2015 Chinese New Year (2)

年初二

每年都同一行程，先去99外家拜年(係流浮山)，下午就返我媽度拜年

是日都係中式look
因為我媽買左套唐裝畀包包呀，仲比我淘返來嗰套靚好多！去婆婆度拜年梗係要著畀婆婆睇啦～

一早起身落花園玩

包：媽媽幾時去街街呀？

恭喜請請嘅樣

本來應該nap完先去街，但包包超hyper，攪左45分鐘都唔訓！時間緊迫就照出街！

去到流浮山唔得閒影相，我要跟住99去派利是 ToT

包包同舅公隻狗玩得好開心，仲食左兩塊cookies，開心到完全唔覺得眼訓！

之後就駕車出九龍去我媽到，已經四點，包包一上車就訓左！

45分鐘就到我家，即係包包全日只係nap左45分鐘！

結果到dinner時就好扭計啦……

又係咁要飲湯，我媽又無準備湯畀包包，又唔食bb飯要食我嗰啲，好混亂咁畀佢食少少算！

同婆婆影下相先！

勁扭計，要出動奶咀先得！

年初三不宜拜年，而且前一日都好攰同好遲返屋企，呢日就hea住過。

本想去錦上路餵兔仔，貪佢唔使入場費，包包又勁鍾意兔仔，點知初三無開。

唯有去隔離個hello kitty farm, $30一個人，加$20餵羊，咁就$80。

老公話真係好掙錢，我地第時退休可以考慮開返個！

影張相先！

一入去就餵羊咩咩，咁羊年同包包去睇下羊都幾好嘅！

包包超鍾意動物，一啲都唔驚！

(又凹左個肚腩出來XP)

睇佢幾開心！

好多hello kitty 板for影相，不過包豬無興趣

慢慢行睇下菜

有幾個呢啲活動場，但包包仲細唔啱玩

玩得最耐係呢個小小playground

仲有個小滑梯無影到

包包玩呢間屋仔玩好內，我有衝動想買一間放天台！

影相位，可惜包少愈影愈走佬……

其實仲有隻豬，最後啲菜就可以畀隻豬食，點知包包見到隻豬個食相有啲驚！

個場唔太，但小朋友應該鍾意

好快就走lu...

下午就同包包玩下車仔

由於家住村屋，已經有兩架呢啲二手電動車，如果唔係我真想買架型啲嘅畀包包呢！

齋坐都好開心！

初四係我地大家族最多人聚埋一齊嘅日子，要5圍枱食飯！

要見咁多人，當然要幫包包執正啲啦～

呢個look得唔得呀！

第二架電動車出場，不過係粉紅色

但我最頂唔順係佢啲大陸兒歌，又嘈又唔知佢唱咩，偏偏包包成日都去㩒播歌個制！

咩事笑得咁奸呢？？

四日新年假就咁結束

mama湊左包包三日都好攰 

但包包算幾乖，又唔怕陌生人，又肯請請同飛吻，好叻叻啦！