包包兩歲(4)：媽媽感言

雖然遲左啲，但我都希望可以keep住一年寫一篇，給自己留個回憶！

今年最大嘅分別係，包包已經由一個bb變為一個小朋友啦～也由一個cool b變為宜家呢個古靈精怪，表情多多嘅古惑仔！由一舊飯變做宜家識攞我個手提打電話畀papa(佢係知㩒咩制)，真係學野好快呀～

記得包包第一二次病，真係擔心肉痛到我呢～真係寧願病嘅係自己！另外包包隻眼都未完全好返，定時都要去覆診。

包包一歲就會行路，所以呢方面唔擔心，但講野就真係慢左啲，一度令媽媽我想帶佢去評估。到宜家一日媽媽到黑，說話都不斷進步，開始同我地有溝通，牙牙學語，真係好可愛，希望我嘅擔心係多餘啦～

最開心係包包係一個好樂意kiss & hug嘅小朋友，叫佢kiss or hug hug佢通常都好慷慨架，所以真係好得人歡心！帶畀我地一家好多歡樂！

回顧呢一年，我覺得係相比第一年輕鬆左。諗起佢6個月開始厭奶時真係人都癲！包包雖然唔太種意食野，但飲奶嘅問題改善左，食固體係扭計啲但唔太瘦我都由佢，媽媽我都無之前咁緊張。宜家滿兩歲，只要唔辣唔太咸，我都放手畀佢去試。但papa就話覺得呢一年辛苦左！點解？因為包包已經有自己思想，要求多多囉，papa更係無之前咁輕鬆啦～

呢年仲同包包去左台灣同沖繩！雖然同埋佢去旅行係辛苦啲，但其實我地一家三口去旅行都好開心！剛剛去完澳門，發現包包又長大了，佢都好enjoy去旅行呢！

包包也是個痴媽症非常嚴重嘅小朋友，我當然知道佢好愛媽媽，有時好sweet但有時又好累人。宜家佢有時食佢最愛嘅食物，食到最後一啖我會叫佢畀媽媽食，佢都毫不猶豫畀我食架。有時叫佢畀papa食，佢會諗一陣先，又或者走左去，好攪笑。

包包大左，性格更加分明。佢都係比較慢熱嘅人，喺街外，有時都要時間warm up，感恩大部分時間都好平和 ，唔會同人爭玩具，會分享。(加上佢個樣呃得下人，個個都話包包好斯文！)，性格非常固執，愛整潔有系統。大膽又愛玩。

但同時間，mama都要為包包嘅學業煩惱，mama我實在好唔想面對呢個現實。對於細b呢個label, 真係好無奈。其實我沒認真去想點樣教包包，因為小朋友愈大，就愈發現唔係我想點就點。我大方向係包包要做一個有禮貌，有同理心，善良但不內弱嘅人，起碼呢啲係我有信心可以教導佢嘅。

最重要當然係健健康康，無論你長大後變成點樣，媽媽都永遠愛你。