2012 My Birthday

2011年1月27日 (大年初五)

是日為艾利絲生日呢.....

不過艾利絲一向不會大事慶祝生日, 只係簡簡單單同老公食餐飯....

新年其間又食得太多野, 我地都無咩胃口....

食飯前攝於K11





我地去左FAT ANGELOS...

TST呢間好大間, 一定唔會無位....



老公ORDER野食...



食物普通啦, 但環境幾好, 都OK啦....

 

仲有CAKE送tim....



老公本來話買個cake畀我, 但我真係食唔到 (近來食濟左), 老公腸胃都唔太好....

於是買左個細細個既....



返到屋企又吹CANDLE ^^

老公問我許咩願許咁耐, HAHA.....

至於收到咩禮物???? 暫時KEEP住神秘先, HEHE.....


老公: 希望我地永遠咁幸福快樂, 永遠SWEET SWEET.....

2012 Chinese New Year (3)

2011年1月25日 (大年初三)

是日不宜拜年, 我就叫老公陪我去許願樹!!!

我好耐之前已經想去, 不過以前就太還啦....

宜家由元朗家揸車去只係20 mins!!!

呢年既許願樹好大型, 而且好commercial呢 (即係咩都係$$$)

假桔+假樹, haha....



老公, 希望我地願望成真啦 ^^



掉啦掉啦..... 老公掉左2次就掛左個桔上樹啦.....

今次仲畀人點燈tim...
 

不過就要hk$380!!!!



另一個影相位.....

天氣好凍呀, 買左維他奶, 不過就要成$15, 但飲左真係暖好多呢.....

另外場內仲放左幾架花車....

 

不過回程就大塞車呢....

其實年初三係我既舊曆生日, 呢日同朋友仔食飯慶祝....

仲派利是tim.....

咁就過左3日假期啦....

我初四就返工啦....

總結呢個新年我都過得好開心呢 ^^

2012 Chinese New Year (2)

2011年1月24日 (大年初二)

老公係圍村人, 成家人都好重視新年.... 呢篇就講下家裡既擺設....

每年每間屋都會買6盆花同桔....



家人每年就買成2X盆花 !!!!

另外仲有水仙, 劍蘭, 蘭花 etc..... 

我覺得D花好靚呀 ^^



門口會掛新燈籠, 貼上傳統既對聯....



年初二就一家人一齊食開年飯, 好豐富呀!!!!



呢日比初一還要凍呢....

但我地既行程就十分緊密 !!!!

錦田家 >> 新田 (近落馬洲) >> 流浮山 >> 油塘

 新田同流浮山真係超凍呀!!!!!!

不過可以回媽咪度, 我係好開心的, 好掛住媽咪煮既野呀.....

一到家, 媽咪就煮左呢個潮州傳統既食品, 類似糖不甩, 我細細個就好鍾意^^



當然仲有媽咪自己整既蘿蔔糕, 真係最好食架....

其他家人已於初一同媽咪拜年, 所以呢日媽咪話唔想煮飯, 我地就叫左個大快活盆菜... 不過真係MA MA 地, 下次都係等我地o係元朗買個盆啦, 一定好食d !!!!



不過呢日就見唔到我d可愛兒甥, 唔能夠親手畀利是佢地tim.....

是日同老公既合照 ^^

 

 

2012 Chinese New Year (1)

呢個新年真係黎得好快呀....

新年前2日, 我地都要忙於買野....

去左IKEA / 吉之島... 買左好多家品, 2個人四隻手都拎唔晒呀....

其中一件係人咁高既層架....

KENNETH好認真咁揀緊....

之後就去百佳, 買賀禮.... 今年第一年以COUPLE既身份過年, 所以要買好多禮呀, 老公多親戚, 我地要買1X盒禮呀!!!!



回到家盡最大努力執屋....

換上結婚時用既龍鳳被 (其實婚後都無再用啦), 紅當當, o岩晒新年用呢.... 不過我最唔鍾意換床單, QUEEN SIZE床, 又床笠又被袋, 好攰呢.....

 

再換上新牙刷, 新毛巾, 新地毯....






最後當然係封利是啦....

準備左唔同利是封, 封唔同銀碼, hehe....



呢日老公屋企食團年飯, 要成3圍要坐得晒呢.... (太多人無影相呀)

一早我已嚷著要去行花市, 所以吃過飯後就出動啦.... 天氣開始涼又有少少雨, 所以花市既人都唔太多呢.... (可能元朗花市少人d吧)



元朗花市唔大, 好快行完啦....

之後我地就去b仔食糖水, 咁凍天氣食碗暖粒粒既糖水, 即刻暖晒 ^^



返到屋企, 我就幫忙奶奶整糖果盒同準備拜神....



老公話年年新年前一晚都要去祠堂拜祖先, 遲d奶奶老左, 就由我呢個新抱負責喎 (OMG!!!)

