2016暑假hea遊澳門三日兩夜 day 3

包包一向8點幾起身，所以我地都無去教鬧鐘

點知呢日一醒就已經9:30，即刻彈起身!!

因為呢日有重要野要買!

包包飲奶奶，個樣好明顯剛訓醒

佢隻陪訓兔，去親旅行都一定帶埋架

佢好似好鍾意訓酒店嘅床 :)

之後我地就打的去官也街嗰邊

老公話要食豬排

包包都食左燕窩達

仲有佢近來至愛凍檸茶!!

食到一半先記得影相

我食餐蛋麵，太熱無胃口

之後就去官也街買手信

6299話要薑糖

姑媽話要鳥結糖

我就鍾意蛋卷!

仲有買99指定嘅“垃圾草”!!!

咩黎?

我都唔知呀

99話用來整藥酒

澳門先有得買喎!!

我地買左一大袋呀

(又無影相)

天氣好熱呀

拿拿聲打的返銀河執野check out

最欣賞銀河有匙卡收集箱，放底就得，唔使去counter check out 架!

之後就打的去新開嘅新豪影play house

華納滿fun

(老公已經唔肯再坐shuttle bus :p)

都行左一段路先去到

啲名店靜到拍蚊!

電梯附近咁啱有卡通影相

包包見到佢地好開心呀

仲主動拖人手!

其實我本來唔打算入去，想慳一個大人錢

反正我都陪唔到包包玩嘛

但老公又話唔想我一個外面等

好在follow 微信有8折

3個人二百多元ok啦

車迷包一見到車車就勁開心!

雖然係星期一但都要排隊呀

媽媽我就幫佢排，等佢同爸爸玩其他

到差不多就call爸爸

結果玩左4次呀!

其實裡面好細，包包又唔夠高玩爬牆同跳樓機

黎呢度都係為左玩車

另外就有個類似迪士尼巴斯射槍嘅game

爸爸話包包好驚，啲3d公仔有啲嚇人

包包玩完出來見到我

就好似受左好大委屈咁流住兩行眼淚伏响我心口喊，嗰下真係好搞笑，爸爸話佢喺裡面都無喊，一見到媽媽就喊啦～

不過一玩車車就無事啦～

之後就去左一個bb啲嘅area玩

又玩左幾個字

包包鍾意跟住啲大佢少少嘅小朋友玩!

玩到唔捨得走呀

已經兩點幾，仲未食lunch 呢

走嘅時候見到兔仔，佢又好開心自己走埋去

貪方便揀左樓下嘅鼎泰豐

太餓快食又無影相!

包包愛小龍包

食物都幾好味

又有high chair

本來打算去影8字摩天輪

點知食完飯就完全忘記左!

直接去坐shuttle去氹仔碼頭!

(呢篇blog好少相呀)

包包一上船就訓左啦, very good!

總結

呢次雖然好hea, 但我地一家都好滿足

包包玩得好開心

老公又贏左錢

天氣又好好

下次去旅行唔知幾時囉～

Like father like son

媽媽個肚愈來愈大，就愈難陪包包玩

包包係個痴媽b，由細到大都好鍾意媽媽，好多時都要媽唔要爸，搞到爸爸好無癮! 但宜家媽媽個肚大左，行得慢左，成日都要坐，包包就轉移同爸爸玩，父子感情增進不少呢! 爸爸仲好冧，明明以前有人話唔好寵壞個仔，但自己就變左yes daddy，主動話抱佢，又問包包食唔食雪糕，買玩具更加唔手軟，哼～

所以我要好好記錄下父子嘅溫馨時刻!

▽ 呢幾張雖然係舊相，但兩父子平日都成日一齊踩單車架

包: 爸爸我想要呢個

爸: 你錫我一啖先啦

▽ 包包話要氹爸爸訓覺

▽ 4眼父子

▽ 扮訓覺

▽ 屋企有呢隻單車，係咪好溫馨呢?!

▽ 佢地最鍾意玩停車場入閘

▽ 父子裝

▽ 有雪糕食開心得佢

▽ dessert time

▽ 一齊午睡

▽ 玩games

▽ 扮鬼臉

▽ 玩火車

我會話媽媽唔識砌呀，你叫爸爸啦，呵呵～

▽ 游水水

▽ story time

▽ 包包新眼鏡，佢話同爸爸一樣要黑色

相信包包愈大，就會愈愛同爸爸玩

癡媽b應該好快唔癡媽媽了 ~_~

四眼包

熟悉包包嘅朋友，應該知道包包天生係有少少斜視。右眼有點內斜視(俗稱斗雞)。

 

包包由一歲幾開始睇眼科(屯門眼科中心)，大概3個月就覆診一次。

由於斜視並不算非常嚴重，而包包又年紀尚小，所以一向都係用遮眼方法，也就是遮住正常嗰隻左眼，去訓練右眼嘅肌肉。

其實視覺上，我覺得係有改善到，但每次佢一睇近野，又會有斗雞。

 

最近一次覆診，發現包包右眼遠視加深了，加上快要返學，醫生話要帶眼鏡了!

包包揀左副同爸爸嗰副好似嘅眼鏡。

遠視鏡有少少放大鏡，包包眼睛大左呢!

