day 2
台北市立動物園~青菜台菜~西門町
包包同平時一樣，7點幾8點就醒左。剛訓醒嘅包包真係好可愛！
歎返支奶先，7安奶飲晒！(包包已經戒左睡前奶，而家一日飲一次奶ja)
好快就換好衫
包包：你地快啲啦～
帶佢過左6299房玩陣，等我可以快手換衫執野！
之後就梳洗，9點一齊去食早餐。
凱撒嘅早餐真係好多選擇，6299都大讚！貴啲都值得！張bb椅好安全唔使用toteseat
包包都食左啲蛋，麵包同蛋糕。我仲帶左個象印攞左啲白飯，蛋同蔬菜for包包lunch! 仲攞定蛋糕仔in case包包肚餓。因為我呢日無時間焗飯焗食物畀包包呀～
呢日無包車，我地就坐捷運去動物園站。呢個動物園入場費只係twd 50，真係好平，台灣小朋友真幸福！
包包經常暴走mode, 最難攪係佢經常行回頭路同埋要行樓梯呀～仲巴閉到唔係人人都肯拖手手！
入到去就見到鹿，但包包興趣不大
仲有馬騮，發來發去，快到包包見唔到 XD
入場時會收到張熊貓館嘅飛仔，跟住上面嘅時間去睇熊貓就可以，呢個分流都幾好呀，唔使我地排好耐隊。
包包好鍾意熊貓架
呢個熊貓館唔畀停留，慢吞吞嘅老公無幫我地影相，嬲！
包包睇完熊貓又走去行樓梯(>﹏<)
唔畀人拖又唔畀抱，好扭，我知佢應該眼訓啦～
佢一眼訓就咩都唔聽！
放左佢喺bb車好快就訓左
跟住我地就繼續去睇動物 (明明係為左包包而黎，但佢就訓左)
bear bear
河馬
駱駝
長頸鹿
呢日都幾warm，啲長頸鹿好臭呀～
但佢地好生猛 (好多時動物園啲動物都好呆)
忍住影張相即走
呢埋左嘅斑馬
唔知叫咩鹿？
好多動物包包都睇唔到… 好可惜……
行到咁上下包包就醒，99又話行到腳痛，其實我好想睇獅子老虎，唯有放棄…… 已經一點幾，我地就分頭行事，我地同包包去睇大象，6299姑媽就去熊貓餐廳攞位食lunch
唔想包包就咁就離開動物園，所以返轉頭同佢去睇大象，包包睇大象睇到唔肯走呀！而家睇書見到大象佢都會手指指！
熊貓餐廳有隻熊貓公仔
去到熊貓餐廳，又有bb椅，真好！而且一個pasta只係twd2xx, 一啲都唔貴味道仲要唔錯！
包包食物：早上酒店攞嘅白飯，菜同蛋，加少少我地pasta嘅磨菇同雞肉(過熱水)。包包都食左好多，但象印內嘅食物只係微暖，唔熱，可能因為唔係liquid。
好似係呢個trip嘅唯一一張齊人嘅相
食完我地就返酒店休息，因為99話好攰。四點幾返到酒店，包包姑媽話夜晚想食台灣菜，但之前又無講我知所以我無book枱。是日為星期六，應該好難搵位。於是就問下酒店，介紹左一間叫菁葉台菜。幫我地book左六點。所以話台灣人真係好helpful! 所以我地就hea到6點先去食飯。包包又係好hyper, 唔肯nap!
青葉台菜 (中山北路一段105巷10號)
www.aoba.com.tw/chingye
由酒店坐的士去twd 70, 返酒店嗰程就twd 100, 都ok!
去到餐廳，個環境好好，一早準備好bb椅同bb餐具，食物多選擇，係價位較高嘅台菜
包包由於無nap，好眼訓又扭計
奶咀係鎮靜劑
只係影左兩張相，忙於餵包包
包包食物：全部食餐廳食物。為左包包，我地叫左條魚，成twd 1700架！白飯，魚，菜 (過熱水)，包包食到lam lam 脷！
可揀白飯或蕃薯粥，99同姑媽要蕃薯粥。結果黎左一大鍋！
我地叫左
蒸魚
涼拌海蜇
嚕肉
燻雞
脆皮大腸
炒A菜
仲有白飯、蕃薯粥同啤酒
食物都唔錯，魚同個菜都好好未，埋單twd3840, 係條魚貴，其他都ok，環境又舒服，6299非常滿意！
呢日early dinner, 包包又攰，所以返到酒店拿拿聲同包包沖涼再迫佢訓覺。曳豬唔肯訓，明明好攰，喊左陣先訓著。
都只係9點，我同姑媽再出動，去西門町！
其實對西門町無咩特別興趣，主要目的係掃sofina! 雖然同日本版包裝唔同，但就同樣made in japan, 最最最重要係價錢只係香港嘅1/3！twd 3xx 就有支base!
相後補
西門町watsons好大間，有齊所有products, 我去過酒店附近嘅Watson's, 少好多sofina。我地兩個人掃左twd 4xxx，大部分係sofina加少少廣良源同濕碎野。
最後買埋宵夜畀老公就返酒店啦～
我最鍾意食炸地瓜同蔥油餅！
酒店basement 連住捷運，真係好方便！
而我地住嘅房仲要free 雪櫃內飲品，宵夜連可樂，想唔肥都難！
不過第二日就去宜蘭啦，mama我勁多野執！
