天氣凍個人都懶D, HAHA.... BLOG寫得好慢呢....
2011年12月31日
呢日我地下午去左行街街, 之後就返屋企食飯, 可能XMAS玩得太多日, 個人都好攰, 更重要既係KENNETH要睇曼聯!!!
睇完曼聯成十點幾我地先出動.....
(等港鐵時影的) 上年同今1年, 好明顯我地2個都肥左, HAHA....
我地就係去緊IFC啦....
呢年已經係第3年啦, 因為ifc好高, 去到出面碼頭, 搵個位抬高頭就睇到, 而且碼頭空曠, 要搵位一d都唔難....
我地成11點半先到ja....
5...4....3....2....1..... HAPPY NEW YEAR!!!!!
睇煙花真係好開心呢....
今年, 對面仲有ICC呀....
都係IFC靚D....
2012年第一幅合照!!!
唔知我地下年會唔會再黎呢度COUNT DOWN呢???
之後坐西鐵好快又返到元朗啦...
買左b仔做宵夜, 一面食一面睇住電影新聞, 正!!
2012年1月1日
朋友仔呢日結婚, 我地去左觀禮....
我好鍾意去CHURCH觀禮架, 因為覺得CHURCH個感覺好神聖,每次聽到結婚進行曲, 加上見到朋友仔出嫁, 都好感動好想哭呢....
而且有時聽多D牧者分享, 都可以時刻提醒我地要好好KEEP住我地既關係同感情!!!!
有時生活忙碌, 壓力大, 好多野都會被遺忘... 要一生都相愛守望, 都唔係一件容易既事....
正正因為聽完d咁有意思既牧者分享, 我倆又談起我地既將來 ---> 就係生bb....
不過只係傾下去邊度生都令我地吵架.... 只可以話男人同女人真係有好唔同睇法, 不過生仔呢樣野, 老公, 你還是聽我呢個女人仔既說話吧....
估唔到2012年第一日我地就吵呀....
老公, 記得我講過, 凡事都要為我地既家去想啊.... 無謂的事就別跟我吵了, 好嗎??
牧者既說話很有道理, 但要去實踐, 我倆還要繼續努力!!!!
由於沒有共識, 我地既生b計劃又要擱置啦.....
2012年1月2日
懶洋洋的在家hea了半日, 夜晚又到F小姐家開party....
朋友仔買了cake慶祝一月同二月既朋友仔生日, 我都有份架.....
婚後第一年過年, 好多野要準備呢.....
你想返澳洲生b?? 慢慢傾喇....始終會搵到有共識ga..
ReplyDelete[版主回覆01/16/2012 14:02:22]唔會返澳洲，只係諗緊私家定政府，邊區同邊間醫院都傾唔掂
生B真係要諗得清清楚楚先生呀,因為我到時都要考慮好多因素呀,唔係話生就生呀....
ReplyDelete[版主回覆01/16/2012 18:10:07]係呀，諗下都覺得好煩，生左就無得後悔！
其實我覺得邊度生都唔係最重要, 最重要係之前邊個湊~ 想慳錢同方便就梗係比6299湊最好, 不過自己有預感佢哋一定會好縱d 孫...呢樣反而係我最擔心既, 小朋友既性格要由好細個開始陪養, 我好怕佢哋會變咗小王子小公主, 唔聽教咁就頭痕喇~
ReplyDelete上面好似有個藝人阿水? 佢係你fd嚟ga?
[文大小姐回覆01/18/2012 18:34:17]我80%會去政府, 因為好似順產好處多d, 而反正有順產既決心, 就梗係想慳番幾萬蚊買野比bb仲好過比醫院~
[版主回覆01/17/2012 12:23:36]Btw 你會去邊度生呢？
[版主回覆01/17/2012 12:21:04]湊呢個問題都仲未傾到！不過奶奶之前已講明佢會幫我地湊，因為我地同住一座屋，唔想都唔無法，無得選擇！我家已有個小魔怪，naughty到我懷疑佢有過度活躍，先三歲！不過最大原因係小朋友個媽咪super就佢，當然仲有我奶奶啦！所以第時一定要放多些時間去教，我啲兒甥個個都好聽話，我都有信心！我已同老公講，如果奶奶太過份，我就畀我媽湊，為了小朋友將來，同奶奶反面都無法！
勁呀見到阿水，係朋友啲朋友，一齊玩
如果你地未有共識, 就慢慢傾到岩喇, 最緊要唔好嘈交呀! =) BTW, 我覺得BB成長環境好重要呀, 要好好計劃!~
ReplyDelete[版主回覆01/18/2012 16:32:08]我都知成長環境好重要，但我又無法辭工去湊，只好交畀老人家去湊，但老人家就係要寵壞啲小朋友又唔聽我地講，唯有到時花多啲時間自己教啦，香港人好多都身不由己。依家見到屋企個小魔怪都好勞氣！