熟悉包包嘅朋友，應該知道包包天生係有少少斜視。右眼有點內斜視(俗稱斗雞)。
包包由一歲幾開始睇眼科(屯門眼科中心)，大概3個月就覆診一次。
由於斜視並不算非常嚴重，而包包又年紀尚小，所以一向都係用遮眼方法，也就是遮住正常嗰隻左眼，去訓練右眼嘅肌肉。
其實視覺上，我覺得係有改善到，但每次佢一睇近野，又會有斗雞。
最近一次覆診，發現包包右眼遠視加深了，加上快要返學，醫生話要帶眼鏡了!
包包揀左副同爸爸嗰副好似嘅眼鏡。
遠視鏡有少少放大鏡，包包眼睛大左呢!
但帶眼鏡始終唔舒服，佢有時都唔肯帶! 或者帶一陣就除低。好煩惱。
醫生話包包仲細，眼球還在發育，帶眼鏡可幫助眼睛對焦，從而改善斜視問題。
而遠視也有機會會減少。真係好希望包包遲啲可以唔使帶眼鏡啦！
見佢細細粒就要帶眼鏡，真係有點心痛。
最唔開心係有啲3唔識7嘅人，見到包包帶眼鏡，就話佢一定係睇太多電視/ipad 啦!
又話陰公囉，好慘呀之類嘅說話，小朋友聽到更係會唔開心!
我喺旁邊就一定會同人地講清楚, 唔想佢受委屈
但好多時真係唔想同呢啲人解釋!
買左個燈籠畀佢, 氹下佢開心!
希望包包快D習慣啦....
宜家細細個嘅小朋友帶眼鏡,其實都只係好普遍嘅事,絕對唔需要理d人嘅閒言閒語...只要你地俾d正面嘅訊息包包,包包就唔會唔開心~
ReplyDelete而且帶左眼鏡嘅包包都依然係好可愛啊,哈哈!!
多謝ee
Delete宜家真係愈來愈多小朋友帶眼鏡!
路人甲乙丙真係唔駛理，南瓜仔成日都俾人講「吓，4歲啦，真係好矮喎」，聽得多都費事理佢地，唔通我整矮自己果仔(￣∇￣)
ReplyDelete啲人講野都唔理人地感受!!!!
Delete嗯，明白你的心情，始終仲咁細，做父母見到怎會不心痛。
ReplyDelete不過既然帶眼鏡對包包好，其實都ok呀，而且其實愈來愈多小朋友帶眼鏡，所以唔洗太care。而且包包帶左眼鏡好好睇，好可愛 ^^
宜家真係愈來愈多小朋友帶眼鏡，可能父母都緊張過以前
Delete希望包包乖乖戴眼鏡, 好快就好番呀~~
ReplyDelete多謝ee
Delete包包帶左眼鏡都好可愛啊..
ReplyDelete多謝ee
Delete包包帶眼鏡好得意呀！得閒就話俾包包知呢度D 姨姨個個都話可愛，唔使理街外人！
ReplyDelete個樣好可愛呀~!!!唉, 其實d 3姑6婆真係好煩~ 不過都理唔到人咁多~ 希望包包快d習慣就好了~
ReplyDelete包包有幸福有你呢個媽咪保護，唔使理啲唔等閒人士。最緊要小朋友健康快樂！
ReplyDelete其他人唔使理佢哋啦，最緊要係為咗包包嘅健康著想，我表妹想當年都係遠視小學時開始戴眼鏡，到中學已經慢慢唔使再戴啦
ReplyDelete包包戴咗眼鏡成個成熟咗~
ReplyDelete唔好理人點講, 自己知係為咗小朋友好就得~