私友化

 

為保持神秘感,婚照相片分享會私友化,希望只同有興趣的準新娘子分享,有興趣的可MSG我,唔好意思....

成都麗江婚照之旅 - Day 3

2010年3月21日

成都麗江婚照之旅 - Day 3

今日超級早機,品果0545已黎酒店接我地去機場...又係因為糖酒會關係,晨咁早成都機場已經超多人,我地拎住3大件行李排隊CHECKIN... 點知我地箱禮服成21KG,加埋我地自己行李就足足OVER左10KG,我地又要去俾錢再返去攞機票,所以大家唔好帶咁多野啦.... (不過品果話會俾返超重既費用俾我地)

之後我地入左間黑店食早餐,話說KENNETH想食粥,見到間野個MENU有粥就入去坐低,點知入面只有兩個餐可以點,一個RMB58(粥+小食),一個RMB68(面+小食),就算只食個粥都要俾RMB58!!!!大家要認住呢間o係機場既餐廳!

飛機無DELAY,我地順利到達麗江,在飛機上已見到玉龍雪山,天氣十分好(如果我地拍攝個兩日都係咁好天就好啦)

一出機場已有人在外接機,沿途見到油菜花田同屋仔....

我地入住芸栖客棧既陽光普照房,到達時客棧既人話我地先俾RMB50司機,到退房時會退番俾我地,因為其實佢地都係俾錢人地黎車我地,公價都係RMB50...(後來客棧拒絕俾番呢RMB50!!!)

上到房,間房好靚,好光猛,除左個TOILET,係透明玻璃,oh.....之前有curtain架,客棧話"應客人要求"整走左喎!!!!個庭園都唔差,芸栖有三個苑,每個苑都有庭園但唔大...

我地要求過轉房,個姐姐重帶我地去睇其他房,但一係太細,一係都係透明浴室,一係就貴好多(房間大+有電腦),由於我地有帶NOTEBOOK,之後兩日都會FULL DAY影相,所以決定都係唔轉啦...不過就辛苦KENNETH我沖涼時佢就出房上網... HAHA....

客棧其他地方:

門口:

之後我地就去古城食野啦... 去左一間自稱正宗過橋米線,一個RMB12, 一個RMB20,加3串耗牛串燒,好明顯唔同香港食既過橋米線,D串燒好肥有D辣....之後先見到好多間都有米線而且平好多(最平既RMB6 ONLY),又食貴左!!! 不過又係食環境啦,環境唔錯!!

之後我地就隨意周圍行,影下相,天氣十分好,個天好藍,而且有D熱,我估有23/24度!

古城另一邊入口,有大水車,係地標!!

酒吧街

難得的合照:

由於太熱太晒,我地重一人買左一頂帽,KENNETH買左一件衫,我又買左一條花裙,TOTAL RMB100,我地已經好落力講價!!! 之後我地又番客棧休息,上網,影相....

我地個LOOK得唔得呀, HAHA.......

差唔多係時候食晚飯啦....我地去左好旺既河邊其中一間餐廳,食左腊排骨+海花菜+風花雪月啤酒,因為我地唔係好肚餓....Around RMB110,不過D海花菜唔好食架.....條河好清,好多魚仔.....

呢煲就係腊排骨+蘿蔔,隔離o個碟就係海花菜:

食完啦,天都開始黑啦....不過....我地重未見品果既攝影師,佢地話重未拍攝完喎!!!

終於...我地等到晚上10點,攝影師王剛,化妝師嬌嬌,助手飛龍先黎到我地客棧....佢地一定好辛苦,第二日又要幫我地影相.... 不過佢地都未曾睇過我D功課,好在COLOR PRINT左,不過王剛話古城夜晚好多人,又話著白紗影唔靚,唔建議我地影(因一件晚裝影上午,另一件留番第二日),而且我地想影拉市海黃昏,佢話唔夠時間番黎影夜景喎....所以我地都被迫放棄影古城夜景.....雲杉坪同雪山只可選一,又要放棄雲杉坪(明明FEI WEDDING兩度都去到,後來我知點解啦....)

