2016 Christmas

快D紀錄返Christmas先!

聖誕節，艾利絲又請左3日假，主要係怕姐姐一湊二搞唔掂，畢竟Momo仲細,飲奶又煩。變相我就有10天假期囉～ 最開心嘅當然係包包啦～

12月23日

學校Christmas party，包包期待左好耐啦～呢日爸爸同媽媽都有陪包包返學，因為我地都好期待佢嘅表演呢！

由於學校唔想我地放相去公開平台，所以唔出太多相片了。學校嘅表演好簡單,只係小朋友上台唱首歌,果然係好純樸嘅學校! (雖然我私心的想睇多小小)

 包包同寶品好好朋友架，一見面就開心!

表演完又玩遊戲

之後就返課室食野, 食物係學校廚房準備, 無驚喜, 真係好純樸呀!

是日媽媽我只請半日假!(無假啦T_T ) 下午就要返工啦....

夜晚爸爸就帶包包去尖東接媽媽放工順道睇燈飾!

不過佢對燈飾無咩興趣，反而睇個噴水池睇左好耐, 可能未見過咁大個噴水池呢!

畀人sell，買左呢支野, 個仔鍾意慈父即刻畀錢

之後仲去左食韓燒!

呢個韓式粉絲炒牛肉好正，成為包包主食

我同老公就狂燒牛肉，我好耐未食過韓燒啦～

之後再行去海旁個邊

見到海入面有D浮波, 包包係咁話有人跌左波波呀! 笑C我!

回程時特意帶包包去坐巴士

因為包包其實咁大個都未坐過巴士，次次見到巴士都話媽咪我想坐巴士呀！今次一如所願，開心到不得了，喺車上問左10萬個點解 (之後仲記住架巴士係268B, 出街又成日問我點解唔坐巴士，又叫爸爸唔好揸車同佢搭巴士 (+﹏+) 

12月24日

約左去同學仔A屋企玩

仲約埋包包最鍾意嘅女同學仔

包包已經期待左好耐架啦

同呢兩個同學仔媽媽特別熟，因為我地都差不多時間有第二胎。所以呢日Momo都有去，而Momo係當中最大嗰個，bb仔真係好得意呀～

呢個就係包包最喜歡嘅女同學

宜家問佢邊個最靚，個答案已經唔係媽媽我啦 //(ㄒoㄒ)// 

搞左好耐先叫到3個小朋友坐定定影相

拆禮物時間到啦～

Momo都好開心呢～

朋友好好，買左蛋糕

邊個要吹蠟燭呀??

爭吹蠟燭係一定嘅 XD

睇到佢地個表情真係好想笑!

蠟燭點完再點是常識吧 \(╯-╰)/ 

 

同學仔屋企勁多玩具，包包玩到唔捨得走呀～

12月25日

Christmas正日, 係咁二同兩個仔打扮下

自己無點打扮，影完相先發現我地著紅黃藍綠四色! 其實影左好多張，但唔知點解我家三條king都好唔合作囉～

好易笑嘅momo! 件衫係哥哥架!

可愛momo!

呢日好好，姐姐放假，包包姨姨帶左佢同兩個表姐仔去玩!

包包個look我design架，hehe

雖然只係簡單去元朗食下野行下，但包包都好開心啦～ 好在有包包姨姨湊下，我就可以專心湊momo! 放假時包包成日嘈住momo又扭計要媽媽架!

之後就同表姐仔返屋企玩

夜晚我地屋企就打邊爐!

12月26日

呢日簡簡單單去左好朋友寶品玩, 本來你三個鄧小朋友既約會, 可惜ANKI媽病左....

兩個小朋友一見面好似十年無見咁開心, 真係可愛!

去左YOHO MALL II 利小館食個LUNCH先

呢度有路軌送餐, 2個小朋友都好唔得閒 XD

 

 

 之後就去寶品屋企玩, 超多玩具呀!

媽媽有帶埋MOMO去架

夜晚屋企開PARTY

有無小朋友好似包包咁唔鍾意食PARTY FOOD?

包包唔食SUSHI, 唔食PIZZA, 唔食有色飯(即係只食白飯), 所以開PARTY無啖好食.... 只食雞翼薯條, 不過有佢至愛檸檬茶一樣開心!

12月27日

連玩幾日加上姐姐放左2日假, 媽媽我實在累透, 是日在家休息, 順道拆禮物!

呢個TAYO CARPARK真係質量好好! 包包超愛!

 

 

Peppa Pig Activity Book

仲有好多禮物未拆畀媽媽我收埋左, 小朋友太多玩具啦....

HAPPY MOMO

寫住咁多先!

鄧包包與鄧momo

Momo的厭奶期

MOMO仍然厭奶中, 已經有1個月了，情況時好時壞，有時飲得好好，有時又只飲1安...

