包包十個月成長紀錄

艾利絲今次算快啦，只係遲左一個星期，hehe

話咁快包包已經十個月啦，上個月"麻煩"嘅包包，今個月喺食方面好左，但行為上就只有"更加麻煩"╮(╯_╰)╭

重

無磅重，應該都係20磅左右

食

由於要包包食奶實在太辛苦，下午茶餐奶幾經博鬥佢先食2安，所以呢個月我決定轉三固啦！但係一粥兩糊，糊仔用奶開，咁樣都仍然有奶落肚，仲有加其他蔬菜蓉，多營養包包又肯食！唔知係咪飲少左奶，其餘兩餐奶都regularly飲到4-5安，算好好架啦，mama我都唔再要半夜起身跑數！(不過真係咪講，呢兩日包包好似又黎玩野！)

但係呢，包包食粥仔糊仔時就要電視餸飯，佢要一邊睇迪士尼dvd一邊食，睇其他唔得架喎！無歌聽佢就會勁無耐性食，又r頭，又發脾氣，又唔肯食！一聽歌就定晒，好投入咁睇架！唉，雖然我都唔想，但真係無辦法！

題外話：我包包真係好鍾意聽歌，如果飲奶時唱住歌，佢會飲多啲架。佢有時好曳唔肯停時，我就會抱住佢唱歌歌，佢就會冷靜。有時唔肯nap而佢又係眼訓嘅話，唱住歌佢就會乖乖聽，聽聽下就訓著。到依家都會開床鈴聲畀佢訓。可憐mama我一日唱幾十次abc同twinkle twinkle little star!

訓

唔知係咪大左，日頭唔使訓咁多，包包間唔中會唔肯nap，但無nap嗰時會勁忟勁麻煩，所以有時要迫佢訓！不過迫都唔容易，佢會係咁反身想企咁唔肯訓，往往要喊一陣攰啦先肯訓囉！

行為

呢個月嘅包包好明顯又進步左啦！！

• 已經識扶住行來行去
• 之前包包企喺度唔識坐返低，會叫救命。呢個月裡面，見到佢識放手啦，開頭個patpat "櫈"落地下，依家仲會慢慢踎低先坐低呢
• 仲識得由爬嘅pose轉去坐
• 一連串動作：反身，爬，轉坐，扶住企起身，再扶住行，真係大個仔啦
• 自從識得轉坐起，就識得由腹爬變四腳爬爬啦
• 扶住佢underarm 會好似識行咁周圍行，最鍾意行入廚房攪攪震。不過扶住佢行嘅我地就好攰！
• 因為識爬識(扶住)行，依家成日抱住佢都掙扎落地，佢真係好似以為自己識得咁呀！
• 識得自己攞個奶咀放入口，仲識對啱個位先放，之前唔啱位都照塞入口
• separation anxiety 愈來愈嚴重，Mondays 我一出門就勁喊！平時只要視線範圍無人就喊，有時我只洗個手ja... 如果要prepare food, 有時都無辦法由佢喊。一眼訓扭計就樹熊上身，係咁要我抱。
• 脾氣臭左，一唔鍾意就r頭hm hm 聲，繼而大聲喊！真係麻煩左好多呀！依家叫佢喊包就啱啦！

認知

• 指令方面依舊係零。唔知點解教左十萬次都唔byebye, 每日落樓食飯都教！但我覺得佢知bye bye意思，一bye 佢就望住門口架！hello, 握手，錫錫都唔做 ToT
• 一話去街街就好興奮，知道可以出門
• 叫佢個名有時應有時唔應，但我個人認為佢係知道
• 還未懂得叫爸媽

牙齒

仍然得一隻

去相

多左好多笑容，但有啲笑點真係估佢唔到！

對呢啲bb玩具無咩興趣

識自己扶住企起身啦

幾招積！

係咁流口水

好開心

得一隻牙仔

咬紗巾 + 長長眼捷毛 (^ з^)

