重
呢個月無去健康院，所以唔知幾重，但我成日睇返啲舊相都覺得包包瘦左！
食
一日五餐，依然無進展，通常食6-7安，朝早同夜晚最後一餐只食到4-5安，可能食太少唔長肉。
訓
日頭訓覺時間不定，有時訓多有時訓少。夜晚9點前一定訓(我11點會餵多餐奶，多數訓住食)。但新年後包包訓得唔好，一晚醒四五次，攪到mama都無覺好訓！
行為
叫佢包包或包豬會望住你，我相信佢知道自己叫包包，所以睇黎我要叫返佢個名，如果唔係佢會以為自己叫鄧包包呢！
叫give me five會畀手掌我。bye bye 就心情好先會做。
依然好懶，唔願意反身。幫佢反就叫救命咁聲！我相信每個bb有佢嘅成長進程，但身邊人喺咁話阿邊個邊個已經識。。。令我有點壓力！
好多口水，有點似牙痕，會畀牙膠佢咬下，但包包好出奇係唔鍾意食手指嘅！無野咬時個咀仔就會好似無牙公咁梅下梅，個樣好似食緊野咁，好得意！
"mama咩黎架？"
"幾好咬喎！"
好肉緊咁咬sophie
之前都有提到，新年後包包已經唔怕生保啦！但包包依然相比一般bb靜，唔知叫靜定叫懶呢？！
包包也好少講野，通常都係呀呀聲，papa mama 相似嘅音都無，反而發脾氣時會曳曳曳咁聲呢！
成長
因為頭大，啲人成日以為包包已經六個月大
當佢"一"字咀咁笑時個面面係正方形架，哈哈！
一拎起相機對住佢就係呢個樣，cool爆
玩腳仔最開心
扮可憐。。。 (食奶咀食到面珠紅左)
自拍照。相機個mon可以反出黎，見到自己就會望鏡頭，我覺得好女仔，啲眼捷毛鬈架
自己r到面珠兩條血痕！！
新年一家三口照！我自己好鍾意呢張相。
同papa影相
好溫馨呀，點解papa永遠影唔到我同包包嘅溫馨moment架。。。。
"唉，好攰呀，你地影完未呀？！"
papa揸機同mama揸機嘅分別。。。。
初二look, 好老積呀！好似"老頭子"，哈哈
大少樣又出來
個頭好圓，好ball.... haha
模pose，有無畀我電親呀？
笑時個口好大下！
懶包。。。一練反身就叫。。。。
五個月買左東海堂cheese cake, 因為太簡單自己用朱古力寫左字，即刻特別返呢！
"mama又有蛋糕嘅？"
呢張全家幅影得好好呀！
mama的話
包包豬，你知唔知你成日攪到mama無覺好訓呀？！mama嘅咳咳好耐都唔好，可能唔夠休息。但只要你訓得好，mama再辛苦也不怕！睇住你識得愈來愈多野，一天一天進步，好奇妙，mama好開心可以看著你成長！好想好想每分每秒都同你一齊！(包嗲一定會呷醋，因為我都未同老公講過咁肉麻嘅野！)
papa的話
包包都好肯跟papa, 仲成日同papa玩到kaka聲笑！有朋友話好羨慕我地個b咁肯跟爸爸呢！
有時會玩到大叫，好似叫救命咁，好攪笑！
