2014 母親節

各位媽媽母親節快樂！

早一同婆婆食飯，但趕住走無影相，包包依家已經可以自己坐bb椅啦！

母親節正日，老公買左細細束花畀我，幾好呀，唔會太貴又叫做有花收啦！

呢個包包依家好難同佢影相呀！

晚上就同奶奶慶祝，買左好多食物喺屋企開餐，唔使出街同人迫。包包就淨係食得士多啤梨，但都食得好開心，做左汚jo豬！

之後仲有蛋糕呢！同嫲嫲合照，包包已經好眼訓，扭黎扭去唔肯影相！

第一年以媽媽身份過母親節，沒有預期中感動，可能包包仲細，雖然好開心老公有重視呢一日，但我最想的還是仔仔生生性性！現在反而更加想對自己媽媽好啲呢！養兒方知父母恩，我媽媽真的是全世界最好的！可以揀的話，真想住在我媽附近，咁我就唔使咁辛苦了。(可惜無得揀)

其實只要包包乖一日我已經會好開心，因為呢個曳豬最近因為出牙仔而勁忟勁麻煩，又唔肯食野，攪到mama我好擔心呀！

雖然做了媽媽犧牲很多，但每次見到包包笑我就咩辛苦都唔記得！所有時間金錢都放晒喺佢身上！見佢食得開心訓得甜我就覺得好幸福。雖然包包食mummum時好曳，連papa都激到扎扎跳，但mama我依然會好有耐性，因為我相信我會係全世界最愛你最包容你的人。

我希望包包能在愛中成長，媽媽會一直陪著你走！永遠永遠愛你！

包包，你乖啲啦，咁樣就日日都係母親節啦！