Momo 6 Months Studio Pictures

Momo 6個月大時去左studio 影相!
原以為愛笑嘅momo應該好好影，點知呢個bb當日狀態麻麻，發脾氣時都好難搞下!

不過我就好滿意啲家庭相，所以話呢啲錢唔慳得!

只係媽媽我嘅面珠太圓潤了吧(>﹏<)

我嘅兩個寶貝

好喜歡愛笑嘅你地!

到momo solo啦～

因為媽媽我唔愛卡通，造型係動物和植物!

第一個造型小monkey，超可愛呀～

第二個造型，肥粟米!

有人扭計唔肯扒响度

去到第三個造型已經無乜表情啦～

邊個造型最可愛呢?

包包第一次賣旗

最近好忙好忙, 好多BLOG無時間寫呀....

4月初, 包包學校搞賣旗, 我地當然支持!

第一個"顧客"就係爸爸啦...

當日約左好朋友寶品一齊賣旗, 一見面就亙相支持下先, 你幫我買一支, 我又幫你貫一支!

兩個真係好老友, 好可愛!

好啦, 要開始賣旗啦!

包包: 唔該幫我買支旗吖!

食左幾次檸檬, 我話你太細聲人地聽唔到呀~

之後佢就好大聲, 好搞笑!

時間耐左, 自己自動來, 唔使媽媽幫手, 其實媽媽都要學會放手

小小三歲人仔, 揹住重重旗袋, 好努力搵人幫佢買...

有些人唔彩佢, 佢都會問點解, "食檸檬"都係學習嘅一部份!

賣完一版, 會好開心, 好有滿足感!

第一次賣旗, 媽媽我已經覺得包包好叻仔!

兩個"重遇", 又攬頭攬頸, 好純真嘅友誼!

我地兩個媽媽都成了好友!

包包真係一個乖孩子!

感謝上天畀我地一個乖巧, 開心, 充滿愛嘅兒子!

鄧包包與鄧momo

Momo 6個月成長紀錄

6個月大，半歲啦!

點解，點解，點解…… momo仲未戒夜奶!! 基本上佢出世後我都無覺好訓 (～ o ～)~zZ ～

打完6個月針仲發燒，擔心到我成晚無訓!

重

8.11 kg, keep住係中碼BB

食

仍然唔鍾意飲奶，無論幾時，momo係要訓著左先肯飲奶!!! 如果唔訓，佢可以5個鍾都唔飲奶架! 日間1-4安不等，好飄忽，夜晚訓左嗰兩餐可以飲到6-7安! 所以佢個胃係塞到7安奶嘅，只係佢唔肯飲。因為momo飲奶麻麻，醫生建議可以早少少試solid。已經試左蘋果香蕉紅蘿蔔糊仔，感恩佢都好喜歡，比起哥哥時無咁麻煩! 宜家一日仲keep住食6-7餐，有一餐糊仔，唔好以為好多，好多時佢都只係飲3-4安，倒嘅奶仲多過飲嘅!〒_〒 

訓

日間nap都好短暫，30-45分鐘就醒，所以佢好快又會眼訓，長期處於眼訓狀態咁，朝偉眼神就係咁練成! 太眼訓嘅話係會發忟爭，食唔到糊仔，好麻煩呀～

夜晚同哥哥一樣10點左右訓，佢唔肯早過哥哥訓架! 以前抱住拍拍pat pat就訓，宜家一定要同我角力一番先訓，好曳呀! 但佢好嘅係一訓著就訓到好淋，放落牀仔都唔會醒。朝早好多時8點幾就畀哥哥嘈醒，如果無畀人嘈醒可以訓到10點。

如果7點餐奶飲得多，之後兩餐就0000同0530

如果7點餐奶飲得少，就2200，0230，0700!

Momo係訓住飲，夜晚嘅佢飲到多啲奶，所以對於餵夜奶真係又愛又恨!!! 媽媽我就繼續無得訓囉～

身體發展

5M18D識反身後, 放低佢都好快反，但好多時佢都唔鍾意pa喺度，會wee wah叫。

坐就都坐到少少，但佢又唔鍾意坐嘅，好懶架!

佢最鍾意人抱佢啦，又鍾意企，唔夠力都要企呀

手仔已經會去攞自己鍾意嘅野，又會扯人地件衫，玩自己張被。興奮時會腳young young，相比哥哥嗰時真係多好多反應!

情感發展

依然係個好容易笑嘅bb，真係好sweet架! 鍾意同哥哥玩，宜家哥哥玩咩，佢都要痴埋佢一齊玩! 開始有脾氣，拎走佢玩緊嘅野會即喊(但無眼淚嘅)，畀返佢就唔喊，好惡架! 眼訓或忟爭嘅時候會r頭r面，好難搞，成日r損塊面!

雖然好貪玩，但有一次去街去得耐，無啦啦喊，婆婆話佢應該係想返屋企。果然返到屋企就開心晒!

總結

飲奶方面真係難搞，又要飲夜奶，但對住一個成日笑嘅bb真係好開心! 想當年包包有名叫cool b，對住陌生人cool爆，而momo就親善大使咁，兩兄弟性格真係好唔同呀～

宜家我希望momo嘅生活習慣可以有規律啲，夜晚可以訓耐啲，咁樣我就會無咁辛苦。

要學下坐啦

我係happy baby!

呢張就係佢張私家櫈

頭髮好長呀

媽咪話我要學下爬啦！

長長眼捷毛

I love reading!

點解頭髮咁亂架

我識反身啦!

媽媽幫我剪左少少頭髮，舒服晒!

唔知係咪出牙，好多口水又牙痕

Momo 6個月大啦，要繼續健健康康，做個開心寶寶呀!

