簡單切個蛋糕

吹蠟燭就由包包哥哥負責!

因為未擺酒，金器沒哥哥咁多

“我是白馬王子，我滿月啦”，嘻嘻！

面仔已經好漲啦～

終於一家四口

心滿意足了！

感恩感恩!

包包momo，你地要相親相愛啊！

第二胎大不同

我同老公都唔打算再生，所以呢一次決定要坐好月!!

坐月生活

上一胎頭一個月基本上係自己湊，因為無請陪月，姐姐day 10先到步唔放心加上誤信奶奶會幫手湊!

呢胎姐姐已經熟手，奶奶又會煮3餐加補品我食，所以覺得唔需要請陪月了。坐月期間，我仲堅持唔掂生水，日日飲炒米茶，12朝先洗頭沖涼，之後隔三四日先用薑水洗頭沖涼(當然每日都有抹身清潔)，除了去健康院，足不出戶，連樓下都唔落，真係好乖架!

餐餐有肉有菜有白飯有湯水

原以為第二胎有經驗會比較輕鬆，但係…… 仲有包包呢…

最難頂係餵完夜奶，仲要搞掂包包返學先有得休息。又要食早飯食薑醋，泵奶餵奶(姐姐做家務就我餵奶)，hur一聲又要食午飯。食完午飯先有時間訓2-3小時，又要趁包包未放學又泵奶又要幫bb 沖涼! 包包放學就要陪玩陪做功課沖涼等等。好快又到dinner。dinner後爸爸陪包包，我就泵奶沖涼/抹身，10點前陪包包睇書訓覺。包包訓著又開始每3小時餵夜奶。
(有2個小朋友嘅媽媽就會知道坐月係好難休息!)

包包返全日學都好啲，最怕佢病呀～

一出院回家，包包就病左，初時只有少少鼻水，後來還有輕微腹瀉! 原來媽媽我住院時又食朱古力又食雪糕!! 其實係6299爸爸怕佢扭計畀佢食! Weekend 加2日病假，見媽媽我全日在家，包包變得非常痴身，而我都少左好多休息時間!

到左day 20，包包突然嚴重痾嘔! 嚇到我地半夜帶佢去急症，點知博愛醫院急症勁慢，半個鐘都未分流!! 包包已經嘔埋黃膽水，嚇到我喊，我地即刻飛車去荃灣港安!! 我發誓以後都唔會去博愛!! 原來包包學校有多名學生痾嘔，應該係被傳染了。又來2天病假，最慘係包包瘦左好多，心痛死我了!

媽媽我連夜照顧包包加持續唔夠訓餵夜奶，day 22突然病倒了。全身骨痛頭痛加輕微腹瀉。幸好老公同姐姐接力，畀我連續訓左10個鐘，我又再精精神神戰鬥了!! (我病左包包都堅持痴住我訓T_T )

包包情緒

除了日常生活，還要處理包包嘅情緒。第一天momo回家，已經送上禮物，包包都好喜歡細佬，momo喊會拍拍佢話唔好喊，人地上來睇細佬又識叫人細聲啲呀～

但當佢需要媽媽時而媽媽又抱緊細佬，佢就有點吃醋。刻意好大聲唱歌講野，玩 xylophone玩具琴勁嘈，甚至發脾氣喊(當佢有點攰時)。

有幾晚半夜醒左大叫媽咪，姐姐都搞唔掂，仲要拖住我隻手成個鐘先訓返，我餵完夜奶都無得訓〒_〒 。於是我又打地舖陪佢訓左2晚，再持續同佢心理輔導，情況先有改善。

現在包包情緒已經好好多，因為佢學識左叫姐姐爸爸抱細佬，咁媽媽我就可以陪佢 ^ _ ^ 。如果得我一個，佢又好似好懂性咁乖乖等我(可能知道扭計都無人理)。我會叫佢幫忙照顧細佬，好似攞尿片，掉屎片，攞綿花，甚至一齊幫細佬沖涼! 有時bb喺換片墊，我會叫佢睇住細佬，唔好畀佢跌落地(其實係唔會跌嘅)，佢又真係好緊張咁睇住架!其他人黎睇bb，佢又會叫人唔好咁嘈呀(其實係我地成日叫佢唔好咁嘈)，要洗手呀等等。姑媽剛剛去完旅行，佢話下次要帶埋細佬去日本喎!

有時會畀佢抱細佬，佢抱得好緊張呢～

最搞笑係有一次我叫爸爸快啲黎幫我抱住bb先，佢就話等我黎!! 真係以為自己識抱bb咁，哈哈～

影左nb相，momo真係好可愛! 收到相後再分享!

