KIMMY結業表演

不經不覺KIMMY已經幼稚園畢業啦... 9月就上小學啦...
呢日有機會去睇佢既結業表演, 好開心 (畢業禮早前已經舉行左啦)

(無帶相機, 所有相都係IPHONE影)

我第一次去呢D咁多小朋友既場合, 一班小朋友一齊在台上唱歌, 真係好鬼得意, HAHA

老師派畢業証書 (其實已經畢左業架啦), D小朋友都唔知發生既咩事咁, 好攪笑!

KIMMY唔係讀咩名校, 只係讀元朗既"街坊"幼稚園, 但我覺得呢間學校真係好有HEART...
老師們致詞, 聽得出佢地真係好有愛心, 差D感動到我想喊呀 (係真架)
而且睇到老師同家長都好CLOSE,  仲認得我唔係家長!

老師們仲整左條片現場播, 有好多小朋友由K1到K3既相...
真係睇得出小朋友返學返得好開心!!

好攪笑!

之後係小朋友唱歌多謝老師同父母, 呢PART我真係好感動架, 佢地年紀小小, 都知道要多謝老師同父母!!
唱左"孩子心曲", 好TOUCHING呀...

學校仲有禮物多謝幫助過學校既家長呢....

女孩子擺晒POSE咁影相, HAHA, 其實我覺得佢地仲好細粒, 真係要讀小學架啦??

呢個POSE正, HAHA...

其實我覺得就係因為"街坊"幼稚園所以小朋友先讀得咁開心...
如果係D名校, 可能小朋友要學好多野, 會好忙好大壓力, 而且老師都未必咁有HEART!!!

我都有D擔心KIMMY要讀小學, 因為佢絕對唔係"港童", KIMMY係好天真, 好聽話 (都好易呃) 既小朋友, 我真係驚佢升小學畀人蝦呀!!!
而且我唔捨得佢大個, 第時就唔會咁鍾意同我呢個AUNTIE玩, 又唔會咁容易畀我呃到, WAHAHA....