厭奶前2個月大飲緊4-4.5安 (同期BB已經飲緊5-6安)。宜家3個幾月大，同期bb飲緊6-7安，Momo 日間差D飲2-4安, 夜晚就好D飲4-5安。因為飲得少，半夜餐奶仍然繼續餵，飲得幾多得幾多。

為何會厭奶?當寶寶2～3個月大以後，因為脖子的肌肉張力、視力與聽力愈來愈好，能抬頭看見開始並對身邊的事物感到新奇（尤其是具有鮮明色彩與高頻音調），會分散他吃東西的注意力；加上寶寶已經開始厭煩牛奶或母奶的味道，就會發生所謂的「厭奶期」。

「厭奶期」的特徵

＊精神、活動力都很好，但就是不會餓！餵奶時會將頭別開或大哭，即便強迫餵食也總是用舌頭將乳頭或奶嘴頂出來；但在半夢半醒之間餵食又滿順利的。

＊喝奶易分心。到了厭奶期時，寶寶常會因為周圍的一些人事物就停頓下來不喝了，例如：在寶寶視線範圍內有人走過或過多過雜的聲響（電視、收音機、聊天聲）等等。

MOMO如何渡過「厭奶期」

網上方法好多, 以下是我的情況:

1. 奶洞大小要適當

有可能是因為奶樽上奶嘴的奶洞太小，使BB吸得不順暢因此奶量才減少。呢個係我第一個諗到嘅原因, 即刻去買個2號嘴... 點知BB食得好急, 無因此而食多, 仲食左好多風!

2. 換奶樽/奶嘴

換奶樽/奶嘴可增加新鮮感, 而且MOMO間中會肚仔痛(有肚風), 雖然佢都算易掃風, 但都試過3次噴射式嘔奶, 真係嚇死我! 肚仔唔舒服, 飲奶自然少! 本來用tommee tippee奶樽 (TT樽), 換了出名防脹氣嘅Dr Brown奶樽, 真係食少左風, 無再肚仔痛, 也沒有嘔奶了, 再轉2號嘴就飲得好左....

3. 不強迫，定時少食多餐

大部份的人會採用強迫的方式餵食，但這種做法反而會讓寶寶對「吃」產生恐懼。其實間中一兩餐不吃是沒有關係的。

MOMO唔食, 我唔會迫佢, 食得少下一餐再餵。

厭奶期的BB會有大小餐的情況，KEEP到總奶量就得! 根據網上資料, 只要每公斤體重能達到80～100ml的奶水攝取量，就符合一天的基本需要，短期而言對健康不會有所影響！(如MOMO 2個月時5.7kg, 一日的奶水攝取量就大概570ml, 即係19安, 其實19安都好少)

半夢半醒之間餵食係飲得最多, 所以半夜我也堅持餵夜奶!

4. 消耗體力增加饑餓感

白天可以藉由遊戲、按摩等方式消耗寶寶的體力，增加飢餓感以改善進食狀況。我會同MOMO玩TUMMY TIME, 坐下傾計, 甚至沖完涼後飲, 都會飲多D!

5. 改善用餐氛圍

因為此階段的BB開始對外界感到好奇，用餐時若有過多聲響或吸引他注意力的東西，BB會覺得這些事情比『喝奶』有趣，自然就不想吃了。盡量在燈光柔和、安靜的空間餵食。所以宜家餵奶會入房關窗簾,仲會播D純音樂, 的確有幫助!! 也明白點解BB夜晚會飲得好D!

6. 轉奶粉/開奶茶/ 米水開奶

MOMO仲細, 腸胃未發育成熟, 轉奶粉要腸胃再次適應, 如果腸胃未能適應新奶粉,輕則肚仔唔舒服(肚痾/便秘), 重則影響腸胃功能, 要注意腸胃唔好嘅小朋友特別容易病架! 而且大部分人都話轉奶粉對厭奶幫助不大!

有些人話BB熱氣/食濟左所以厭奶, 但其實開奶茶也差不多道理, 就算係自己執來煲嘅, 成份都唔太清楚, BB腸胃受唔受到真係唔知 (個人建議至少6個月後先試)! 最後, 我試了"比較"天然嘅米水, 其實即係好稀嘅粥水(懶人米水做法在最底)。

(當你心灰意冷嘅時候,唯有一試)

我媽咪話佢地細個無錢買奶粉, 都係飲粥水大。而且米都係正氣, 又有少少清熱效果。但有D人話米水涼, 建議少少咁畀BB試, 而且開始時要稀一點，慢慢接受左就可以杰啲! 結果用米水開奶後, MOMO飲得好左! 雖然飲得少, 但就唔再抗拒飲奶, 至少都飲2安。而且米水開奶, 支奶好似好味左(有米香), 會飽肚啲,又無咁熱氣, 宜家我地幾餐餐都用米水開奶!

