包包四個月成長紀錄

包包四個月大啦！

(其實都快五個月了，mama寫得好慢啊！)

重

四個月返健康院重7.52kg, 姑娘話係大碼 B，但我又唔覺包包肥，結論係可能頭大，哈哈! 但其實睇返之前既相, 我覺得包包瘦左, 已經無之前咁包了....

雖然... 都仲係包....

食

奶奶方面都無咩進步，4-6安，心情好飲晒6安，心情唔好就四安，依家好難迫佢飲，識得用手仔推開個樽架！成日用手摸個奶樽，但唔識用力，所以要同佢角力！

訓

夜晚 9 點訓到第二朝 7 點左右, 中間11PM 會飲一次奶... 半夜依然會醒2-3次, MAMA都係唔可以一覺訓天光...

日頭有3次 NAP, 每次 30 min - 2 hr 不等, 我成日想佢訓耐D, 因為包包一眼訓就好忟... 而且開始心野, 日頭要"暗"好耐先肯訓...

行為

好多人話包包斯文, 其實係膽小鬼一名... 依家會認人.... 陌生人或者唔like既人見到就喊...

最慘係見到我媽都喊呢.... 攪到婆婆好傷心呀...

唔鍾意人地大聲或 noisy地方, 大聲少少都會嚇到喊出來!!! 記得去私家打四個月針時，聽到其他bb大喊就自己都喊埋一份，畀護士姐姐笑佢未打針先喊定呢！最攪笑係到佢自己打針時又唔喊喎！！
仔呀仔, 你大膽d啦....

手腳方面, 好明顯大個左好多了.... 手仔 movement 多左好多... 可能八卦左...

依家成日會玩佢張私家椅既玩具

仲有呢個ocean world 玩具都玩得好開心

但脾氣都大左, 唔高興 / 無人理佢就會叫...

叫都無人理就會喊... 好快有眼淚!  (以前佢好少喊到有眼淚架!)

另一方面都多左笑容... 包包係比較慢熱, 就算係mama papa, 都要同佢玩一陣佢先識笑架...

笑起黎眼mimi, 個口好大, haha...

包包應該係隻懶豬... 到依家都唔鍾意反身... 同佢玩tummy time, 好快就叫救命, 唔通個頭重得濟?? 佢訓喺playmat係可以完全唔郁, 完全無motivation 去反, 畀玩具, 拉手仔都唔郁... 都唔知佢幾時先識反啦.... (希望天氣warm時佢會more active啦)

當然, 包包喺mama心中依然係咁可愛...

100 日時grandma grandpa 畀既利是 (唔知點解upload極都係打橫左!!)

睇反呢d相, 包包 (compare to today) 真係瘦左好多了....

又倒轉左!?!

微笑既包包好斯文

好有大少風範

其實個身唔肥, 得個頭大, haha 

4 個月呢日影相,扭眼訓心情唔多好... 成日唔肯望鏡頭, 好難同佢影相呀....

一係就望實個cake... 你無得食架喎, 唔使望啦....

mama的話

包包... 雖然mama每晚都訓得唔好, 放假又無得休息, 但見到你開心健康mama就開心了...

見住你在我懷抱中愈來愈大粒, 就知時間過得好快 ...

我真係好想對全世界既人講, 我個仔真係好可愛架 ... wahahaha...
包包，要keep 住健健康康呀，唔好要mama擔心呀！

papa的話

papa 話自己係康樂組組長, 係負責同包包玩 (only....=，=")

睇黎老公都係個yes papa, 衰人由我做 ><