包包未出世已識嘅朋友仔鏗鏗，包包大三個星期。

咩都放入口

mama一行開就係呢個樣啦

咬playmat

好快又笑返

坐監，哈哈

四腳爬爬

單手企再露出一個自信嘅笑容！

唔俾人扶自己行

包包十個月生日快樂！
有人又唔肯影相，要出動Barney

咩黎架？！

呢兩張相同mama好似樣呢

mama的話

包包，呢個月嘅你學識好多野啊，mama好開心你不斷進步。但同時間你都愈來愈有個性，有主見，有脾氣。我感覺到你唔係一個容易受教的小朋友，但mama會給你100倍的耐性，慢慢教你，你都要加油啊！雖然你愛癡住mama，但這樣姐姐照顧你會很不方便，papa也很無奈，你大個仔，唔使驚架傻豬！也希望你沒有遺傳你papa的臭脾氣吧！(￣∇￣)

包包的私人泳池

同包包去過兩次泳池游水，但兩次佢都好似唔太enjoy。不過平時包包係好鍾意沖涼，仲成日玩水整到成地濕晒！

可能泳池水太深，而且水壓令到包包唔舒服。所以mama我就淘左個mini水池畀包包啦…

係咪好正呢？！
喺天台玩又唔會晒親，仲可以放啲玩具畀佢玩。
一放佢落去就好開心，之後仲唔理我自己好專心咁玩！

呢個係朝偉嘅眼神，哈哈！(外面太晒)

我落樓放底部相機上返天台同包包玩，最好嘅係我唔使濕身，無去泳池咁呢hea...

依家成日要企嘅包包後來仲係咁要企喺身。

依家如果放假無去街街都可以喺屋企玩水水啦！

而嘅個mini 水池只係rmb 4x ja...

包包 and iimo

weekend 時打算幫包包同iimo車仔影靚相，但可能天氣熱得濟包包吱都唔笑，影左幾張就收手啦…

包：媽媽我好熱呀，你影完未呀？

包包九個月成長紀錄

艾利絲實在太慢，包包已快十個月大了，希望下個月可以寫快啲，因我嘅記性愈來愈差啦，哈哈！

重

上個月去baby spa度磅，係9.1kg, 大概20磅，對於長期厭奶嘅包包黎講算係咁。

食

依舊厭奶，有兩個星期極度厭奶，見到支奶就推開，一早起身明明好肚餓都唔肯飲奶！唯一肯飲奶嘅時候係訓左嗰時，但都只係飲3-4安！！mama我為左跑數，唯有半夜起身餵夜奶，真係攞命！

三奶兩固，兩固就食得好好(姐姐餵得好)，又可能少飲奶肚餓啦！通常一粥一糊，糊仔用奶開，叫做食到多啲奶。但之前好鍾意食生果嘅包包又唔鍾意食啦，真係好難觸摸！

mama我唯有整多啲bb奶蒸蛋黃 (買左illuma但包包唔肯飲，唯有咁用！)。而且開始畀芝士包包食，等佢吸收多啲鈣質。好多人同我講包包咁好肉唔使擔心，但我最concern嘅唔係佢肥唔肥，係佢夠唔夠營養呀，腦部、牙齒、身體同腸胃發展都好重要架。

咀嚼能力一般，試過食蘋果蓉同啤梨蓉，因為太爽口有渣，一食就嘔，嚇死我呀！第一次試牛油果就嘔，個樣仲要好似食左啲超過難食嘅野(但媽媽我好鍾意食牛油果架！)

奇異果火龍果試過切細細粒佢食，但食幾粒就唔食。第二日整蓉就食晒。好明顯佢唔鍾意咬野，係咪懶呢？

訓

訓方面算ok，已經可以自己喺bb床訓，唔使暗訓。係我放假時曳啲，有時唔肯午睡。夜晚醒2-3次，拍拍會訓返。餵夜奶嗰幾晚訓得特別好。

行為

- 之前都有提到，包包已識扶住企。呢個月覺得佢大得好快，識爬之後好快又識企，但未係好穩，未識扶住行。

- 開始麻煩友上身，一唔鍾意就hm hm hm(低音，好似牛叫)

