以後都係搵埋家姐/老公一齊去好D
媽咪係典型師奶, 年紀都唔細所以都係典型老人家...
整個旅程呢...
- 出發前話自己好行得, 但原來好睇佢心情...
- 好怕熱, 無冷氣地方, 10分鐘就要走
- 唔肯坐的士, 話貴...
- 一定要坐的士的話, 坐完哦足一日
- 食貴野一定話唔好食... 仲要大大聲講...
- 成日話去美食廣場(FOOD COURT)食, 因為平!
- 食飯時成日話自己都識煮, 好易姐!
- 去買手信, 咩都話貴, 又成日話香港都有啦 (但o係香港唔見佢買過)...
- 無論坐地鐵定去餐廳食飯, 都鍾意除鞋
- 媽咪成個旅程裡面, 將屋企人, 什至鄉下E媽姑姐既野都講晒我知.... 而且好多時唔記得自己講過講完再講... 最勁一件事媽咪TOTAL講左4次, 由於見佢講得好開心, 我好少話佢知佢講過...
- 由於媽咪係講潮州話, 返黎後滿腦子都係潮州話
幾年前去過新加坡, 真係變左好多.... 而且新加坡D人真係有禮貌D, 坐地鐵成日有人讓位畀媽咪... 而且街道真係好乾淨...
而且呢次係婚後第一次同老公分開咁耐, 唔好講笑原來真係好掛住老公... 無論食野定去玩, 我會諗起老公如果有黎會點... 特別係最後一晚我唔舒服, 真係好想老公o係身邊....
雖然同媽咪去無同老公去咁開心, 但我諗以後都無咩機會再同媽咪二人行去玩... 而且媽咪都覺得呢幾日好開心... 辛苦D都值得既...
係呀，雖然同媽媽去冇同老公去咁好玩，不過你媽媽可以同你一齊二人行去旅行一定好開心：）
ReplyDelete[版主回覆10/29/2012 13:49:23]係呀, 雖然我累到死, 但媽媽就好開心...
艾利絲好有孝心呀﹗你既point form精華好好笑，雖然同媽媽去行程可能無咁精彩，但係都會想知道下當中既趣事，呵呵~~~
ReplyDelete[版主回覆10/29/2012 13:48:49]我都會慢慢寫遊記 ^^
我諗你媽咪同好多一般既媽咪都有呢D共通點呢... 最好可以同爸爸媽咪同老公一齊去啦!
ReplyDelete[版主回覆10/29/2012 22:28:38]我媽咪係慳家型!! 我爸爸依家長期在大陸做野, 所以就只係同媽咪去... 今次之後我話過以後出門都要同埋老公一齊呀!!!!
下次叫埋老公同埋daddy一齊去, 有d 男人幫手抽吓野同埋帶吓路, 會舒服好多~~~
ReplyDelete[版主回覆10/29/2012 22:27:06]我爸爸依家長期在大陸做野, 所以就只係同媽咪去... 係呀, 今次之後我話過以後出門都要同埋老公一齊!!!!
我媽媽有幾點同你媽媽相反...hahaha~
ReplyDelete不過我覺得...有埋爸爸會好d，因為爸爸會氹媽媽行多d食多d~
[版主回覆10/29/2012 22:25:44]我媽咪係慳家型!! 我爸爸依家長期在大陸做野, 所以就只係同媽咪去
Iris, 歡迎你回來！認同，我阿媽想跟團，我郤不想...帶住老人家走來走去，你辛苦時我也辛苦！
ReplyDelete難得媽媽咁好，咁慳，由她吧！相反我阿媽買到收唔到手(只限上海及台灣)，不過坡紙太高，而且買嘢、食嘢都貴，去到又要打稅，真係o係香港買仲抵。
anyway, 你咁孝順媽媽一定知你心意！
收工啦！回去再收看下一篇！^^ 886
[版主回覆10/30/2012 21:51:36]我媽真係好慳, 唔買野之餘仲唔畀我買野... HAHA
我都想我媽咪似你媽咪係慳家型。
ReplyDelete所以, 我真係唔敢同我媽咪兩個人去旅行,
如果真係要去, 一定死都抓埋我家姐一齊去,
[版主回覆10/31/2012 22:02:10]我媽真係好慳, 唔買野之餘仲唔畀我買野... HAHA
你真係好孝順陪媽咪去旅行!!
ReplyDelete[版主回覆11/04/2012 21:06:53]不過應該無下次架啦...HAHA
好難得可以同媽咪去旅行呢, 真係乖女呀!!!! 第時有小朋友之後, 呢啲機會真係更加少呀!!!
ReplyDelete[版主回覆11/04/2012 21:06:32]係呀, 應該無下次架啦...
哈哈....我媽媽同你媽媽都好似...典型老人家咁!!! 我都覺得新加坡人好多時都會讓座俾有需要既人...呢點真讚GA!!!
ReplyDelete[版主回覆11/07/2012 18:06:58]新加坡人一般都比香港人有禮貌呢!! 你快d寫blog啦, 好心急人呢!!
其實佢係想幫你慳錢~ 唔想你洗錢~~~~ HAHA~~~ GOOD MAMA~
ReplyDelete[版主回覆12/02/2012 14:23:45]都係既...