艾利絲BLOG: May 2014

Thursday, 29 May 2014

Baby Spa

其實一早已經想帶包包試baby spa，但接近三百大元一次我又覺得貴左啲，早前見到有團購就即刻買左！

一去到先玩下warm up下先，有個小小地方畀bb玩。

波波池

千秋仔
其實我有諗過淘個bb千秋架，因我家有花園放得落！但好明顯包包無咩興趣，睇黎可以慳返！

咁上下個staff 就話我地入去啦，有兩個大缸畀bb游水！

入到去就有個姐姐幫包包按摩先。但包包唔多enjoy，係咁想返身逃走，要畀玩具佢玩先得呢！

按左大概十分鐘就可以落水啦，剛帶個水泡時，可能因為cool住條頸唔舒服，包包好唔耐煩好扭計，不過好快就落水，佢就好開心啦！

一落水有啲緊張。。。

好快佢就好enjoy，仲識拍水同腳撐撐，真係好得意！

唔講咁多，睇video啦～

包包雙手發下發下咁真係好得意，我自己都睇完又睇！睇黎包包好鍾意游水，夏天要試下同佢去游水先得！

玩完水水又同佢玩多陣

跑車

Rody
睇包包個樣就知佢唔鍾意！我仲諗住買隻畀佢添！

可能包包都攰，所以走啦！

我地無join package，因為喺觀塘都遠，而且暫時只適合一歲以下bb，包包都快9個月啦！

不過包包呢日就真係玩得好開心！

Wednesday, 28 May 2014

識爬啦 @ 8.5 months

艾利絲最近工作十分忙碌，放假又要湊仔，都沒有時間update blog。。。

包包一個多星期前已經識爬啦 (8個月成長紀錄都未寫(>﹏<))

雖然爬得唔太叻，還是腹爬，但對於這個懶豬仔來說已是一大進步了！

雖然識爬，但懶包都唔太多爬，如果熱或者眼訓佢都唔願郁！最喜歡遙控器，手提電話同星星餅，其他無興趣嘅東西佢係唔會理你架！

Thursday, 22 May 2014

First haircut 變了光頭仔！

艾利絲最近好忙好多blog想寫但無時間, 但呢篇就想快啲寫呢！

包包其實啲頭髮生得幾靚架，又唔太厚唔太薄，個髮型都唔錯架！但頭髮愈來愈長，掂到耳仔啦，包包又怕熱，所以剛過去的星期日決定帶佢去剪頭髮。

papa話點都要試下做光頭仔喎，而且夏天仲有三四個月有排熱，所以決定剃晒佢，做一次光頭仔啦！

包包入到salon好好奇！髮型師話佢一定喊喎，所以要我抱住佢就咁剪。包包就係咁二嬲條毛巾！