- 視線範圍無人就喊

- 眼訓，心情唔好就猛r頭 (有無人可以教我點樣可以令佢唔r頭?) 轉個頭就r到額頭損晒！

- 坐唔定，一坐低就爬爬爬或扭抱

- 多左bb話，ee yaya, 曳曳，但仲未識baba mama，即使我日日講幾百次

- 指令方面係零！教十萬次都唔做，連byebye都唔肯做 ToT

- 出名cool嘅包包多左好多笑容，開朗左

牙齒

出左半隻。我見bb通常下面兩隻牙仔一齊出，但包包好奇怪只出一隻。我摸過牙肉，另一隻未見有呢！

睇相啦 (包包8-9個月大)：

前髮前

剪完爽晒！

真係好開心咁喎！

著新衫，玩搖控

依然係大頭仔一名

mama好鍾意呢個地盤佬look, haha

我爬爬爬。。。

阿仔，無頭髮啦，仲拎住把梳？

好專心咁自己玩

呢個係咩表情呢？

好努力爬 (仲係腹爬)

出界啦

在房影，燈光較暗。包包喜歡在爸媽床上玩一會先訓。

我發現原來呢個月幫包包影得好少相！

9 個月大啦，難得肯笑住影相！要keep住健康啊！

mama的話
包包豬，你知道mama餵夜奶真的很累嗎？mama不怕累，只怕你唔夠營養！
你乖啦，飲多啲奶奶啦！你唔飲奶mama就會唔開心！

看著包包很努力的爬同企，繼而識得倒亂，攪東攪西，我知道百厭星黎啦… 但mama真係好開心見到你學識愈來愈野，你嘅表情動作都好傻豬，帶給mama papa好多歡樂。

mama愛你，你也愈來愈愛mama吧，對嗎 (^ω^)

第一個母親節

撕紙狂笑

睇下包包笑得幾犀利！

每次撕張紙聽到"沙"一聲都笑。

真係好傻豬呀！

(條片係老公拍再whatsapp畀我，所以resolution 低有點朦)

蝦媽媽

我相信包包依家已經識得蝦媽媽！

1. 包包依家係好痴身，只要我同佢一齊喺playmat，佢會死命的爬到我身邊再叫我抱起佢。就算佢企緊，都會行近我要痴住我。(對姐姐係唔會咁)

2. 扭計，怕生，整親時係要媽媽抱，爸爸都攪唔掂。(姐姐有時都ok)

3. 姐姐放假時，我湊佢。其實平時佢視線範圍內無人佢已經會喊，但對我，我行遠少少張playmat就已經瓜瓜嘈！

4. 我返工唔敢同佢講bye bye, 必喊！(爸爸係唔會嘅！)

5. 我湊時成日唔肯午睡！訓喺床仔好hyper，一見到我就喊扭抱！(經常性要由佢喊一陣先訓到)

6. 最煩係食野時！我餵奶佢係唔飲！係要我抱佢同佢玩！所以依家朝早餐奶要姐姐餵！但佢訓著時就要我餵喎，爸爸餵就飲少少唔飲(明明訓住飲架，都feel到唔同人餵！)

7. 到食粥仔糊仔啦，姐姐餵就快快食，我餵就又要氹又要唱歌！昨天晚餐食糊仔，唔知點解食食下扭計喊，氹好耐都唔食。姐姐放假早左返，姐姐好好叫我落樓食dinner，佢幫我餵。我落樓時想喊，唔食野點得架，係咪唔舒服？點知我食到一半，我姑奶抱住包包落樓話佢食晒啦！我嗰刻真係好嬲呀！

......................................................

唉，我覺得我做人媽媽好失敗，點解個仔會咁，係咪我平時太寵佢？

姐姐餵食好好，一方面我應該開心請到個好姐姐，但另一方面我又唔開心自己做得唔好，又唔想太依賴姐姐。。。

嗚嗚嗚…

mama好嬲你呀，曳豬！