以上純粹我自己嘅經驗分享, 網上資訊太多, 媽媽們要自行判斷什麼最適合自己BB! 有需要就問醫生意見，唔好亂試呀！

其實BB喺成長過程中, 唔多唔少都會出現暫時性嘅厭奶現象,只要BB精神、活動力都很好，體重無明顯下降, 就無需太擔心, 厭奶期係一個過度期, 終有一日會好轉的!

當然, 說得輕鬆, 做媽媽嘅實際上又點可以咁放鬆呢? 我明，我真係明! 我會同"同病相連"嘅媽媽呻下, 又會發現MOMO唔係最WORSE嘅, 大家互相支持下, 日子好快過，到加固體食物時，就可以放鬆啲....

感恩MOMO唔算太瘦, 只係無哥哥個時咁肥豬啦....

正常米水做法 (米水, 即係好稀嘅粥水)

* 米同水嘅份量好隨意,請自行判斷 (初試時最好落多D水, BB接受左之後就可以落少D水)

* 將已洗淨的米加水，用大火煮直至米水滾起，即轉用細火煮30-45分鐘，然後關火。 待粥水放涼了一些，即用過濾網把粥水過濾到碗中, 即成為米水, 可代替水用來開奶。

* 如果係畀工人/老人家餵奶嘅, 媽媽可煲定米水, 過濾網將淨米水倒入暖壺, 可以餵2-3餐架 (注意不能存放暖壺太耐, 會變壞!) 又或者放入雪櫃, 第二天番熱(必須煲滾先能夠殺菌)

懶人米水做法

* 將已洗淨的米加水，用大火煮直至米水滾起, 倒入象印壺關實蓋, 等1-2 個鐘即成米水! 同樣地過濾網用來沖奶 (無時間睇火嘅懶人最啱! 又或者預備來半夜沖奶)

* 建議用750ML象印壺, 500ML太細, 連米放入壺, 米會發漲, 如壺太細, 最後只剩少許米水

以下面煮面煲為例, 我會落大概4匙米, 加8成水

鄧包包與鄧momo

Momo百日宴Vendor Info

酒樓

元朗西鐵站彩晶軒

彩晶軒

網址: https://s.openrice.com/QrbS0OyE000

地址: 元朗 港鐵元朗站26號舖

電話: 2443 2677

- 地點十分方便, 元朗西鐵站一出就見到

- 泊車泊YOHO MALL II, 酒樓送FREE PARKING

- 價錢唔算貴

- 服務好好 (我地有畀利是:P)

- 個場可以間唔同SIZE房, 我地8圍畀左個大廳!

場地佈置

波波慈-balloon art by sandy lee

https://m.facebook.com/sandyballoon

朋友嘅朋友開, 小本經營, 比同行平, 最重要係真係整得靚!

蛋糕

Azúcar Pâtisserie

https://m.facebook.com/SouPatisserie/

朋友介紹有85折 (有興趣可PM我)

朱古力味好味, 仲有好多味選擇, 又有脆脆底!

大蛋糕來講唔算貴, 但送元朗要加錢....

蝴蝶酥

Patisserie Le Papillon

https://m.facebook.com/Patisserie.Le.Papillon

無影到CLOSE UP, 我自己上網搵到, 價錢比起同行唔算貴 (不過蝴蝶酥一向都唔平架), 無帝苑個D咁大塊, 但就真係好味, 包包勁鍾意食!

淘寶table stand

http://h5.m.taobao.com/awp/core/detail.htm?id=520954569791&toSite=main

Stand同balloon要分開拍，加埋只係rmb 6一個，勁抵呀~

另外仲想推介嘅係

Canon Selphy CP1200 相片打印機

我9月份買, 因為包包上K1後做功課成日要畀相

去百老匯, HK$1380, 點知無貨要訂... 行過蘇寧, 入去問下, $1280仲送舊外置電池 (另外買要$600架), 有左舊外置電池 , 就可以帶個PRINTER出街! 跟機送相紙一盒, 如果之後自己買, 圍返大概$2 一張相咁啦...
當日百日宴都有諗過帶去, 用手機影左相, 再用WIFI連接PRINTER就PRINT到相, 真係勁方便, 但我知道我應該唔會有時間坐低PRINT相啦, 所以都係無帶!
Tablestand 個D number, 係我返工放工坐車時用APPS整, 然後用手機直接連接PRINTER就PRINT, 如果唔係我都真係無時間整呀!

想慳D, 可以用APPS將兩張相癡埋再PRINT, 咁就可以由一張4R變2張2R相啦....