2015 Chinese New Year (1)

短短一年，包包真係大個左好多呀～
上年包包仲係一舊飯，今年佢明顯好enjoy呢個咁熱鬧嘅節日！

See 2014 Chinese New Year

艾利絲其實都無點準備過年，只係貼下揮春，執下屋，包下利是，因為其實主要準備99都負責晒lu....

年初一

包包習慣8時左右起床，佢飲完奶奶就幫佢換上賀年衫。mama買左對新鞋仔畀佢，佢超鍾意，仲自己幫自己著鞋，喺媽媽幫助下著左之後就好開心咁通屋行！

呢幾日好暖又有蚊，包包面仔畀蚊咬左幾粒呀！蚊呀蚊，點解你新年前先黎咬，攪到包包無咁靚仔啦！

等mamapapa派利是畀包包先！

但包豬係對利是無興趣囉～(^_^;)

爸媽祝你身體健康，精乖伶俐，快快樂樂！

到我同老公都換好衫，就落樓下同爺爺嫲嫲拜年啦～

而我呢個鄧家新抱，傳統上每年初一朝早都要敬茶畀6299架！

玩多一陣就祝包包返上樓nap，等佢一陣多啲精力同人地拜年！

訓醒嘅包包好精靈呀，叫佢請請，飛吻，錫錫都肯做！最攪笑係原本佢唔肯收利是，但我教佢利是可以收喺面包超人袋仔，佢就好落力咁收利是，差啲想收埋我同papa啲利是呢！

屋企年年買好多花，影返啲靚相先！

包豬又行行行

papa又錫錫

我地親人好多都住附近，拜年行過去就得！

包包去到人地屋企好開心！

偷糖成功幾開心！查實佢未食過糖架……

包包真係好鍾意琴，大少少一定畀佢學琴！

返到屋企又影下相

之後，每年傳統，都會叫隻獅黎舞下，62話咁先旺屋企。包包好叻，雖然好大聲但一啲都唔驚呀！

影完舞獅包包又要nap下叉下電

夜晚沖完涼換返個西式look先！

型唔型呢？

太多相，分兩篇寫……

羊年快樂！

包包祝大家
羊年快樂！
身體健康！
萬事如意！

速行花市

上年包包仲細，今年可以帶佢去行花市啦～

只係去左元朗個花市，其實好細，所以我地唔使半個鐘行完！

包包對周圍環境好好奇

家裡已買了幾盆桔同花，所以包包對桔唔陌生，仲得閒就走去搣幾粒 (^_^;)

包包好開心咁“行”花市，佢真係好鍾意行，仲成日行回頭路 (￣∇￣)

剛下雨，路面濕滑，所以有時都要抱住佢

去到乾貨區，本來打算買個汽球畀包包，但佢好攪笑一啲興趣都無，幫mama慳住荷包

問佢要唔要dog dog, 佢望住我，我話唔要就行啦，佢就行lu...