最後我地11點先上床瞓覺.....

***** 各位即將去麗江拍攝既品果客人,經過這幾日同BLOGGERS交流,什麼"唔夠時間影夜景", "雲杉坪同雪山只可選一"都係假架.... 你地記得堅持,同攝影師講一定要去呀!!!如果唔係就好似我咁俾佢地呃左番到黎先知!!!!! *****

Day 4 & Day 5 係拍攝日, SET左PRIVATE, 要我ADD左既朋友先睇到

品果回應芸栖客棧的投訴

今日SEND左電郵去品果投訴,估唔到品果即刻打電話俾客棧再打俾我跟進,都係同一個下午發生既事,真係幾欣賞品果既效率!

 

From:	PG (cd-pingoal@hotmail.com)
Sent:	Sunday, March 28, 2010 12:01:15 PM
To:	xxxxxxxxxx@hotmail.com

燕雲&智杰：
    
     您們好！我是今天與你們通電話的小軍（我現在成都總部），十分謝謝你們將芸栖客棧的問題告訴我們，因為這樣的信息確定對我們來說非常重要，正如你們所講“如果不馬上處理，真的會很擔心發生到品果其他客人身上就不好啦！”所以，真的要再次感謝你們哦！
     另外，今天我已與芸栖的老板聯系啦！目前她們還是很有誠意在處理此事，同時，在爭取你們的同意后，我也將你們的電郵及反映的問題信息給他們的老板，他們為了表達誠意（老板說：先將你們先付的RMB50，雙倍費用退還給你們，也就是RMB100元，我已將的我卡號發給他們，到時收到后，選樣時我會請香港店的同事轉交你們）
      再次感謝！
      小軍
 

---

From: xxxxxxxxxx@hotmail.com
To: cd-pingoal@hotmail.com
Subject: RE: X智杰&X燕雲 - 投訴芸栖客棧
Date: Sun, 28 Mar 2010 07:56:23 +0000

你們好,
我們前兩天剛從麗江回來,特別想向你們投訴芸栖客棧!
我們21-23/3住芸栖客棧的陽光普照房,RMB180晚,之前品果BOOK時已說明住3晚有免費接機,而我們到達時客棧說有免費接機但我們要先付RMB50,退房時會退回給我們...上到房發現洗澡房是用透明玻璃,雖則我們就快結婚,但都不至於這麼坦蕩蕩...於是我們就要求轉房,不過最後沒有轉,因其他房也不適合,但客棧的人一定知我們住什麼房,但到退房日他們居然說我們住的房是沒有免費接機,而且不承認自己有說過免費接機!!!!!!(3天而已他們已經忘記了???)老實說,RMB50不是多,他們已比半步多貴,他們跟我們說清楚我們一定願意給,我覺得他們誠信有問題,是欺騙客人的手段!!
 
我現在不是要拿回錢,只是希望你們不要再介紹這客棧給品果客人,免得客人受氣!!

謝謝!

Best Regards,
Iris

成都麗江婚照之旅 - Day 2

2010年3月20日

成都麗江婚照之旅 - Day 2

今日我地留成都玩一日,因為我好想去睇熊貓,哈哈...

我地瞓到十點先起身,起身後就走去春熙步行街食BRUNCH(因為我地太遲起身啦),我地選左間西餐廳,環境唔錯,因為唔想影相前身體唔舒服,所以我地都係搵D比較四正既餐廳食飯....o個個黃色物體係用黎占卜,呃左我地一蚊,哈哈....(不過係吉運,好開心!)

好好味既PASTA同PIZZA

之後我地就起程去熊貓基地,打的過去大概RMB30幾蚊,都幾遠架,不過成都的士真係好平(比麗江重抵!) 去熊貓基地最好早D去,因為熊貓一兩點就瞓覺覺豬!!

