2016行花市

倒帶紀錄返新年嘅野先!

年廿八，星期六，包包突然有少少燒同鼻水，新年先黎病? 拿拿聲帶佢睇醫生! 點知睇開嘅兒科已收爐! 睇另一個醫生，足足等左3個鐘先睇到!( 我地返左屋企等)

呢個新年真係好多小朋友病!

食左藥午睡完，包包精神還好，就決定去行花市。第一係下午少人啲，第二就係包包9點幾就訓，食完飯先行花市就太夜了。

我地先行乾貨，包包去到好興奮，自己周圍行!
對啲動物汽球好有興趣，企喺度望左好耐
但我問佢要唔要佢又話唔要喎！

另一有興趣嘅就係風車，可惜元朗個花市真係無一個風車靚，買唔落手

行左無耐我地就去買小食XD

其實元朗個花市真係無咩好行

我地鍾意食多啲，哈哈

識飲更係飲熱維他奶!

包包幾乎飲晒成支呀

又食下魚蛋燒賣咁

爸爸呢支魷魚成40蚊，結果係又un又無味仲唔係好熟! 

中伏

食完繼續行，包包又玩風車

佢話揸車車喎，小朋友真夠想像力!

去花市少不了買汽球

其實包包無話要，但我又覺得行完花市無買野好似爭啲咁。見到呢個象象平平地又係包包至愛嘅藍色，就問佢要唔要。佢話要就買啦～

有人拖住隻象周圍行鬼咁開心 

見到好多吉自己行過去攪攪陳

今年呢啲波波花好靚呀，仲有好多顏色

可惜我無插花習慣呢

雖然個場真係好細，但包包已夠開心

所以話新年一定要黎行下花市