2017聖誕節

聖誕節過得好充實， 時間關係黎個大雜燴！

呢個聖誕節，阿包有好多最值得紀錄嘅事，首先就係戒奶嘴！冇錯呀，四歲嘅包包瞓覺嘅時候 仍然需要食奶咀！但有睇過我blog嘅話會知道其實我懷有momo時嘗試過同佢戒，但老公心軟，失敗了。到momo出世，更加無時間同心機去戒，呢個假期終於的起心干，仲大成功添！包包只係扭左一晚！畢竟已經大個，其實只係心癮。

第二樣就佢佢第一次喺婆婆度留宿！阿包一向痴家，除非有媽媽陪，一向佢都唔肯喺外面瞓架！呢個係好開始，媽媽我開始甩難，hehe...

學校 Christmas party
學校一向簡樸，往年party食物係學校準備，其實就係食返佢地平時食嘅野，真係無乜特別而且味道真係非常清淡(@_@)
今次肯畀家長自己整少少野食，媽媽我都整左啲donut仔！

少不了表演環節，阿包好明顯係無乜天份嘅，佢啲movement細到呢，哈哈

其實好多相，但有其他小朋友就唔post了

假期其中一日，去左448農莊玩。

大大個草地，momo走來走去非常開心！

哥哥有車玩就開心！不過排左好耐隊呀～

呢個長滑梯好好玩！

448嘅其中一個 signature，紅色巴士

車迷包梗係要扮下揸車

有一日我娘家屋企人來玩同bbq，又去左隔離鄉村俱樂部玩

Momo痴得哥哥多，一樣咁愛車

兄弟裝，你地好得意呀

（媽媽又發作）

去朋友仔屋企開party，包檸檬茶係吉架，但momo從此愛上呢個黃色小盒子！！！

又係兄弟裝呀～

朋友都係住村屋，真係超多野玩！

又有一日去左yoho mall玩雪，20分鐘真係唔夠玩呀！

多謝姨姨送飛，可以同表姐仔一齊玩

阿包好鍾意，搞到我好想同佢去可以滑雪嘅地方！

假期後媽媽返工，爸爸請左假，帶阿包來接媽媽放工再睇燈飾，仲去左食壽司！

爸爸放假，帶阿包去嘉年華！仲約埋同學仔。24孝爸爸畀個仔玩左10個game，有啲仲要大人陪玩，真係好燒錢！爸爸話一年一次唔緊要喎！

仲坐埋摩天輪！媽媽我都未坐過>o<

2017沖繩之旅day 2 - 糸滿魚市場，西松屋，Ashibinaa outlet，燒肉

呢日天氣好好呀！我地食完早餐就出發去魚市場（無錯，又食！）因為以往經驗，早上去魚市場啲海鮮係新鮮好多嘅！

我地選擇去系滿遊食來，都係之前來過覺得呢度乾淨，多選擇，而且有枱櫈開餐！

旁邊仲有好多手信同水果賣

啲魚生海鮮真係又平又靚！

啲生蠔勁大隻又新鮮，我自己都食左四隻，我老公就唔知食左幾多隻XD

生蝦都好正，海膽就一般

由於細佬同阿包都唔啱食（阿包好啲玩汽水機玩左好耐），好快我地就離開，去左西松屋系滿店，只係5分鐘車程

去到momo極速瞓左

媽媽我可以盡情shopping, wahaha

撞啱做緊sale, 30蚊有件衫仔，真係平得好過份！最後買左2x件衫，10 pack襪，momo嘅日本製夾衣紗巾，仲有大量小朋友零食同少少玩具，當手信都好呀！

阿包都有shopping, 揀左把雨傘

之後我地就去outlet度食lunch，10分鐘車程

食店集中在二樓

剛剛新買嘅玩具即刻畀momo玩

食完仲可以去隔離藥妝店掃貨！一家人掃左勁多野，裡面仲有baby food賣。

雖然好多shop，但我地都對呢啲大品牌無乜興趣。於是就出發去我地呢兩晚會住嘅海景酒店啦～

KISE BEACH PALACE HOTEL

呢間酒店係名護同恩納中間

剛剛2017年先翻新完。由於我係半年前已book, 個rate好平，真係好抵住，覺得自己好精明，哈哈！（我見宜家多人住，個rate已經貴左好多啦！）

一入去見到呢個view，大人細路都好興奮！

上房啦，又新又大！

露台view好正呀！

Momo可以落地爬，超開心！

爸爸同阿包落下面行下玩下沙，我就餵momo食粥仔，之後兩個仔沖完涼就出發去dinner啦！

我上網搵左間好地道嘅燒肉，只係5分鐘車程

https://www.facebook.com/Obaanoie/

係坐tatami嘅炭爐燒烤！

細佬無份食，tatami嘅好處係佢可以坐喺地下爬下玩下

8月份，屋仔內又無乜冷氣，每人會畀一條凍嘅頸巾，載住燒真係舒服好多！

食物方便就一般般，唔差但又唔係特別好食咁，但都係一個好特別嘅體驗！

