要返健康院，派成績表！
重
11.3kg, 84cm, 重量同身高都係75%，但生長線其實跌左少少，都唔錯啦！
食
包少開始揀擇左，佢鍾意食嘅就食好多，唔鍾意食嘅就麻麻煩煩食好耐。勁鍾意飲湯同食生果。dinner一定要飲湯先肯食飯，否則喺highchair狂叫(>﹏<)。生果咩都食，最近大愛strawberries！飯鍾意嘅飯同湯要自己畢，當然未掌握到，所以有時都幾麻煩，特別係湯，就算著左bib都讓到整到成身都係要換衫。奶就早晚食。但健康院話要戒夜晚嗰餐奶呀～
訓
除了去街，都會keep住一日兩nap。夜晚遲左訓成10點先訓，仲要喺大床碌到訓著先搬去bb床！張bb床其實已經快唔啱訓，就頂腳啦～早上大概8點起身。
活動能力
包包可能有papa遺傳，識得踢波！仲識助跑再踢！而且每次都真係踢到個波架！當大部分男仔都鍾意車車，包包就鍾意波多過車。其實包包都鍾意車，但係真車大大架嗰隻！
認知能力
去健康院檢查，聽說會考好多野，所以包包已學會eye, nose , ear, head , mouth, hand /手手，foot /腳，belly button。動物就都係嗰幾樣，最鍾意rabbit同panda。
語言能力
呢期最叻叫爸爸，papa放工一開門佢就叫ba baaaar... 冧到papa呢！但係……佢叫極都唔叫媽媽呀T_T，真係好唔抵得！
係有需要時先叫媽媽，佢係識叫架，但我叫佢叫就唔叫，papa叫佢叫爸爸又叫，點解呀？？
最近教識佢飽飽(加動作拍拍肚腩)，食完飯問去係咪飽飽，佢就會拍拍肚識飽飽。
但說話方面都係好緩慢，間中會講一兩隻字，好似飲湯就會講“飲”，踢波就講“波”，食麵包講“包”，但要我講佢先講。平時就一大堆bb話。健康院話唔算遲喎，都係叫我地多啲同佢講野咁。而且叫我地唔好又中又英，最好全中文，但包包係姐姐湊，我地實在好難避免……
情感發展
包包係好硬頸，記性好好所以佢扭一樣野可以扭好耐，非要不可！轉移視線好多時都唔work，唔知點解佢記性真係好好╮(╯_╰)╭
好執著，但又好有手尾。例如，我地住村屋返上樓要開樓梯門，佢要自己用鎖匙開門，開完仲要自己放返低喺鞋櫃！clean up toys, 有盒玩具佢會堅持放埋入盒。玩完iimo要泊好架車先走。我地無著拖鞋，佢見到會拎畀我地要我地著。換完片要自己掉。食完水果個碗要自己拎入kitchen。
另一方面都好helpful，會幫手開highchair食飯。屋企有時多人食飯會用圓櫈，佢會幫手收櫈(但未食完嗰啲都要收(^_^;)，換片會自己攞片片同暖風機。叫佢幫手永無say no：掉垃圾/攞野畀人地。也很願意分享，食緊最愛嘅strawberry，玩緊波波等，叫佢畀都會畀。
最sweet係爺爺嫲嫲，包包宜家每次同佢地bye bye 都會自動送上香吻！
呢個月係新年嗰排影多啲相，都無點影相呢！
新年好多個look
我地又去餵兔仔
包包好鍾意彈琴
正月十五又出動利是！
玩巧虎嘅煮飯仔，仲自己攞Minnie坐隔離
同papa玩訓覺
拆利是
媽媽的話
其實我好喜歡呢個時期嘅包包，唔扭計時真係好聽話好可愛。我最鍾意點佢做野。papa仲會點佢攞襪攞拖鞋！又會模仿我地表情動作，最近最鍾意扮訓覺！有時嫲嫲大聲少少，佢又會好大聲ee urur。包包真係帶畀我地一家好多歡樂，真係好唔捨得你大得咁快呀～