見到啲姐姐大叫sell野，就望實人地，人地好落力sell佢都不為所動，望一陣又行

papa話呢個客仔好難sell XD

行行見到一推汽球用手指指住，原來佢鍾意個飛機

姐姐好落力sell佢

不過papa諗住放佢落地等佢自己攞，佢就好快咁走左去！最後都係無買到！

兩父子又好溫馨錫錫

好快就走啦～

晚上食團年飯

同表姐仔影相

2015情人節

其實呢… 我係無過到情人節囉…

一早老公就去睇醫生，佢咳左成個月都未好呀～

跟住就去辦年貨，買定啲家品同食物

返到屋企無耐就同包包返playgroup

上完playgroup包包午睡，我又執下屋

包包訓醒就出去食團年飯

返到屋企都十點，包包沖涼訓覺

最近plan緊去旅行，上網攪到成點先訓，仲同包爹嘈左幾句

就連預先打算係咁二慶祝情人節買嘅蛋糕都要留到第二日先有時間食！

呢個情人節都算hea啦～

剪髮剪髮

包包啲頭髮長左好多，平時都係我自己操刀修少少，見新年就到，就帶包包去salon畀人剪。

自8個月大時去過salon剃頭，今次係第二次去畀人剪頭髮。

我個stylist有兩個仔，所以剪小朋友都好有經驗，又快又有細心！

帶備左ipad睇歌仔

由媽媽我抱住

包包一路剪就一路嗚嗚嗚…又mamama...
眼有淚光但又唔係喊，好似好慘咁，哈哈

佢個樣真係好攪笑XD

剪完啦～靚唔靚仔呀？

我覺得剪得好好呀，好精神，又唔太短！
但包包塊面就又大左又包左 XD

平時我同包包剪攪成個鐘先剪到，我諗我以後都係畀百幾蚊人地剪算啦～

myBB.com試用：韓國Manito 護頸護肩透氣嬰兒坐墊

其實好耐之前已經收到試用，但最近都好似無咩用stroller，唔能夠試真添！

估唔到呢個墊咁厚身呀！

雖然厚身，但好輕同透氣！
可以話係冬暖夏涼！包包好怕熱，成日坐車仔同carseat都溜晒汗，有左佢就唔怕啦～

熟包包嘅人，應該知道包包有架戰車Quinny Moodd，呢架戰車真係好舒適，包包從來都唔會唔肯坐！

但呢架stroller實在bulky，有時去啲多人無嘅地方就好唔方面，所以我地都有另一架輕身啲嘅stroller，係我姑奶嘅二手車仔。雖然唔係我自己鍾意嘅model，但各方面都ok嘅！

不過對於坐慣quinny嘅包包，唔多唔少都覺得唔夠舒服。所以我一直物色緊一個舒服嘅車墊，今次試用真係好啱使呀！

因為最近都未有機會用呢架stroller，所以只可以畀包包喺屋企試坐下，包包個樣睇得出應該幾舒服呢！

(註：包包隻眼唔係受傷，只係糾正斜視嘅膠布，詳細可以睇返我之前嘅blog)

另外就係呢個墊仲可以用喺carseat，雖然包包已經16個月大，但佢仲有用個初生墊架，因為墊左好似舒服啲！而家有左新座墊，終於可以唔使要個初生墊啦，等我都快啲試下先！

2015 my birthday

一如既往，我生日係會返工嘅。通常都係同老公簡簡單單食餐飯。

早幾日我同老公講，唉今年情人節唔使返工，又無花收啦～(上兩年情人節都有事請左假所以老公無送花)

估唔到…… 老公喺我生日呢日送花喎！喺公司突然有花收好開心！

放工我地就去左二人世界

Al Dente

尖沙咀寶勒巷21號地下

2724 6005

http://www.openrice.com/hongkong/restaurant/sr2.htm?shopid=42108

因包包早訓，為左可以趕得切返屋企見包包，我地6:30就食飯啦～

去到餐廳都無咩人，呢餐飯食得好舒服！

麵包好好味，質感好似蛋糕

打算要個salad, 估唔到呢個鴨胸salad咁大碟！鴨胸好味，啲菜落左沙律醋好開胃

叫左碟mussel, 有啲碎蕃茄同磨姑，個source又係酸酸地，幾好味！

main course 老公要左rib eye steak, 上面隻蝦好大隻而且爽口！ 下面個薯蓉好味到我係咁偷食！可惜塊steak就一般，食得出唔係靚野。但百幾蚊一碟，一分錢一分貨啦～

我就要左bbq spare ribs，嗰啲薯角好味呀，脆得黎唔燶，好有薯味！(老公話我淨係鍾意食side dish, haha) 可惜個ribs就麻麻地，肉質鞋鞋地，個source又咸左啲，好少餐廳ribs 會失手架嘛！

最後係甜品啦～
上甜品時無啦啦播birthday song, 仲要好大聲嗰隻，我都嚇左一跳！都幾驚喜嘅！

個樣好似心太軟，其實係chocolate pudding with ice cream, 都好味嘅！

多謝老公送嘅花同dinner!

之後我地就趕返屋企見我個寶貝仔啦～
老公仲買左帝苑酒店fine food 蛋糕。呢個hazelnut crunchy cake 好好味呀！我好怕蛋糕好甜，呢個係啱啱好！個皮我以為會好硬好甜，但原來係淋架，只係好薄嘅糖面，咬落去有點煙un, 99 都話個皮好好食！而上面兩粒macaron就真係勁甜，所以我一向唔好macaron 嘅

包包習慣9點幾訓，所以佢呢個moment其實係好眼訓，完全唔想同我影相呀(>﹏<)

叫佢錫錫都好敷衍囉～XD

包包，下年你會識同mama講生日快樂嗎？

第二天束花仍然好靚呀~

生日願望就係包包快高長大，一家人健康快樂啦！

其實真心覺得自己相當幸福，爸媽6299健康健在，有自己屋、車、工人，有愛我嘅老公同可愛嘅仔仔，有穩定工作，還有對我地好好嘅親戚朋友！雖然我地唔算有錢，但我已經好滿足！知足常樂！

人愈大，朋友同親人就愈來愈少，所以我好珍惜身邊每一個親人朋友，珍惜自己所擁有的一切！