我地呢個媽媽會好多是非，有幾位攪事媽媽，所以半歲party之後都再無party啦～今次都係幾位相熟媽媽做攪手，參加嘅媽媽都係相熟媽媽嘅group friend，好似我咁，就係907媽媽link到我先有份出席。好處係唔太多family，只有十幾個family，大家真係傾到計！而且party無rundown，大家都係食下野傾下計，啲bb一齊玩下咁就一日！
Xmas party當然要打扮一下啦，mama特別喺next買左套聖誕裝，只係估唔倒12-18months size 都咁大！呢套衫連帽都只係$100左右，買夠500仲減150真係低過淘寶呢！
而家要同包包影相真係好困難呀，佢係唔會企定定畀我影，㩒得制黎佢都走左去，再加上包包係勁唔鍾意帶帽，真係好辛苦先影到呢幾張！
去到就放低佢自己玩。包包一向唔多同其他bb玩，返playgroup時都係，但我發現佢係鍾意同啲大過佢嘅小朋友玩，好似佢啲表姊表哥咁。呢日佢又係跟住啲大姐姐玩(有啲媽媽係第二胎所以有啲大啲嘅小朋友)
用左大相機影，相後補。
玩左一陣係時間食粥仔，但包包好曳呀，食得一半就扭計要落地玩，真係心野！
其實除了playroom都無咩玩，包包嘅興趣就係行囉！佢不斷行來行去，行出行入 -_-#
907bb, 包包又想走佬，我哩喺後面捉實佢ja...
不斷追住佢，攪到mama我都無咩食野！
本來有抽禮物架，但mama我大頭蝦，papa開左車我先發現唔記得帶！
開party當然要影大合照啦～
有媽媽話叫啲bb影先，我真係覺得mission impossible架！我包包一定走佬啦……點知有啲bb真係可以坐定定架喎！好amazing呀，定係我包包太活躍？
為免包包走佬，只好畀佢坐側邊，仲要畀餅餅佢食先得！一大班bb真係好可愛呀！
媽媽s and bbs
包包係勁想落地呀(>_<)
非常罕有嘅全家福！
我地玩左三個鐘左右就走，包包一上車唔使三分鐘就訓左！
後記
媽媽會gathering我最鍾意觀察下啲bb:
- 包包喺bbs當中都算大隻，而且行得算好好，有啲bb仲未識行或者要拖住行。但包包都係最活躍成日周圍走嘅一個！
- 見到有啲bb已經食大人食嘅野！仲搶住食！我都覺得好出奇架！包包食緊杰粥，我仲未畀佢食大人飯！而唔為食嘅包包更加唔會搶食……
- 大部分bb都無咩交流，自己有自己玩，可能仲未識一齊玩。
- 有幾個bb都病病地，好在包包touchwood返到屋企無事！
好多人呀，好開心呢！ 包包真係好大隻，compare 其他bb, 佢唔食咁多又可以咁大隻都幾好wor. 食呢家野我都放棄，我個女注定無口福，嘻嘻嘻
ReplyDelete係呀我都好感恩包包咁吸收(咪講)，我都唔知點解，仲要我地倆公婆都細粒，眼見其他bb真係食多佢好多，希望佢keep住咁健康同吸收啦！
Delete套聖誕衫著到包包好cute呀
ReplyDelete可惜大左少少，next嘅size偏大呢！
Delete好可愛呀，一群BB 都穿聖誕衫，好得意呀 ^^
ReplyDelete趁佢地仲係bb時裝扮多啲！
Delete講起媽媽組活動，我也有一些不愉快的經驗。唉...... 算啦。我覺得BLOGGER 自己搞個D仲夾呀！畢竟，大家都「識」左好耐了！
ReplyDelete有啲媽媽真係好得閒！唔明佢地攪事攪非為乜！無錯呀，可能blogger間已認識，而且有感我地一班blogger都好有教養！
DeleteThis comment has been removed by the author.
Delete我覺得其實同一個人有無時間，係咪無聊其實可能無咩關係。我反而認為是彼此的價值觀有很大的落差。當然，唔係話有邊個係衰人，大家都係正當人家，只係大家對事情的睇法可以有好大的分歧。由搞結婚，到懷孕，到湊仔，我們大大話話都識左三四年，大家都係擁有差不多想法的人。人以群分，是好真的！
DeleteNEXT D 衫我都唔識預SIZE, 買過幾件睡衣3-6M，木木依家仲著緊...
ReplyDelete包包好可愛! 聖誕包!
係呀，我知佢size偏大，但又無理由買6-12months size畀包包
Delete我終於有時間睇blog 喇, 呢期忙爆
ReplyDelete包包個聖誕look 好得, 我都好想買套俾蛇仔明, 今年仲未幫佢諗造型呢
蛇仔媽快啲買聖誕衫畀仔仔啦
DeleteBB們一齊開party真係會好開心架, 套聖誕衫好靚呀!
ReplyDelete係呀，不過其實佢地都係各有各玩XP
Delete包包玩得好enjoy呀!
ReplyDelete諵B果件NEXT又係勁長, 搞到著左1次無著喇...
果次半歲party我都好唔開心, 唔明點解要搞d是非出黎, 搞到心淡所以無一歲party, 不過圍內自己細圍的party仲開心!
係呀，細party仲開心呢
Delete