以往媽咪都要我在12點前洗頭沖涼, 要將上一年既唔好沖走晒, 但奶奶就無呢D傳統野, 到我地拜完神, 行緊返屋企途中, 我就聽到勁多爆竹聲....

OH.... 新既一年到左啦.....

就係咁, 我廿幾年黎第一次12點後先沖涼呀 (新年)..... 雖然我唔係迷信既人, 不過就有點唔知點咁....


================================================

2012年1 月23日 (大年初一)

起床梳洗打扮後, 第一件要做既係敬茶畀老爺奶奶 (老公話一定要做架).....

老爺奶奶祝我地"添丁發財".... (OH, 有壓力!!)

之後又去同太嫲敬茶.... 太嫲又要叫我地快D生 (OH, 又有壓力!!)

新年少不了燒爆竹啦... 本來下午有舞獅架, 不過因為落雨改為初7 呢.....



之後就開始派利是啦, 第一年派利是, 感覺真係幾開心既 ^^

家人不便出鏡, 就由ANGRY BIRD同大家拜年啦, HAHA....




初一第一餐食齋, 不過都好丰富啊....

 

食完飯做咩?????????

緊係打牌啦.... HAHA....



其實我唔打牌架, 不過老公就好鍾意打, 天氣咁凍, 我就乖乖地坐o係老公旁, 偷下師啦......

小小的家開左3枱, haha.....



老公一直"忙"到晚飯時間, 我地先有時間影幅相ja....



食完飯做咩?????

我地又開賭啦, HAHA....

不過家人都係小賭, 志在大家開心下.....



很喜歡新年一家人相聚的感覺, 真的很熱鬧開心^^

希望家人朋友新的一年, 身體健康, 心想事成, 萬事如意!!!

至於我同老公......... 就步步高昇, 添丁發財啦, HOHO......

準備過年啦....

今年係我地第一年派利是, 唔知要派幾多呢???

我地住圍村, 家族又多人, 公司又多人, 所以預定好多利是封啊....

我買左D "鄧" 字利是封, 上淘寶買, RMB20 有50個, 起初老公話唔使買, 因為屋企真係好多利是封, 不過第一年派利是我想特別少少呢....

至於屋企, 因為同奶奶同住, 咩都唔使我攪, 呵呵....

第一年在元朗家過年, 一定好熱鬧呢....

我又好掛住媽媽既食物.... 新年一定要食食食食!!!! :P


祝大家龍年快樂, 身體健康, 心想事成!!!

2012 NEW YEAR

天氣凍個人都懶D, HAHA.... BLOG寫得好慢呢....

2011年12月31日

呢日我地下午去左行街街, 之後就返屋企食飯, 可能XMAS玩得太多日, 個人都好攰, 更重要既係KENNETH要睇曼聯!!!

睇完曼聯成十點幾我地先出動.....

(等港鐵時影的) 上年同今1年, 好明顯我地2個都肥左, HAHA....

我地就係去緊IFC啦....

呢年已經係第3年啦, 因為ifc好高, 去到出面碼頭, 搵個位抬高頭就睇到, 而且碼頭空曠, 要搵位一d都唔難....

我地成11點半先到ja....

5...4....3....2....1..... HAPPY NEW YEAR!!!!!



睇煙花真係好開心呢....

今年, 對面仲有ICC呀....

都係IFC靚D....

2012年第一幅合照!!!



唔知我地下年會唔會再黎呢度COUNT DOWN呢???

之後坐西鐵好快又返到元朗啦...

買左b仔做宵夜, 一面食一面睇住電影新聞, 正!!



2012年1月1日

朋友仔呢日結婚, 我地去左觀禮....

我好鍾意去CHURCH觀禮架, 因為覺得CHURCH個感覺好神聖,每次聽到結婚進行曲, 加上見到朋友仔出嫁, 都好感動好想哭呢....

而且有時聽多D牧者分享, 都可以時刻提醒我地要好好KEEP住我地既關係同感情!!!!

有時生活忙碌, 壓力大, 好多野都會被遺忘... 要一生都相愛守望, 都唔係一件容易既事....

 

正正因為聽完d咁有意思既牧者分享, 我倆又談起我地既將來 ---> 就係生bb....

不過只係傾下去邊度生都令我地吵架.... 只可以話男人同女人真係有好唔同睇法, 不過生仔呢樣野, 老公, 你還是聽我呢個女人仔既說話吧....

估唔到2012年第一日我地就吵呀....

老公, 記得我講過, 凡事都要為我地既家去想啊.... 無謂的事就別跟我吵了, 好嗎??

牧者既說話很有道理, 但要去實踐, 我倆還要繼續努力!!!!

由於沒有共識, 我地既生b計劃又要擱置啦.....


2012年1月2日

懶洋洋的在家hea了半日, 夜晚又到F小姐家開party....

朋友仔買了cake慶祝一月同二月既朋友仔生日, 我都有份架.....

 

好快又到農曆新年, 時間過得真係快呢!!!!

婚後第一年過年, 好多野要準備呢.....