之後就返酒店瞓啦，momo喺酒店係特別開心！

好鍾意呢間酒店張網床，夠大夠深又舒服！

2017沖繩之旅day 1 - 飛機delay, 新都心

2017沖繩之旅day 2 - 糸滿魚市場，西松屋，Ashibinaa outlet，燒肉

2017沖繩之旅day 3 - 元氣村，美麗海水族館，游水，名護壽司  

2017沖繩之旅day 4 - 萬座毛，小型塞車，aeon mall

2017沖繩之旅day 5 - 動物園，整雪糕，琉球之牛

2017沖繩之旅day 6 - 回港 + 後感  

2017沖繩之旅day 1 - 飛機delay, 新都心

呢個旅程相當感恩，8月份咁多個風，我地好彩係兩個風中間時間，呢幾日仲相當好天呢！今次已經係艾利絲第三次去沖繩，去三次都係藍天白雲，實在太愛這個地方！

這次除了包包還帶著只有11個月大嘅細佬仔momo，幸好還有爺爺嫲嫲姑媽同行，而且全程自駕，總算比想像中無咁辛苦！

好多人話bb咁細去旅行好辛苦，但我想講嘅係辛苦嘅其實只有大人，貪玩嘅momo開心到不得了！每天和爸媽哥哥周圍去玩，點會唔開心呢！包包大左更enjoy去旅行！佢話等細佬三歲要再來過呢！看來很快我們一家又會再踏足這地方！

第一天基本上無行程，因為之前嘅風令香港機場非常繁忙，飛機delay了一小時，等take off 又等了30分鐘！

出發囉～

包包自己也有喼，係佢3歲嘅生日禮物

第一次用，超開心呢

同爺爺影張相先

 

因為飛機delay，喺旁邊玩一陣

睇下細佬幾開心

 

本來我較啱時間起飛嘅時候就係momo嘅小睡時間，點知飛機delay，未上機momo就頂唔順瞓咗，但上機一陣間就畀啲人嘈醒咗！飛機等起飛等咗好耐呀，好在媽媽我預備咗大量嘅零食畀兩個小朋友，momo成個過程就喪食，食咗好多餅仔，幾驚畀佢食曬！包包好乖，食完嘢睇陣電視就自己瞓著咗。而momo都喺落機前一個鐘瞓左，又飲左支奶，兩個小朋友起飛降落都無不適，抵讚！

 終於都落機，我哋就喺機場度等租車公司嚟接我哋，點知好唔好彩，我地等咗間公司好耐呀！差唔多等咗成個鐘，期間間公司只係line我話黎緊，好彩momo喺機上面飲奶又瞓左一陣，所以無扭計，結果到我哋攞到車嘅時候已經天黑了，本來book咗大熱嘅餐廳都去唔到，過左booking時間了，最近我地係去新都心Naha main place隨便找一間餐廳食咋！

等待期間同爸爸玩

有好多人問咁bb食乜呢，momo最主要就喺白飯加baby food，仲有即食粥，我仲有帶煲去煮野食（不過由於momo太愛日本babyfood，最後只煮了一餐！）仲有一啲嘅零食啦好似bb餅同當地買嘅麵包。momo一日食兩餐固體，而日本大部分餐廳都有白飯，所以都好易解決！

可能係第二個小朋友，食方面我就放鬆好多，連雪糕都有畀momo試，去旅行開心最緊要，一次半次唔緊要啦！

食完飯我地去咗supermarket，主要就買食物畀細佬仔，同埋買啲野飲零食喺車上食，當然仲有就係買宵夜食啦！

Momo已經有點攰，要食奶咀！

之後我哋就返酒店，呢間酒店喺新都心，對面就係dfs，因為本來諗住第二日先去dfs租車。位置都好方便，單軌旁邊，可步行去naha main place，最重要係價錢唔貴！

Daiwa Roynet Hotel Naha Omoromachi

我地book triple room, 有一大床，一小床再加baby bed。包包一入去話小床係佢嘅，勁開心，哈哈！

細佬喺酒店係超級開心，因為佢終於可以喺地下自己隨便爬，唔使再畀人抱住，喺bb床都玩得好開心！

另外一提嘅係日本酒店通常無bb浴盆，我就淘左個吹氣浴盆帶埋去，我覺得好有用！

呢晚小朋友好早就瞓，但媽媽我就要煲定水，洗奶樽，執下野咁！（自己帶水帶煲，都好多野執！）

2017沖繩之旅day 1 - 飛機delay, 新都心

2017沖繩之旅day 2 - 糸滿魚市場，西松屋，Ashibinaa outlet，燒肉

2017沖繩之旅day 3 - 元氣村，美麗海水族館，游水，名護壽司  

2017沖繩之旅day 4 - 萬座毛，小型塞車，aeon mall

2017沖繩之旅day 5 - 動物園，整雪糕，琉球之牛

2017沖繩之旅day 6 - 回港 + 後感