鄧包包與鄧momo

復活節親子活動 - 屋企都有蛋捉?

藉著復活節，美贊臣特設[360小人類Easter Go]，帶領小朋友走遍虛擬和現實世界！

Easter Go遊戲

只要去美贊臣FB (game link bit.ly/2ocxtZr), 就可以玩這個「Easter Go遊戲」! 在4月10日至23日期間，小朋友可透過美贊臣的復活節手機遊戲捕捉復活蛋，其中的12款更為特別設計的香港地標復活蛋，如香港會議展覽中心、青馬大橋和香港太空館。小朋友即使足不出戶，只要動動腦筋回答問題，就可以捕捉指定的復活蛋，同時獲取有關香港及知名地標的小知識。

睇下包包幾專注! 不斷問”呢度邊度黎架”? 有些問題對包包來講的確較深,不過有媽媽在旁指導, 包包都能夠好專心玩了15分鐘! 其實捉到5隻蛋就可以了, 但包包還想捉多幾隻呢! (^_^”)

現在參加者在「Easter Go遊戲」成功捕捉5隻復活蛋及完成指定項目，即可獲得美贊臣電子優惠券及朱古力禮券，送完即止。快啲去玩啦!

Easter GO 專車

除左「Easter Go遊戲」, 我知道美贊臣還特設了「Easter Go 專車」活動!

「Easter Go 專車」將會在4月14日至23日期間的星期六、日及公眾假期遊走並停泊在香港的指定地點，小朋友可以即場從沙池中尋找指定的復活蛋，完成後更會獲得美贊臣送出的限量版「3D復活蛋砌圖」，回家後也可以在家中透過「3D復活蛋砌圖」與小朋友進行親子活動，一起用貼紙裝飾砌圖，再把砌圖拼貼成立體的復活蛋，能夠訓練小朋友的手眼協調，提升專注力和解難能力，也能促進親子關係呢!

要留意以下時間和地點啦!

美贊臣「360小人類Easter Go專車」活動詳情

日期：4月14至17日、4月22至23日

時間：每日8小時

地點：香港指定地點 (詳情請留意「美贊臣A+」 Facebook專頁)

費用：全免

日期	時間	地點
4月14日（五）	11:00-19:00	中環長洲碼頭 / 銅鑼灣名珠城
4月15日（六）	12:00-20:00	葵芳葵涌廣場 / 荃灣眾安街千色滙
4月16日（日）	12:00-20:00	尖沙咀海坊道
4月17日（一）	11:30-19:30	樂富廣場/將軍澳新都城寶琳地鐵站
4月22日（六）	12:00-20:00	旺角朗豪坊
4月23日（日）	11:00-19:00	沙田排頭街(近宜家家居) / 大埔昌運中心

*時間及地點會視乎實際情況而更改，請大家密切留意美贊臣A+ Facebook專頁(www.facebook.com/meadjohnsonhk)之公佈。

#美贊臣 #DHA #360小人類#FUN享探索更大世界#小腦袋PowerUp

#識玩一定玩EasterGO #復活節限定 #專注力好D玩遊戲叻D學嘢都快D

#內含朱古力復活蛋 #野生捕獲復活蛋 #蛋全部都係蛋

包包春季旅行

今次旅行嘅地點係大埔樹屋，之前已經見過bloggers去玩，所以我都幾期待呢!

好開心呢日天氣好好，少少陰天又無落雨，唔太熱唔太凍!

去到我地就分組玩，我地嗰組第一個玩嘅係橫水渡。包包全日同佢best friend寶品一齊，兩個一痴埋就哈哈笑，好純真好老友!

第一次就同爸爸一齊玩，睇下佢幾開心!

之後有時間，個哥哥話可以小朋友玩，於是就同兩個同學仔一齊玩，真係好可愛好叻仔!

第二個遊戲係bingo搵checkpoint，但係其實得啲父母玩，啲小朋友去晒玩滑梯千秋囉～

之後我地就午飯，我地預先order左飯盒，個飯盒好一般，不過小朋友都只係食少少，因為去旅行嘛，家長都預備左好多零食畀佢地，真開心!

午飯後就到萬眾期待嘅樹屋，本來包包都好興奮咁排隊，但因為每次只可以一個人爬上去，輪候時間較長，佢愈等就愈驚，雖然已經著左安全扣，但後來都話媽咪我唔玩啦！我話好好玩架，試下啦～佢就眼濕濕咁話唔玩呀！咁唯有放棄啦，確實有點可惜!

呢個仔唔係細膽，只係安全意識太高，唔容易嘗試新事物。佢係唔怕高架，唔知點解唔肯玩!

到下一part，就係玩飛索。包包又話唔玩，只顧住去玩滑梯! 後來見飛索無乜人玩緊，我就走過去想試下，無錯大人都玩得架! 我就叫包包等我，媽咪想玩呀! 點知佢話我陪你玩吖! 行上去時仲好開心咁唱歌，小朋友真係好難捉摸!

到佢玩完，就玩好好玩，但話要weewee，又話等佢weewee完再一齊玩過! 可惜人地要收工，無得再玩啦!

最後就係玩呢啲mega blocks，估唔到小朋友好鍾意! 大人都好鍾意因為終於可以舒舒服服咁坐下，哈哈！

時間差不多就要去洗手間準備上車了。去完仲有少少時間，見到有同學仔一個人玩橫水渡，包包又話要玩! 見都有幾個小朋友排隊，我就話不如同同學一齊玩啦，但佢就話想自己一個人玩喎!

完全自己用力，好叻仔!

呢一次旅行真係好好玩!

鄧包包與鄧momo