入場費RMB58

環境唔錯,黎個靚靚合照先....

D小熊貓同大熊貓真係好得意架,D大熊貓好活潑,唔似海洋公園個D咁呆,佢地係咁食野,又打交,好好笑....原來熊貓好FLEXIBLE架,可以周圍"碌",哈哈....

重有BB大熊貓呢,雖然有玻璃隔住,但佢地真係超級可愛,瞓覺時好似一個波咁,右邊呢隻BB重表演爬鐵架,佢可以穿過D欄,好勁架,哈哈....

附近環境都好靚,有好多花花同有個天鵝湖

天氣真係好熱呀....我地頂唔順,返返去春熙路HIGH TEA.... HAHA....呢間野係品果附近,我覺得好靚....

之後我地諗住行下街,不過條街超多人,可能係星期六,又可能因為糖酒會....行左一陣就返酒店休息上下網,估唔到成都咁旺!!

到晚飯時間,KENNETH話想食D地道野,但我地又怕地方唔乾淨,於是選左酒店附近既德興酒家(同香港既德興應該無關係,哈哈),佢係一座有7層既酒家,地方好大,起初都驚好貴,但上到去又唔貴喎....

先黎兩杯碧螺春 + 生果,正!

我地點左熊掌豆腐,醬爆回鍋肉同樟茶仔鴨,個鴨最正,皮脆肉滑,碟碟都好大碟我地都食唔晒....坐得舒服,SERVICE又好,對面馬路係LV同酒店! 賣單都係RMB13X,唔錯!!

食飽要返酒店PACK野啦,因為第二朝超級早機!!

成都麗江婚照之旅 - Day 1

2010年3月19日

成都麗江婚照之旅 - Day 1

我地一早到達深圳灣口岸,再轉的士到寶安機場,大概30分鐘,RMB80左右(包RMB10走高速),乘坐四川航空飛機到成都... 到A号樓CHECKIN後我地走到B号樓一中餐廳食早餐,第一次到深圳坐機,有D唔慣...我地有幸坐2月先首航既A330客機,飛機好大,有獨立LCD電視仔,飛機準時起飛,立即對四川航空另眼相看!

到達成都後楊眉已在等我地,楊眉真係好NICE,坐40分鐘車就到百麗斯汀酒店,放下行李我地先去食野再去品果店,楊眉介紹左龍抄手,不過因為當時好熱,我地唔太想食呢類野,行下行下就去左MCDONALD,哈哈....不過香港既麥記好食好多!!!!!

之後我地就返去品果,等左一陣,俾埋尾數同簽同意書...之後就上樓開始試衫...

講真d衫真係好難選,唔係d衫唔靚,係因為我地d衫去麗江影相要hold好耐期(好似係7日),好多衫都唔available,靚既衫好多都無期... 男禮好多size都無,強力建議大家自己帶恤衫去,我地兩個total用左3個幾鐘試衫(已經算快啦),試完已經好攰同埋天都黑了...

晚上我地去左錦里,打的RMB十幾蚊,一個古色古香既地方,不過撞正糖酒會,我地要同人爭的士!!!

我地選左一間好靚好舒服既餐廳食飯,個VIEW重好正,二樓得我地兩個好似包左場咁...HEHE...

食左: 宮保雞丁,回鍋肉,油菜,可樂,啤酒 = RMB18X, 雖然有D貴,但D野幾好味 + 咁正環境,都值既....

走時我地又要同人爭的士!!!足足20分鐘先爭到的士!!!的士阿哥話平時無咁多人架,因為糖酒會先咁多人,原來糖酒會係咁大盛事!

食完飯就返酒店啦....

百麗斯汀呢間酒店普普通通啦,沖涼房一邊係磨砂玻璃(大陸好似好興,不過我唔係咁鍾意),沖涼後成地濕晒,個水壺好污jo,千萬唔好用黎煲水...其他都OK,有拖鞋,毛巾,牙刷... 我地去時因為糖酒會,RMB280晚(原本RMB200晚)

成都麗江婚照之旅 - 我返黎啦~

我返黎啦~

呢個TRIP真係好難忘,好想一一寫低...

不過我對品果既感覺普普通通,可能係我期望太高,又可能係我同kenneth要求太高,又或者我地真係太唔好彩.... 遲d會慢慢share....

芸栖客棧

麗江之旅除左影婚相,我地都當自己去旅行,想住得好D,食得好D,玩得開心D....我地住芸栖客棧既陽光普照房,RMB180晚,之前品果BOOK時已話住3晚FREE接機,而我地到達時客棧D人話FREE俾我地但要先俾RMB50,退房時會退返俾我地...上到房發現個沖涼房係透明玻璃,雖則我地就快結婚,但都不至於咁坦蕩蕩...咁我地就要求轉房,不過最後無轉(之後再寫DETAILS),客棧個姐姐一定知我地住咩房,但到退房個日佢地居然話我地住個隻房係無free接機!!!!!!老實說,RMB50算係咩,我覺得佢地誠信有問題囉,我一定會同品果投訴!! 佢地個LOCATION無半步多咁方便,不過都係隔離街同車都到,我也見到有另外一pair品果客人住，但大家住之前真係要諗清楚!!! 而且我有一間客棧真係highly recommended（旅人驛站），之後再同大家介紹。

品果

雖然之前做好晒功課，但無論係成都試衫定攝影師都好似未睇過份野，好彩自己color print左出黎！

除左第一朝品果黎接我地之外，之後３程都要我地自己打車，我真係唔係好明...兩日影完之後就車返品果基地，但換衫後就送我地出街口打車走，特別係初初去到都唔係好知客棧係邊，要我地人生路不熟自己打車唔係咁好，點解唔送我地呢？？

我地既攝影師係王剛，助手係海龍，化妝師係劉嬌。王剛係一個好藝術家既攝影師，拍攝以外話不多，要求很高，成日要我地爬石，澗水，但睇得出佢都好專業既。劉嬌化個妝ＯＫ，也健談，不過我見其他化妝師都跟出跟入，但劉嬌就只會留係車上，無人幫我地拎衫，無人幫我地影花絮 (因為網上見到人地都係化妝師幫手影花絮)... 海龍就最好，好攪笑，第１日我地無時間影花絮，又唔方便/唔記得拎個相機，所以自己相機影得好少相，第２日我見同我同日影既新娘子影左咁多花絮（佢地係安東），就叫海龍幫我地影，點知佢影左幾張就俾王剛鬧，咁我地都唔好意思再叫海龍影，化妝師又唔跟我地，所以day 1影得好少花絮ja。day 2我地就係咁影,好在親愛的男友幫我影左唔少單人照，遲Ｄ再share。我條條裙都大拖尾，又長又重，Ｄ路又難行，從來無人幫手我拎，王剛要求又高，所以真係幾辛苦！

我地有幸上到雪山，但山上勁大霧，又大風重落雪！！真係凍到死，再多暖貼都無用，影左20分鐘已頂唔順，Ｄ雪係咁打落塊臉。最慘係影出黎Ｄ相都白朦朦，我一直期望既藍天白雲雪山景都無！！慘慘慘～

個個影完都話好開心，但我就唔係咁大感受，我呢team人唔似其他兩team咁玩得。不過最緊要影得靚，好期待final既相！！

旅人驛站

影完後我地重有２日半於麗江，因為想試下其他客棧，所以一早諗住轉客棧（呢個係成個ＴＲＩＰ最明智既決定！）路過被旅人驛站既庭園吸引，老闆同老闆娘真係好好人，也因為佢地令我地麗江之旅更開心難忘！

分享住咁多，遲Ｄ會一日一日咁寫。

麗江婚照之旅準備(3) - 其他事項

重有幾日就出發啦,好緊張呀.....

