結左婚3個月啦... 好多人都問我結左婚有咩唔同呀? 新婚生活如何呀??
我通常第一句就話 " 好多蚊囉!" ... 激死KENNETH...
咁元朗真係好多蚊ma, 而我又係個SUPER惹蚊既人, 我地住3樓都好D, 但食飯要到地下食, 食餐飯我地飽左, D蚊仲飽呀.... 所以我宜家會著長衫長褲食飯, 無計...
==================================
講返新婚生活, 我地都好開心, 結左婚輕鬆晒, 人都心情好D 
諗返婚前大家都燥底, 又成日為婚事/家人事嘈, o個時都好擔心唔知婚後會點, 有blogger講過, 婚後大家會"正常"返, 原來係真, 所以真係擔心多餘!
婚後同老爺奶奶同住一村屋, 不過我地住3樓, 老爺奶奶住地下, 其他家人住2樓, 所以都無咩相處問題... 我知好多奶奶好難頂, 但我奶奶又真係好好相處, 佢好鍚KENNETH架, 所以連我都鍚埋... 仲開始記得我唔鍾意食既野, 我有o係屋企食時就盡量唔煮... 我奶奶煮野食好得架, 又會因為我地熱氣/濕熱 而煲唔同湯... 所以我都自覺好幸運!
我同KENNETH最近成日食好多野, 飯後又生果 (我至愛芒果, 佢至愛榴槤!), 又甜品... 奶奶知我鍾意食芒果, 成日都買畀我食... 食到宜家我要叫奶奶唔好成日買畀我, 怕太濕熱呀.... 得閒左我又整甜品啦... 不過因為之前既心太軟太成功, KENNETH成日話要食, 已經整左N次啦, HAHA.... 每次返媽咪度食飯, 媽咪都煮好多我鍾意食既餸,所以我地就算超飽都會盡量食... 宜家盡量都一星期返一次媽咪度, 娘家同元朗真係相距好遠....
我細個開始唔開心就想食雪糕同朱古力, 拍拖之後KENNETH每次激怒我都會買朱古力畀我, 自己有時DOWN時都會買畀自己, 反而雪糕好少食... 記得之前睇台劇 "敗犬女皇", 個女主角一唔開心就食雪糕, 而佢家既雪櫃一打開有好多H字雪糕, 我同KENNETH講如果我地第時屋企雪櫃一打開就有雪糕就好啦... 所以........
H字好貴呀, 所以都會買D字雪糕... KENNETH係朱古力怪...
加埋讀完書後多左約人出街食飯... 轉左工之後又停左做瑜珈, 真係想唔肥都幾難啦..... 好在我旁邊o個個同我一齊肥ja...
有好幾晚KENNETH臨訓前在床上同我講 "老婆, 我仲係好飽呀, 點算呀?" 
結婚3個月無特別慶祝, 因為呢輪真係食得太多啦.... HAHA...
===============================
婚後我叫KENNETH爸爸媽媽做老爺奶奶, 佢地比較傳統, 開頭都唔慣架, 但佢地聽到我叫老爺奶奶個樣會笑笑口, 好似真係好鍾意呢個稱呼!
KENNETH就同我一樣叫我既爸爸媽媽, 而且婚後覺得媽咪成日都掛住我, 會時不時打電話畀我, 又會借我家姐把口叫我多D返屋企食飯, 好攪笑...
KENNETH早在籌備婚禮時已開始叫我老婆啦, 但我就堅持要結左婚先叫老公... 不過到宜家都好少叫老公, 都係同以前一樣咁叫ja.... 有D唔知點既感覺... 但係有時叫佢幫我整野/買野畀我, 就會叫老公, HAHA...
話咁快就3個月啦, 希望我地可以KEEP到呢個SWEET既感覺啦...
Vendor: 卉豐
Website: http://www.wayfoongflorist.com/
Price: PACKAGE包1玫瑰花球, 1個新郎襟花, 1 SET頭花, 4個蕙蘭襟花 (我另外加1個新郎襟花, 1 SET頭花, 1個蕙蘭襟花) = around HK$1000
(因為左加右加, 不太記得exact price)
玫瑰花球我對花球沒太大要求, 選了粉紅色的保加利亞玫瑰, 有給他們sample, 另外再要求多一點白色和青色襯花(我看到他們有寫下我的要求的)... 我是big day前一天拿花的, 一看到花球就有點失望, 看看相片便知....
一點都不美, 而且那粉紅色帶點黃, 我要多點白色和青色襯花.... 白色完全無影, 青色的都不多, 卻多了些紅色.... 那店員說白小花還未開花, 玫瑰也是, 明天便會很美... OK, 算了, 那頭花呢?
頭花
頭花少得可憐, 1 SET 只有2朵玫瑰加少許襯花, 就算我把所有頭花放上頭都恐怕不夠用!!! 其中一SET是要美國大玫瑰, 因是後來EXTRA加的, 要加$100!!! 這些是什麼頭花啊??? 我當然不收貨, 對那店員說我大日子什麼可能用這些少得可憐的花?? 他們才去加多一點點... 唉....
最後拿走的頭花... 可以共同插在一只玻璃杯!!
蕙蘭襟花是我最欣賞的, 我很喜歡, 給長輩用, 很大方....
5個蕙蘭襟花加2個新郎襟花
到了大日子, 花球沒有變得更美.... 白色小花沒有出來...
慶幸的是在鏡頭下, 花球卻出奇OK.... 多謝攝影師!! 而我一整日幾乎都是拿著花球的!
