整pizza@ pizza express

好多謝肚b媽嘅安排，令我地一班小朋友有機會一齊整pizza

肚b媽仲好有心機整埋佈置呢！

呢日真係十分唔好意思，我地遲大到！
事源前一晚去婆婆度做節，好夜先返屋企，以至包包呢朝早成9:30先起身，平時佢8點就起身架，好自然午睡都攪好耐先訓著！畀佢訓左45min就拿拿聲抱佢上車！換衫換片都上車先做！
上到車papa又話要去入油 -_-#
去到apm泊車又畀架大貨車頂住。因為apm啲轉彎位好窄，架貨車要慢駛 (>﹏<)
攪到遲上加遲！

上到去pizza express大家已經整緊pizza啦～
剛訓醒嘅包包見到咁多人，完全唔知發生咩事，樹熊咁痴住mama

嗰度啲職員都好好，即刻開個位畀包包
仲有廚師帽同圍裙！
但係包包不嬲都唔鍾意戴帽，口水巾只用平時用開嗰款，喺papa夾硬黎嘅情況下就開始喊，好醜怪呀～

眼見大家都就快完成，mama我都開始著急
拿拿聲開始整pizza

好多材料呀！

 其實呢…… 剛兩歲嘅包包係未食過pizza架，所以佢係唔知咩係pizza架，可能因為咁唔太投入

好在有tareworker媽媽同我講解，我先知要做咩 XD

包包好鍾意食菇菇，我就叫佢放啲落去

仲有蕃茄

火腿同雞肉

(呢個時候包包見到papa影相，係咁叫爸爸！目的係唔畀爸爸影相呀，救命……呢隻仔真麻煩！)

又要媽媽一輪安撫，呢個時候大家都好興奮，原來cheese來了！個個小朋友都好鍾意芝士呢！

可惜"樹熊包"攬到媽媽實一實，啲芝士都所剩無幾

幾經辛苦先整好…… 呼……

排隊攞去焗囉～

又唔肯影相 -_-#

嘩，好多pizza呀，有晒number唔會攪錯！

焗緊pizza時就玩下汽球
見返元朗友anki同寶品，包包先寬容返啲ja

好開心呢日仲順道慶祝9月之星呢！
包包都係主角之一！

個蛋糕好靚呀

吹蠟燭時個個爭住吹呢～

切蛋糕啦～

可能太遠，其實包包只係掂到把刀，無切到。
到大家都切完，佢就自己去拎把刀再切
似乎切蛋糕同吹蠟燭一樣咁重要 XD

好快就焗好啦～

好香呀～

Papa話自己好肚餓，所以好快我地就ko左個pizza啦～新鮮出爐嘅pizza真係特別好食！

包包都食左一件，好鍾意呢！

最後影埋大合照！

呢個包包走時非常開心，咁慢熱，真係畀佢激死！

呢日因為包包痴媽症發作所以無點影相，特別多謝肚b媽影咁多靚相！

另外就係有幸見到好多follow 左好耐嘅blog mama同 bb，個感覺就好似見到啲明星咁，終於見到真人啦，哈哈！

好似小檬一家，大爺一家，晉晉同晉媽，自你地小朋友出世甚至你地結婚時已follow！感覺上你地比上鏡young好多呀！

希望下次可以傾多啲計呀～