最後要注意既野:

• 
  
  在高原地區一定要注意高原反應，忌嚴重感冒、嚴重高血壓、年邁老人上山。出發前需準備常用藥物，包括拉稀、感冒、暈車藥，心髒病患者可以準備一些相關藥物，紅景天一定要在出發前一週服用，否則無效。

• 
  
  在高原上忌吃太飽、喝酒、洗熱水澡，吃太飽容易暈車和嘔吐，後面兩項會擴張血管，增加心髒對于氧氣的需求。

• 
  
  多帶現金，那裡很少用卡。

• 
  
  零食少帶，但是杯麵，乾糧，巧克力必須多帶。

• 
  
  雨具是必不可少的，山裡的天氣像娃娃的臉說變就變。

• 
  
  即便是在夏季也要帶上羽絨服，早晚特別涼。當然T-shirt也要帶上，中午酷熱難耐。

• 
  
  帶太陽鏡，防曬霜別忘了，而且要高SPF，因為屬高原地帶，日照長和紫外線超利害。

• 
  
  講究的朋友們需自己帶上洗漱用品、毛巾和紙巾，有些地方的生活條件比較差。

今日特登去華潤堂買了紅景天,雖然有D人話無用(應該係因人而異吧),但有備無患,我地會到麗江前兩日食定,兩盒HK$160,每盒20粒...

其實去過北京同仁堂同普通藥房睇過,賣既都係60粒裝,同仁堂$330,普通藥房$130-$200(不過無信譽有D驚),所以最後都係去左華潤堂....

我地重買左好多麗江TRIP用既野,食物,清潔用品,藥物,電話卡,暖貼.....用左好多錢呀!!!

今日重上左品果香港店,我地重扮新客,因為之前婚展SERVE我地既都係講普通話,所以想所有野都聽一次廣東話,怕當中會有咩誤會,品果同事真係唔好意思呀!!!!而且我地重有機會睇到近期影既相(兩個星期前既都有),睇完好開心,因為都影得好靚,重見到有對COUPLE於電腦前選相.....真係好期待我地既旅程!! (後來想起我地其實遲D影完都要上去,唔知佢地會唔會認得我地呢???)

麗江婚照之旅準備(2) - 婚照準備

重有一個星期就出發啦,要準備一下婚照要既野....

FROM 品果:

拍照前須知

新郎須知：

1） 提前一週，需剪頭髮。

2） 準備深色皮鞋，白色襪子，黑色襪子各一雙。

3） 拍照前，做好剃胡須，清理鼻毛的整理工作。

4） 戴眼鏡者，拍照前時都只能戴鏡框（品果已備通用的供挑選）

新娘須知：

1） 準備無肩帶的白色內衣（如有禮服專用內衣則更為妥當）。

2） 拍照前，新娘可提前一週做皮膚保養。

3） 不帶裝飾品，如項鏈，耳環（訂婚戒指除外，但自行保管好）

4） 拍照前新娘可提前清理腋毛。

5） 如需選擇穿旗袍，則需要自帶高跟鞋和絲襪。

二人須知：

1） 拍照前一天，二人洗頭，勿用發膠，摩絲。

2） 不帶貴重物品到拍攝基地，以免遺失。

3） 溝通當天至櫃台付清全款。(香港的品果朋友可於出發前在香港店付餘款)

4） 因拍攝路途漫長，更為保障現場拍攝及你們盡情表現，請切勿帶任何親友陪同。

5） 由於外出拍照，吃，住均不便，故請自帶部分零食，飲料，以及部分現金。

婚照用品

防曬霜

相機

情侶裝

結婚公仔

花球

女- Girdle/nude bra, 高跟鞋, 絲襪

男- shirt, 黑白襪, 黑鞋

拍攝reference

鏡

暖水壺

暖包

拍攝景點

• 
  
  玉龍雪山


• 
  
  雲杉坪


• 
  
  白水河/藍月谷


• 束河古城


• 麗江古城


• 玉柱擎天


• 玉水寨


• 拉市海


• 樹蔭路

(到時再同品果傾去邊度)

留意天氣

http://www.nmc.gov.cn/publish/forecast/AYN/lijiang.html

http://www.weather.com.cn/html/weather/101291401.shtml

 

有無野漏左呢?

