出走澳門兩日一夜遊

已經係係7月嘅事，寫左兩個月都未寫完～

早前，細佬瞓得差又食得差搞到我好大壓力，又冇覺好瞓，突然有個想法，好想好想休息一下！本來打算去台灣行一行，但係睇過假期機票酒店 又覺得好唔抵，結果就選擇咗去澳門。本來諗住自己同朋友去嘅，但係又放唔低包包，兩個媽媽又覺得澳門好多嘢啱佢地玩喎，於是就帶埋小朋友去。

多謝寶品媽陪我癲，雖然只係得兩日一夜，叫做都休息咗叉下電，包包仲有寶品陪佢玩，兩個小朋友開心到不得了！

一落船我哋就打的去科學，同心心樹影張相先！

兩個小朋友大咗，好多嘢都啱佢哋玩呀！相比香港嘅科學館，雖然呢日係星期日，但都少人好多大好多，好玩好多！

因為少人，扮工人呢度仲無冇時間限制，玩到佢地肚餓先肯停！

有伴玩，真係玩咩都開心！

玩水唔少得！

玩咁耐，兩個都肚餓啦！科學館唯一餐廳就係麥當勞！

我地住holiday inn，check in 都排好耐，好多大陸人！

跟住我地就四個一齊午睡，爽！

起身就去玩水，天有點陰，玩一陣就上房沖涼，去食晚餐啦

包包好肚餓，食左好多！

飯後就上商場頂樓睇玩具，無錯係睇咋，哈哈～

之後就喺地下counter買下澳門手信

兩個小朋友見到變色水池，勁興奮，好搞笑！

之後就上房訓啦～兩個又玩一餐！

呢晚媽媽我終於可以一覺瞓天光，但習慣早起，一早自然醒了。

第二朝兩個睇風景，其實係睇下有無得游水！

好可惜，三號風球呀！

換好衫就去食早餐

住holiday inn就係為左呢個夢工場DreamWorks早餐！

開始前拿拿聲食啲野先，其實都好多選擇，不過唔得閒影

包包第一次食，可能音樂好大聲，史力加又有點恐怖，包包有點驚同不安，仲有少少鬧情緒。

寶品唔係第一次，就好開心，仲自己上台玩添！

好在之後見到慌失失公仔，開心返！

包包勁驚史力加，哈哈

其他大公仔佢都好鍾意

最鍾意panda，雖然佢無睇過功夫熊貓

排隊影相時又玩下先

呢隻dragon真心有點恐怖，唔明白乜有人鍾意架？？

佢話第二最鍾意貓貓

食完早餐，見到天文台話掛8風，無得去playhouses，要提早返香港。

真有點失望，但兩個小朋友都無扭計，因為佢地勁驚返唔到香港，哈哈！

走前又見到公仔又影下相

澳門新碼頭好大好新！

返到上環仲食埋壽司先走，結果要打的返屋企！

雖然好短嘅兩日一夜，兩個媽媽都覺得無爸爸喺度ee oror，玩得好free，哈哈！唔知有無機會出走遠啲？（機會好微，唉～）

Momo 9個月+ 10個月成長紀錄

又來雙月記……
呢兩個月真係好忙，又無得休息。9個月大嘅momo被濕疹困擾，搞到食又唔好訓唔好，媽媽我都冇覺好瞓，到咗十個月大，睇咗個醫生濕疹好返好多，但係包包哥哥又中咗手足口病，仲 傳染咗畀細佬，兩個小朋友輪住發燒輪住病，痴身到暈，我就係佢哋兩個好返之後，又病咗個幾星期，中間又有啲家事私事要處理，而家先叫做有啲正常生活 。

重
睇醫生嘅時候有磅過，都係8.5kg左右，呢兩個月都冇乜重，食唔好訓唔好，瘦咗好多呀，相比哥哥嗰陣時真係冇咁好肉。

食
食方面又係麻煩， 依然係瞓咗覺先肯飲奶，但係就畀哥哥嗰陣時飲多啲，飲到7安左右。而家已經兩固體三奶，食粥仔時好時壞， 鍾意食嘅就食到 唔鍾意食嘅就食兩啖唔食 都係食得唔多，我覺得佢係比較細食嘅bb，但係食水果食零食咁佢就好鍾意好為食，但我覺得佢食方面嘅態度好過哥哥，已經好安慰，最緊要兩個健健康康！

訓
瞓覺方面好明顯瞓得少個哥哥，十個月大已經 每日只係瞓兩次nap，到咗夜晚明明好眼瞓都唔肯瞓覺！朝頭早一有陽光就好易醒，所以我要用條毛巾遮一遮張bb床，無咁光，如果唔係我就冇覺好瞓，佢晨早七點幾就會醒架！

牙齒
一隻牙都未有呀 不過我都唔心急嘅遲早會出嚟

認知
可能因為有哥哥 學嘢真係快啲

• 好早已經識聽自己個名，而家同佢講嘢覺得佢好多都聽得明
• 屋企啲公仔dog dog, rabbit, panda, monkey, peppa pig都聽得明，特別鍾意 monkey
• 聽到音樂聲會un un下，好可愛！
• 開始咗 separation anxiety，見到我就一定要我抱，如果唔係就喊。另一個就係工人姐姐，如果我唔喺度佢就會痴姐姐
• 好快已經識得揮手 拍手，嗰時哥哥成一歲都唔肯做

行為
越大個就越有個性，也越嚟越曳

• 爬高爬低，相比哥哥嗰陣時活躍。
• 成日同哥哥爭玩具，最鍾意玩哥哥玩緊嘅玩具。
• 勁鍾意揸車同踢波，人仔細細已經要坐電動車仔 ，三輪車又唔玩 
• 未學行就學人踢波 
• 雖然9個月先識爬， 但係好快已經識得四腳爬爬唔再腹爬，仲爬得鬼咁快添 
• 宜家十個月大，識得自己起身，扶住梳化邊行 ，我諗應該會好似哥哥咁一歲左右已經識行喇

包包其實都算係一個好哥哥 本來佢都好錫細路㗎，但係細佬而家成日同佢爭玩具，又成日霸住媽咪，搞到哥兒宜家都有啲妒忌，對細佬一啲都唔客氣，仲成日鬧細佬添。細佬又好搞笑，佢就算哥哥鬧佢佢都會繼續撐架，一啲都唔野小！

睇來呢兩兄弟都會爭嘢爭到大！

9個月時濕疹最勁，見到都心痛

有得出街就開心

喺天台玩水，第一次有少少驚

哥哥就最鍾意玩水

上個月先剃頭，啲頭髮生得幾快！

買左架豬仔車畀momo

但佢鍾意哥哥架車多啲O_O

唔識揸都要霸住

父親節飯

愛笑嘅momo好搶鏡

星期日去街街，原來我好少同momo合照

粥仔食得唔多，水果就好鍾意

做哥哥嘅乘客:D

你真係好可愛呀～

9個月就要企

父親節cake

濕疹仲未好:-(

9個月大啦～

（好難影相+_+）

最愛波波

四腳爬爬

被哥哥傳染>_<

10個月大啦～

哥哥都搶下鏡先！

呢個細路仔真係有蠱惑誘搞笑好鬼得人鍾意，不過媽咪都希望你哋兩個相親相愛啦！

水晶巴士體驗

已經係6月嘅事……

車迷包一向好鍾意車，又因為我地出入多數揸車，所以包包係非常渴望坐巴士！佢咁大個都只係坐過一次巴士咋！

前排知道有水晶巴士呢樣東西，咁啱朋友仔又有興趣，就一齊去玩下啦！

水晶巴士是香港第一輛集旅遊與美食的雙層觀光巴士，於2017年3月14日正式啟動。水晶巴士內外設計豪華時尚，設有餐枱和寬敞舒適的卡座沙發，車內貼上十多萬粒Swarovski水晶裝飾，是由外國貼石專家團隊精心鑲貼！門票已包括一份豐富並獲米芝連評鑑的中式點心餐，每團會以兩個多小時的車程帶領遊客欣賞香港20多個具代表性的景點，沿途設有五國語言導航介紹系統，讓遊客可以一邊享用地道美食一邊欣賞香港美景，帶給遊客一個嶄新遊歷香港的體驗！

行程有A團(九龍到香港）和B團（九龍到新界）選擇，時間都有唔同

（8月1日開始有更改，詳情見官網）

https://www.crystalbus.com.hk

2017年8月30日前，香港居民上網訂要，輸入優惠碼HK8888，可享75折！

我地揀左A團

兩個小朋友一見到架巴士超興奮呀！

上車地點係半島酒店後面街

上車啦！

一上車先揀野飲

得呢三款飲品

小朋友當然揀橙汁啦！

上上層囉～

下層日間係唔開放嘅

影張靚相先！

巴士嘅空間都好濶落

座位好舒適

乘客主要係遊客同小朋友

兩個小朋友幾開心！

其實我地好肚餓，但巴士都開左大概20分鐘先送餐，畢竟水晶巴士其實係觀光為主

有野食啦！

係中式點心

其實食物質素係ok，但巴士一路行一路食，對小朋友大朋友都有點難度！

而且食晒都夠飽嘅！

之後仲有甜品，係芒果糯米卷，好味架，包包唔食芒果，媽媽我食晒 :P

差唔多食完，就到左中環海濱摩天輪位置啦

我地可以落車影下相！

相片好少因為我電話壞左 :'(

之後就沿路返尖沙咀啦～

回程就有點悶，座到我地差點訓著，兩個小朋友係咁問幾時落車！

2.5小時又的確長左啲！

總結

巴士座位舒服，食物都唔錯

但折左都要二百多元就有點貴

而且2.5小時同小朋友來說有點太長

試一次就夠=^_^=

包包流感驚魂入院記

艾利絲好耐無update blog，因為最近真係連訓覺嘅時間都唔夠，畀兩個小朋友同一啲家事舞到我團團轉(@_@)

呢篇blog先打尖，因為最近流感好勁，希望畀人一個reference。

星期五包包放學（包包還未放暑假），開始發燒，但個人仲精神活潑。食飯時8點左右佢話食唔到，一摸好慶，38.5度，食退燒藥。但係到10點都唔退仲愈燒愈高去到39.2度，嗰下我真係好驚，因為聽說A型流感就係高燒不退！而包包個樣都好病，只係要媽媽，要我攬住佢。問左剛中流感嘅媽媽朋友，佢話再唔退燒最好入院，因為特敏福要48小時內食先有用。佢又話要先打去私家醫院check下有無床位。

我地第一時間係打畀保險agent，其實agent即係包爸表姐，想問佢入邊間兒科好啲。表姐話仁安好過港安，而且佢有相熟兒科醫生，更加幫我打電話搵床位。

10分鐘後，表姐話剛好有人出院，已幫我地留床位，叫我地開車去仁安。有人幫忙，真係個心定左好多，因為我真係唔想去迫爆人嘅屯門醫院！

11點半左右，我地到達仁安，咁夜大堂都好多人，好快辦好入院手續，12點就上到房。包包一去到醫院突然非常精神！仲退左燒！究竟咩事 (；一_一)

我地被安排住二人房，隔離床又剛出院，感覺好寧靜。

10分鐘後去見醫生，護士喺包包身上癡左個體溫探測器，唔使下下探熱，真係好方便！呢個時候嘅包包以為自己去左酒店，好精靈O_O，醫生都話佢應該唔會係A型流感，但都有安排驗下，幾個鐘就有結果。返到房，平時十點幾訓嘅包包，唔使10分鐘訓著。

媽媽我就訓梳化床，仁安好好，大人嘅拖鞋牙膏牙刷都有提供，小朋友就有水杯毛巾牙刷沖涼液。

以為有覺好訓，點知包包一點又燒了，護士入來餵藥。我擔心佢唔退燒，我都訓唔到。果然，護士兩點入來，要食高燒藥。幸好食左藥好快退燒，媽媽我真係可以訓了！

點知…… 3點幾隔離床有個bb入院，長期處於喊嘅狀態！！！ 我完全訓唔到呀～幸好包包好訓得，不過一天光7點幾佢都畀bb嘈醒。原來隔離bb 同細佬momo差不多大，好慘慘豬，佢又係唔知咩事發燒入院。

包包醒左，總算精神。

我地就order早餐，同屋企人朋友報告下。包包無聊咩都玩一餐

9點醫生來，我地正在食早餐，包包可能之前一晚無點食野，非常好胃口，食左一大碗通粉同半個包。醫生見到，就話咁好胃口唔會有事啦XD。證實包包無流感，報告寫係鼻/腸病毒，醫生話佢喉嚨少少紅，係一般上呼吸道感染，也有可能係手足口病。醫生話發燒係身體打緊仗，唔緊要的。所以無乜野，我地可以選擇出院。

點知，11點左右，包包又燒，今次直接食高燒藥。包包又再次謝晒，問仁安借左玩具玩，原來好多玩具借，問護士就得。

玩左一陣又恰左一陣，爸爸就到來接我地返屋企。

返到屋企，包包都係燒下退下，個人都精神，證實左唔係流感，都唔太擔心。返到屋企，如果細佬喺度玩，就要佢帶口罩。星期日晚，佢開始話喉嚨痛，一望就見到喉嚨有紅色一點點，心知不妙，係手足口病徵。即刻同工人姐姐快手消毒客廳位置同佢地常玩嘅玩具，也唔畀佢地兩兄弟有近距離接觸。星期一，包包喉嚨生左幾粒飛滋，但已經無燒了，佢痛到食唔到野，一食飯就喊。但佢好得好快，星期二已經慢慢食到野，星期三已經無晒事。

好可惜，細佬還是被傳染了，可能係媽媽初時警覺性太低了。細佬星期三晚開始發燒>_<

症狀同哥哥相似，第二朝去睇醫生，也證實了係手足口病，但醫生話過幾日會自然好，唔使太擔心。

可憐細佬因為生飛滋好痛，唔肯食野，飲水，連口水都唔吞呀～好似塊膠布咁要痴住媽媽我，又訓得差。燒下退下，到星期六先無燒同食到少少野。星期日已經好返8成。

就係咁過左地獄中的一星期！

寶貝呀，你地要健康呀！