 

 

但帶眼鏡始終唔舒服，佢有時都唔肯帶! 或者帶一陣就除低。好煩惱。

醫生話包包仲細，眼球還在發育，帶眼鏡可幫助眼睛對焦，從而改善斜視問題。

而遠視也有機會會減少。真係好希望包包遲啲可以唔使帶眼鏡啦！

見佢細細粒就要帶眼鏡，真係有點心痛。

 

 

 

最唔開心係有啲3唔識7嘅人，見到包包帶眼鏡，就話佢一定係睇太多電視/ipad 啦!

又話陰公囉，好慘呀之類嘅說話，小朋友聽到更係會唔開心!

我喺旁邊就一定會同人地講清楚, 唔想佢受委屈

但好多時真係唔想同呢啲人解釋!

買左個燈籠畀佢, 氹下佢開心!

 

希望包包快D習慣啦....

N班完結了!

話咁快，包包嘅n班生涯完結了

包包學校係新校，11月先開始上學

12月正式獨自上堂，幾乎每日都喊住返學 XD

記得頭幾日帶佢返學，一落小巴佢就扁咀加憂鬱樣，行上學校嗰幾級樓梯開始谷眼淚，到入門口就大喊mami mami，但對腳係會自己行入學校嘅，好明顯係唔捨得媽咪但又想返學 XD

雖然只係大半年前，睇返啲相嗰時真係好bb呀

到放完xmas假加上同爸媽去左一轉日本玩，一月返返學時又轉坐校車，結果又喊左一個星期 XD

但係每日放學問佢返學開唔開心

佢都一定話開心，小朋友心理就係咁得意

包包好喜歡返學

其中一個原因係佢個班主任miss yip好錫佢

知我係working mum，初初包包日日喊時仲一星期call我三四次，話我知包包喺學校嘅情況。

包包撞親，流鼻水，佢都一放學就打畀我，好多媽媽都話好難得老師會咁好，實在感恩!

包包有一排學曳左，會出手打人，雖然講左n次話打人唔啱，但包包都唔聽，結果我就請教miss，果然miss yip訓話完之後就唔打人!

仲有就係戒片，有學校嘅幫助，包包戒片係超級順利，在家也甚少瀨尿，實在令我輕鬆不少

一入學校，個個老師都記得佢個名，仲話包包好乖仔，包包係好自豪老師讚佢，佢會笑得好開心又好得戚架!

學校係超級happy school活動教學，無功課，見到佢地上堂嘅相，就知小朋友返學真係好開心好多野玩!

包包一向說話唔叻，返學後開始多野講好多，仲記得同學仔嘅名呢! 而且勁鍾意唱歌，雖然歌喉麻麻，但我感覺到佢好快樂 :)

學校係英語教學為主，讀左幾個月，包包係可以明白晒老師講咩，同工人姐姐都有時會用英文對答，有時都好surprise 佢識咁多!

7月有一日係學校嘅第一屆畢業典禮，其實n班係無份畢業，但每級都有表演。

畢業典禮於元朗劇院舉行，第一屆只有8個學生畢業。有畢業生致辭，全用英文，好叻仔!

呢日個畢業典禮於下午4時開始，之前因為要rehearsal, 包包呢日完全無nap，真係有點擔心佢太攰! (結果呢日佢未夠9點已經訓左!) 等所有程序完左，就到表演環節。n班係第一輪出場……

呢個傻豬，上到台淨係周圍望，完全唔記得要跳舞，我諗佢應該係諗緊“點解下面咁多人嘅? 點解啲燈咁燦眼架”

前幾日已經知道包包要扮蜜蜂，見到佢出場時真係好興奮! 點解我個仔咁可愛架!! (原諒我嘅浮誇，做阿媽嘅永遠覺得自己個仔最可愛)

Anyway，呢班咁可愛嘅小朋友，無論佢地跳成點，台下班父母都一樣咁欣賞佢地!

之後就到k1, k2, k3 表演，可以睇得出佢地花左好多心思，無論服裝佈景都做得好好! 對於一間只成立一年，又咁少師生嘅學校，真係覺得學校好犀利!!

之後就係謝幕啦，啲小朋友全部好有系統排好位，台下嘅家長都不禁大拍手掌!!

包包見到媽媽接放學，超級開心呢

老實講，畢業典禮後我同老公都覺得好impressive，一度好想包包繼續留喺度讀，但現實歸現實，全日班對我地黎講好重要，唯有見步行步。

畢業典禮後仲要返多一星期學。

最後一天上學，爸媽都無請假，因為今年太多假要請了。但我都預備左心意卡同朱古力畀兩位班主任，仲叮囑包包要親手送畀老師。

包包最後一次穿上呢套校服。雖然同佢講左放暑假，但好明顯佢係唔知咩係放暑假，也唔知自己原來遲啲要轉校 :(

miss yip之後都有call我，話睇完我張卡感動到喊，我也再次感謝老師呢幾個月對包包嘅照顧!

回家還發現老師整左個 portfolio! 非常精美!

老師果然好了解包包
佢最鍾意車!

裡面仲有好多平時上堂嘅相，想像到返學好多野玩!

再見了!
唔知第時細佬會唔會讀呢間學校呢?