我們的結婚公仔

2010年3月5日

為左帶埋對結婚公仔去麗江影相,我地就要早D買佢地番屋企!!

其實我一向都無特別喜歡既公仔(慳番唔少錢呢!)我成日話我無儲野既習慣,我唯一儲既野係錢,haha....

而我地就選左forever friends bear bear公仔,只因我覺得佢地好sweet,好有幸福的感覺

我地去左times square 買,citibank 積分 10000分可當$50用,又買平左...hehe...

係咪好cute呢????

麗江婚照之旅準備(1) - 機票/住宿/交通

距離去麗江只有一個月,我都算慢囉,現在先開始準備....

要快D啦....

	行程
3月19日	香港>>深圳>>成都>>品果試衫
3月20日	留成都玩
3月21日	成都>>麗江>>傾拍攝行程
3月22日	影相
3月23日	影相
3月24日	留麗江玩
3月25日	留麗江玩
3月26日	麗江>>深圳>>香港

 

香港>>深圳機場

方法一

1. 香港九龍機鐵站直通巴-> 深圳機場

http://www.szairport.com:82/gate/big5/www.szairport.com/catalog_660.aspx

2. 其他香港到深圳機場直通巴士可向中旅社查詢

http://www.ctshk.com/bus/busstep2.jsp

More details:

http://www2.shenzhenair.com:82/gate/big5/hk.shenzhenair.com/bus.html

方法二

坐車到羅湖/皇崗/深圳灣口岸後轉的士/巴士

 

我的選擇

由於KENNETH住元朗,我地決定搭的士到深圳灣口岸,過關後都係搭的士到深圳機場,方便快捷!!

 

機票

方法一

網上訂票:

攜程網http://big5.ctrip.com/ (注意價錢係人民幣,用信用卡個EXCHANGE RATE又高D)

芒果網 http://big5.mangocity.com/ (票價較貴)

方法二

經香港旅行社代訂國內機票:

華景旅遊國際有限公司

香港地址: 香港灣仔莊士敦道128號台山中心13樓B室
電話:(852) 289 31203 傳真：(852)289 22098
九龍地址: 旺角彌敦道582-592號信和中心閣樓M42室
電話:(852) 278 00838 傳真：(852)278 0036
電郵：sales@wahkingtravel.com.hk

http://www.wahkingtravel.com.hk/

(建議大家去灣仔分店,信和個阿姐好唔得!!)

我的選擇

由於我懶得研究個ONLINE SYSTEM點買機票(又要REGISTER又要驚CLICK錯野),我地去左信和華景,發現竟然重平過芒果網少少!!

19/3 Shenzhen - Chengdu HK$600 each

21/3 Chengdu - Lijiang HK$550 each

26/3 Lijiang - Shenzhen (one stop) HK$1250 each

Total HK$4800 for two of us

 

住宿

從品果俾既LIST上選了:

成都	3月19日	百丽斯汀城市酒店- 商务单间	RMB280**
	3月20日		RMB280**
麗江	3月21日	蕓棲客棧 - 蜜月房之阳光普照	RMB198
	3月22日		RMB198
	3月23日		RMB198

** 3月16日~22日期間是成都糖酒會期間，整個成都的酒店價格都會上漲，百里斯汀酒店商务单间價格會漲至280元人民幣/晚(原價200人民幣)

百丽斯汀城市酒店 http://www.blessden.com

蕓棲客棧 http://www.yunxikz.com

在麗江的後面2晚會去到先再睇睇有邊D特色既客棧

 

接送機

成都 - 品果會接送機

麗江 - 蕓棲客棧會接機(住3晚有免費接機),回程到時再諗