大年初一，包包仲係感冒中，慶幸已經無發燒。精神還好，但就完全無胃口食野。整整一個星期都不願食野!! 佢完全唔識餓，一見碗飯就話“唔食飯”, 湯又唔飲，只肯飲奶同水。
初一二三，早餐只飲奶，午餐同晚餐就好似打仗咁，幾經辛苦先捉到佢坐highchair，再出動youtube先肯食幾啖! 日間畀麵包，食兩啖唔食。除了朱古力，咩都唔食(當然無可能畀佢食朱古力)。蘿蔔糕，年糕，煎完香噴噴，佢都無意欲食!! 我唯有趁佢訓左，隊支奶佢飲。每次食飯都心力交瘁……
每年我都堅持買唐裝畀包包，今年因為太忙無淘寶，喺元朗買，雖然唔平但包包著起來好好睇呢!
小朋友大左就唔再可愛，真係要著多幾次!
過年前已經教包包講“恭喜發財，大吉大利”, 人地畀利是要講多謝。包包都好樂意，只係有時開心得濟唔記得要提下佢。
一早畀利是包包，只拍了video，無相。收到利是非常開心!
之後就落樓下同爺爺嫲嫲拜年。
其實爺爺一家就住隔離或附近，之後我地同包包就行去其他叔公屋企拜年。
對橙白色nike鞋仔都好襯套新年衫架!
包包負責拎盒禮，但佢一放下就9秒9走左去。
呢日天氣大好，陽光普照，一落花園就去踩單車! 包包25個月學會自己踩單車，現在佢已經可以控制自如，仲踩得好快!
因為62係大哥，所以大部分叔公姑婆都會來我們家拜年，包包唔使周圍去拜年，呢日留喺屋企都好多利是。
今年叔叔整左個好靚嘅位置影相!
本來想攞大機影相，但攞到落黎呀包少又唔肯影係咁走佬!!
我們家傳統，年初一都會有舞獅來旺一旺屋企。
其實包包已準備午睡，但一聽到打鑼打鼓聲音，我問佢睇唔睇佢又話睇，所以著住睡衣落樓下 XP
結果有人上返樓時勁hyper唔肯午睡囉～
同佢玩到5點先肯訓! 結果就訓到6:30 先起身。
晚飯只食左兩啖，但玩就好精神!
表弟黎左，我叫佢抱下表弟佢就好開心!
但呢個表弟勁細膽架，9個月大，超級肥仔!
大年初二，換上smart causal
裇衫背心鞋都係ralph lauren，褲就係next 出品。其實對鞋買左好耐，買大左宜家先啱著。
每年行程一樣，先去流浮山99外家拜年
有車仔玩勁開心
老公叫我淘返架畀包包喎
同舅公隻狗仔玩，包包一啲都唔驚呢～
之後就去我媽度拜年
包少又唔肯影相，咁我自己影啦
可能我媽煮得好食，晚飯有茄汁蝦同忟海參，包包叫做食到大半碗飯，但湯就一啖都唔飲。
婆婆屋企附近商場，包包見到隻公仔就去hug hug, 好似好熟咁，哈哈!