但到了晚上, 花球已變殘, 我隨手送了給我家小朋友....
結婚前2個月開始超忙, 到結婚後我又忙EXAM/ PAPER, 現在讀完了, 終於可以同KENNETH去拍拖了... HEHE...
這天佛誕, 天氣超熱的, 我跟KENNETH就駕車去了屯門的黃金海岸, 遊車河之餘, 可行下海邊 (想說應該沒那麼熱,可是還是很熱!), 食個下午茶, 舒舒服服的過了一個下午...
香港很久沒有藍天白雲了....
我倆婚後都胖了, HAHA...
非常一般的下午茶...
SWEET ~
才五月就那麼熱, 這夏天怎麼辦??
Vendor: VA FASHION
Website: http://www.vafashion.com.hk
Price: 3套禮服TOTAL $6XXX (SHIRT一定要跟VA 買)
FINAL FIT當日因為我有事, 沒有看著KENNETH FITTING, 只派了一個兄弟去幫忙睇下, 點知就出事了....
白色禮服褲子不合身, 穿上身好似肥左咁... 褲子很舊, 有點黃 (雖然拍照不覺), 而且膝蓋同拉鍊位仲要爆線, 當日要用雙面膠紙痴住!!!!
我話你FIITING時係咪咁架, KENNETH又話唔記得, 男仔係咁, 好後悔自己無跟實!! 太相信VA, 諗住VA一定會拎套最FIT既俾KENNETH....
VA 禮服一套有: 裇衫, 西褲, 外套, 背心, 腰封, TIE/BOW, (有一套仲有ACCESSORY)
我suppose VA會將禮服一套套PACK好, 但去到酒樓時發現VA PACK錯左, KENNETH要走黎問我邊條TIE襯邊件背心同腰封... 因為我無跟佢FINAL FIT, 就問個兄弟啦, 點知倆個大男人都話唔記得, 救命!!!
最後就係我靠自己記憶幫佢襯....
VA個老闆好專制, 佢話邊套啱你, 想試多2套都無架, 呢樣我係唔係太鍾意...
而且裇衫一件$480, 一定要同佢買, 因為裇衫係要match到佢既禮服, 又係無得自己揀架, 佢d裇衫好誇, 平日係無可能著到, 3件裇衫宜家o係屋企都無用lu....
不過值得讚既係夜晚2套黑色禮服都好型好fit... 個個都讚...
而且join package後可任借裇衫, 我地去Monalisa 同麗江都有借, 去麗江時仲借左3件, 2個WEEK之後先還... Monalisa 都借左2件... 可以借唔同款式, 連TIE都可以借...
最最最最最最最最肉痛既係KENNETH當晚飲醉酒唔見左一個腰封 !!!!! KENNETH一D都唔記得放左去邊, 問D兄弟又話唔知, 搵晒全屋同問過酒樓都搵唔返, 最後俾VA罰左HK$500 !
VA, 真係對你又愛又恨呀!!!
當日相片已私有化:
related post:
早在大日子一年半前已join in wedding, 當時是join perfection不成, 反被in wedding的價錢吸引… 不過由於太早join, 我的而且確有後悔過, 特別是KENNETH join了 VA FASHION! 而且之後開始多看了人家的blog, 原來有更好的選擇, 我只好心裡對自己說, 等一下吧, 可能新的貨會更好呢… 後來自己太忙, 又不想再用錢, in wedding都ok就算了....
In wedding的gowns, 不是不好, 是較”大路”吧, 但她的價錢真的很值, 一分錢一分貨就是… 我join的時候, 她還未開第二間店(樓上店), 現在樓上店還搬到地舗, 可知道她生意真的很好….
而我相信, 生意好的其中一個原因是她們的服務態度…
Vendor: In Wedding
Website: http://www.inwedding.hk/
Price: 1WG(拖尾) + 3 EG, TOTAL $3XXX (2009年9月價錢)
款式
Gowns不是不好看, 是比較”大路”, 但自己喜歡簡單的款式….
不過喜歡不代表適合….
我們在典型的酒樓擺酒 (元朗好彩), 什麼simple but elegant的款式好像比較適合酒店設宴的人吧 (KENNETH常說圍村佬是不會欣賞的) … KENNETH都說我喜歡的款式太簡單了, 身型小小的我如不選擇誇張的, 會更加不覺得我是主角… (而的確, 當日KENNETH的家人們每個都盛裝出席!)
最後, 避免不了公主裙和誇張的款式….
衫裙好見仁見智, 不過這價錢我覺得是值得的...
final trial時往往都已換了新款, 新款又未必是自己喜歡的, 又沒有理由要舊款的... 但愈遲join價錢愈貴 (生意好的店每年都加價), 好矛盾...
服務
服務是十個讚的, 由落單, 1st trial, 2nd trial, final trial 到還衫, 我都十分滿意的...
落單時不算hardsell, 我都是free trial後再回頭落單的...
最值得讚賞的是final trial, 因為我在婚前一個week瘦了, 所有裙都要再改, 本以為去到試一試就可以走, 怎知阿姐要幫我改太多而用了2個多小時才完成.... 試完又改, 改完又試, 中間阿姐改衫時我們還可以去吃晚飯! 我瘦到連girdle都不再是緊的, 阿姐還幫我改緊girdle! 送客的裙是a-line的, 我又不夠肉撐起裙子, 初時阿姐說要加吊帶, 我說不想, 於是阿姐幫我在girdle和裙子縫上魔術貼! 原來可以這樣的, haha....
還衫時都很順利!
當日相片已私有化:
related post:
