2015媽媽咪咪嘉年華

上年都唔知有呢個嘉年華，係後來睇blog先知，所以今年一早預定時間去！

可以上網預約定時間，呢個安排好好呀～

我地等包包nap完食飽飽先出發，去到已經好多人啦～下年一定要朝早早啲去！

去到先去搵巧虎。
話說包包一歲開始已訂巧虎，但佢一直對巧虎無興趣。mama真係有點唔高興，買左佢唔睇(連dvd都無興趣，係啲玩具有少少興趣)。見佢成日睇迪士尼美語世界睇到悶悶地，18個月時就再開9月號畀佢睇，估唔到可以坐定定睇晒！而家慢慢畀佢睇返啲書同dvd, 包包已經愛上左巧虎呢！

原來只係玩返屋企都有嘅玩具。

包包於是周圍走，攪攪陣

包：媽媽呢個好玩啲喎！

好專心咁玩

之後見到有彈彈床，排左一陣就有得玩。
包包未玩過架，我以為佢會驚，點知佢玩得勁開心！

(是日忘記帶相機，手機就影到郁鬆矇)

基本上包包係無辦法企到喺身XD

但un下un下佢都好開心

裡面有工作人員，所以都好放心佢玩

之後就去玩推車大賽

初初玩好興奮走得好快，但到比賽時佢就玩完要走！！！

結果係。。。佢無起過步一直抱住我要著鞋走囉

好在所以參加者都有嘉許狀，hehe

之後就去影cover baby同carnival baby

cover baby還好係closed area，carnival baby 包包就係咁走佬 T_T

愈晏個場就愈多人。於是我就同包包睇巧虎表演，papa就去排另一彈彈床

抱住包包睇show所以無影相

但包包都睇得好開心，拍晒手咁！

到差不多睇完，papa就打來話玩得彈床啦～

包包好開心，但我玩完就勁攰，又要un又要捉實包豬。玩完我先覺得應該papa上去玩多啲呀！

其實場內仲有好多野玩，不過啲人真係多到每個game都打晒蛇餅，我個麻煩老公又話咁多人不如走，so我地就走lu.....

我覺得呢個嘉年華好多野啱細bb玩，訂左巧虎就唔使入場費，裡面嘅game又係免費，下年一定會再去玩呀！