包包一歲(4)：媽媽感言

趁著有時間，快快打呢篇先！

包包話咁快一歲啦～呢一年係我人生中最難忘嘅一年！有左包包，我先明白咩叫血濃於水，原來母愛係好偉大，真係可以為左自己個仔犧牲一切架！

最初頭6個月係最難挨。會因為自己唔能夠餵母乳而喊同唔開心左好耐(到依家都間中內疚)，我又可以神經質到訓訓下半夜彈起身去聽下佢有無呼吸聲！曾經因為包包厭奶而半夜坐喺度喊！會擔心包包唔知幾時先反身。又驚cool爆嘅包包會唔會有自閉症？太多太多傻媽媽嘅行為啦～

到左6個幾月，包包識反身啦～時間就過得快好多。識得自己坐，反身，腹爬，扶住企，四腳爬爬，自己企，扶住行，到依家自己行，成日都有驚喜！除了行為，同包包又多左好多互動，真係好可愛架，我開始感受到做媽媽的快樂！但同時間又怕佢唔識講野，又因為佢唔鍾意食野而煩惱！真係養兒長憂九十九！

除了返工時間，我一返屋企就會自己湊包包，包包又好痴我，久而久之，就如無假放一樣，個人長期處於攰爆嘅狀態。有時返工又忙，都試過攰到喊架。包包夜晚都仍然會醒，有時一兩次，有時會醒好多次！所以我都好耐無試過好好訓一覺啦～咁包爹又點呢？因為包包夜晚喊醒係一定要媽媽抱架，所以包爹就可以大覺訓囉！老公提議過夜晚畀包包同姐姐訓，但我又唔捨得喎！我好鍾意訓前見到佢熟睡嘅樣，最最最喜歡佢朝早起身個檬豬樣，加上甜到漏嘅笑容！再辛苦都心甘情願呢！

也感恩呢一年黎包包身體健康，雖然只係餵左20日媽媽奶，so far都無病無痛，感恩感恩！

包包一歲，大概睇到佢性格。包包似乎係一個慢熱，固執，無耐性嘅人，個性大膽又貪玩，坐唔定。佢個樣似媽媽，但性格就好似爸爸呢！包包喜歡嘅野好快就識，但無興趣嘅你點迫佢都唔會採你，所以呢隻仔有時都好難教……

我成日都諗佢大個會係個咩人？甚至想到佢老婆會唔會靚過我？wahaha...

包包，媽媽希望你知道媽媽有多愛你。有一日你可能不再需要媽媽，但媽媽會永遠永遠愛你，支持你！

包包一歲(3) : 正日lunch buffet at Gold Coast Hotel

Rainbow birthday party 係星期六，包包正日生日係星期日。前一日忙完一大輪，呢日我地選擇舒舒服服咁過。

我地去左屯門黄金海岸酒店食lunch buffet

食物都無點影相，因為都係一般，無乜特別

而且包包依家已經唔會乖乖咁坐喺度，攪到我地都食到好唔得閒呢！

一心諗住見包包一歲，就畀佢試少少街外食物啦，點知呢日包包食飽先出來，一向唔為食嘅佢，畀咩佢食都無興趣呀～淨係掛住玩啲杯杯碟碟紙巾，又掉野落地(最近佢勁鍾意掉野呀～)

同媽媽影幅相先啦！

媽媽揸機影，係影得靚啲嘅XD

食到一半包少已經唔耐煩要落地行，我地就一個食，一個同佢周圍行，真係食都食得唔舒唱呀～

無法啦，呢個年紀係咁，睇黎下一次都要帶埋姐姐出來先得啦～

食完我地就出去行下影下相

呢日天氣超好，藍天白雲加大大個太陽！

我家兩個大少超怕熱，唔夠10分鐘就濕晒

包包又要行啦，仲唔想我拖住 ╮(╯_╰)╭

呢日天氣真係好好呀，但真係太熱，所以急急影幾張相就走lu....

睇見你呢個笑容就知你好開心啦～

你快樂所以我快樂 (^ з^)

包包一歲(2) : 907 babies birthday party

包包生日前一個星期，我地幾個同年同月同日出世嘅bb一齊開左個birthday party

話說唔知點解，907特別少bb出世，我見fb 媽媽會裡面，日日都至少十幾個bb，有啲日子仲有三十幾個！而907就得我地6個bb。

不過就係因為少人，我地幾個都相對熟啲，whatsapp都多野傾啲！之但係，6個bb得包包一個男仔，好多時佢地傾扮靚我就搭唔到咀。希望bbs大個唔好唔同包包玩啦～

多謝其中一位媽媽做攪手，要佈置，book場同準備食物，真係好有心！

個個bb都想攪個汽球呢

包包一到場就好開心

唔鍾意帶帽，哈哈

去play room玩

辛苦papa啦～

包包第一次玩sir滑梯，好鍾意玩咁呀

另外就係好鍾意全身鏡， 但屋企啲鏡佢又無興趣架喎

玩波波，依家識得掉個波出佢，一話bounce 就好開心

人地攞左個波就即刻想攞返

6個bb嘅"合照"，哈哈

玩完一輪到大人開餐啦，bbs就乖乖坐stroller

大人開餐！好多魚生呀～

5個美女。。。包包去左邊？

話說有人畀人搶左個檸檬茶盒就喊囉～

星星餅都無用。。。

我就抱起佢話唔緊要架，share一齊玩嘛，好快就收聲。上一次又係畀人攞左包紙巾喊，希望慢慢改善啦～

要mama抱先影到合照，醜死怪！

跟住就吹蠟燭啦～

一人一份禮物，係lego黎，可以一齊玩！

大合照！爸爸們終於出鏡。。。

由於bbs已經開始眼訓，有啲訓左有啲扭緊，所以得呢兩個bb做代表切蛋糕 (其實包包都扭緊眼訓要食奶咀)

包包用手攪個蛋糕，但又唔係食喎，因為未影完相架，嚇親我呢！

影相影相影相(^ з^)

sweet ~

祝各907 bb 身體健康，快高長大，聽教聽話！