去沙灘 - 黃金海岸

處女座嘅包包，除了非常固執，整齊，完美主義，仲有少少潔癖!

先聲明艾利絲同包爸都無潔癖架，唔知點解個仔會咁~

所以，包包係唔太鍾意玩沙嘅！

但我好變態，我想包包可以克服沙同水(佢仍然有點怕水)

趁自己仍然行動自如，就多帶包包去沙灘!

家住元朗，比較方便嘅就係屯門黃金海岸，雖然啲水質真係麻麻。

落車一見到沙灘，包包就話媽咪唔去呢度! 好彩兩個同行嘅表姐仔好興奮衝左上前，包包先肯一齊行。

其實佢鍾意玩沙，但唔鍾意啲沙痴住手手腳腳。

起初坐都唔坐，要踎，又只用工具玩

Warm up 左好少少啦

去玩水囉

天氣好到不得了。

我無落水，背部晒燶左，揸唔夠防曬!

爸爸回來報告，包包樹熊上身驚驚，可能因為太大浪。因為啲水都唔太乾淨，我都由佢，浸下腳仔算。

同姨姨玩水，攬到實

睇下兩個表姐仔幾開心!

唔玩水就玩沙啦

鳳爪腳又出來

一齊玩沙

好在有咁多人陪包包玩!

媽媽我帶左個冰袋

有冰凍嘅檸檬茶飲

睇佢幾開心!

每次玩沙一定準備一盆水畀佢

啲沙痴手腳佢就會浸一浸

不可缺少

睇下佢個樣同對腳! XD

沖完身即刻舒服晒

同包包去完沙灘，我攰左兩日

不過都想盡量陪佢多啲

第時細佬出世，就未必可以成日去街啦