人奶之路

上一篇都有提到，食抗生素嗰7日都無得餵母乳，其實都感覺良好，因為撞啱包包病左好痴身，我真係無咩時間，但為左keep住奶量，得閒就去廁所擠奶，擠完就只好倒左佢(或者自己飲左佢)。沒計算有幾多奶，沒有壓力。

到左第6日，先認真睇下自己有幾多奶，慘囉，兩邊加埋先一安。即刻叫99煲魚湯，自己狂飲炒米茶，仲即刻上網買左more milk plus!! (第2日就收到堅快)

上一胎經驗係我皮膚薄，埋身會好痛，但我都盡量一日一次埋身，刺激下乳房造奶。日間就4個鐘泵/擠一次奶。2日後，奶量上升一陪，即係…… 都係得2安! 幾日來都係咁。我終於知道自己係窮媽媽…… 其實我從來無咩谷奶，人地話谷奶痛我都唔覺架，但對於只係飲3安奶嘅momo，有2安係人奶都ok吖，慢慢追啦～ 連老公都話估唔到我餵到人奶，哈!

但係奶量一直無變，個人長期唔夠訓又超攰，半夜都無泵了，weekend 包包太痴身都泵少左！momo宜家食多左奶，要補奶粉又多左。到左今時今日，我只可以話盡力而為，覺得自己相比第一胎已經叻左好多! 

Momo, 媽媽希望堅持到自己返工，就算少奶到畀你當補品，都好過無啦～

Momo 生產記 (下)

2016年9月29日

第二日，一早就醒左，傷口開始feel到痛。
下午老公來扶我落床
上一胎有頭暈，呢一次無啦
自己又識得就住就住，所以無我想像中咁痛
我媽帶午飯畀我，所以話媽媽永遠是最好的!
有魚有肉有菜仲有水果!!

之後老公就返屋企接包包黎睇我
感謝老公，知道我掛住個仔，又知包包好想見媽媽，一日來回兩次屋企!!

而老公唔喺度時，我就第一次去餵奶，終於可以抱下momo。好細粒，下巴仔好尖，應該無包包哥哥塊面咁包呢～ 而且真係好多毛，好似隻monkey咁 ^_^;

第二日嘅momo

包包放學後就黎到

包: 媽咪你係度做咩呀?

我: 我休息囉，訓覺囉

包: 你做咩唔返屋企訓覺?

我: 媽咪生完bb肚仔痛呀，未返得屋企

包: 我……我……我想你同我訓覺呀

(開始有少少想喊)

我: 媽咪都想同你訓覺，我好快就返屋企，你Saturaday同爸爸黎接我同細佬返屋企好唔好?

包: 好…… 媽咪我好掛住你呀

(到媽咪我眼濕濕想喊)

我: 媽咪都係呀 (再hug hug)

爸爸識做，即刻話同佢去睇bb

包包仲話媽咪你行快啲啦～

之後老公就同包包返屋企，dinner 我就叫醫院canteen ，唔想家人走來走去送飯畀我。

其實醫院食物都唔錯架

呢日個子宮位置好痛。我好早，10點就訓了。

2016年9月30日

呢日一早就去餵奶

早上傷口特別痛

食完早餐就聽醫院講座

之後就等張醫生來檢查

醫生話我子宮有可能發炎，要食抗生素

之後就話唔可以畀bb飲人奶住

我聽到即時喊左出來，我話咁我唔食藥啦

醫生安慰我話7日後就餵得，呢段時間可以照泵奶，只係唔好畀bb飲。如果真係發炎，會發燒，又痛，到時更加照顧唔到bb!

醫生走左我仲喊緊，覺得點解個天要咁對我

我仲諗住第二胎會努力啲餵人奶，初乳都唔能夠畀到momo, 嗚嗚…

半個鐘後老公到左，我又喊

老公就話咁仲好，唔想我有餵人奶嘅壓力

(上一胎餵到爭啲抑鬱)

老公覺得包包食咁少人奶都咁健康，佢唔想我辛苦，佢一直都唔太支持我餵母乳架

下午我媽會送飯畀我，為左唔想佢擔心，我好快就收拾心情，接受左呢個事實

呢日我爸都有來，去左睇momo，我爸媽係咁話momo好靚仔，哈哈～

我好衰，我話哥哥出世時靚啲，但我媽就話唔係，細佬靚啲喎！

第三日嘅momo

呢日唔帶包包來醫院了

反正第二朝就出院了

老公陪我耐啲，我地傾左好多計

諗下細佬嘅乳名呀，英文名，搞滿月定百日宴

我去餵奶時，老公仲去左買西多士畀我食，hehe

下午又有出院講座聽

老公就返屋企啦

Dinner 我都係叫canteen

2016年10月1日

食左抗生素後，子宮真係無咁痛了

呢日出院時係完全唔痛! 

尋日我媽都話我recover得快

佢話見其他人行到成隻蟹咁，哈哈

10:30 包包同老公就到左啦

BB無黃可順利出院

等埋張醫生來，埋單後就走得

等嘅時候無聊，就畀包包玩下張床，見張床識郁，佢勁開心又驚訝，好搞笑

好快我地就平安返到屋企啦～

媽媽無得訓嘅日子正式開始!

Momo: 媽媽加油!