包包兩歲(1) : 907 2nd birthday party

包包兩歲生日第一擊，就係同一班同年同月同日出生嘅bb開birthday party啦～

艾利絲呢日好失敗，因燈光問題，啲相全部好黃，好左其他媽媽有share啲相！

去左其中一個媽媽嘅會所，仲帶左個scooter落黎玩。包包好似好有興趣喎！

第一次玩真係似模似樣呢

所以papa決定買一個scooter畀包包做生日禮物！

另一邊啲小朋友喺度食野。一望下，食緊薯片！

有時會覺得自己對包包食方面係咪太嚴格呢？！

其實包包都對薯片無興趣，走左去飲汁汁

再去玩sir滑梯，簡直係小朋友至愛！

得包包一個男仔，好明顯男仔鍾意車多啲！

點解咁細架車坐得落兩個人嘅…… 真係好可愛！

我地叫左外賣，食完晚飯就準備切蛋糕啦～

坐定定先！

 爸爸媽媽為左影相，唱左n次生日歌，哈哈！

之後就係小朋友最鍾意嘅吹蠟燭時間

佢地真係好可愛！

之後就個別family影相

包包對眼係無離開過個蛋糕嘅 XD

也畀多次機會佢吹蠟燭

有理由相信個蛋糕係充滿佢地嘅口水架

包包個樣好搞笑，好似好用力咁

最後一張大合照！結束開心嘅一日。

後記

我地呢六位小朋友每半年一聚

宜家大左，真係各有各嘅性格啦

諗返一年前仲係任我地擺佈

宜家，除左包包之外，個個講野叻到不得了

會爭野玩，會投訴

真係好搞笑

相比下包包反而較為文靜呢

但我又好期待包包好似佢地咁支支渣渣嘅時候

907 bb

要繼續健康快樂呀～

友誼長存