面試相

話咁快就要幫包包報K1了！

包包講野唔叻，而且又係細b，喺元朗呢個競爭咁大嘅區，真係有壓力。

Mama我就帶左包包去影左張靚靚嘅面試相，希望包包個cute樣可以攞多幾分啦 XD

https://m.facebook.com/VeranoImageStudio

估唔到係女攝影師，加一個媽媽級嘅員工(可能係老闆)

佢地會引包包笑，所以我好滿意呀～

仲會suggest 邊幾張for K 面試相會好啲。

要笑得來唔好too much... haha

最後揀左呢張：

因為包包真係笑得好開心，mama我仲買多一張相連相架！

老公問我，點解我影證件相咁貴 XP

我真係好鍾意呢兩張相呢～

三個鄧小朋友

呢日又同Anki同寶品去玩。我地三個小朋友都係姓鄧，好有緣呢～

近近地去左元朗公園。

我好多謝Anki媽約我，因為其實我係一個幾被動嘅人，我好開心包包可以有機會多啲同差不多年紀嘅小朋友玩！

去到Anki同寶品已經玩緊千秋。

 

其實兩個幾月前包包仲係驚千秋，唔知係咪見到Anki同寶品玩，所以今次唔驚呢？

我同包包講要line up等玩千秋，可能playgroup訓練開，佢都好乖慢慢等。

包包：我唔驚千秋啦！

 

見到有其他小朋友等，我地玩一陣就畀人地玩。包包見到對面有梯級就走左過去，佢真係勁鍾意梯級！

 

 

玩完千秋就一齊去滑梯嗰邊玩，大家上返自己個座駕先！

 

Anki同包包熱到呆左。

一個一個輪住瀡滑梯！

 

 

 

Anki幾時都著得咁靚！

 

包包好大膽，自己去左個高嘅滑梯要瀡，嚇到papa即刻抱住佢玩。

 

由於呢邊大多蚊，我地就返去草地嗰邊

見無咩人又玩左陣千秋

 

 

 

 

寶品笑起上來真係好可愛！

 

本來包包係唔多鍾意啲草，因為啲草太長有點吉，但見Anki行左佢又跟住行，所以話有小朋友一齊玩真好！

 

 

 

同三個鄧小朋友影多啲相先！ 

 

Anki同寶品大包包半年，相比上一次見面，我覺得包包同佢地嘅距離收窄左，因為之前好多野包包未識，佢只會傻傻咁睇住人地玩，今次好似玩得埋啦！

希望好快可以再一齊玩啦～

2015 Fathers Day

父親節呢日，基本上我地去左陪包包爺爺。

早上去飲茶

現在包包都會幫mama拎手袋XD

自從好彩酒樓執左，成個新元中都無間大少少的酒樓，每次去彩晶軒都要等好耐。

包包就最喜歡行這些為盲人而設的膠路，重複行n次都唔悶

之後就陪爺爺去電器店買電視，因為樓下個電視壞壞地

無野做，就叫包包錫下papa

好肉緊，哈哈

星期五有點事，令我居然忘記訂蛋糕！

星期日唯有是旦買個蛋糕 XP

對於包包呢個蛋糕怪，什麼蛋糕佢都一樣鍾意食！

同往年一樣，簡簡單單整左張卡畀papa

希望下年包包識得同papa講父親節快樂啦！

2015 端午節

呢日端午節，我地同包包去左愉景灣睇龍舟

因為包爹嘅公司每年都會參與愉景灣嘅龍舟競賽

包爹之前都玩過兩年架，但宜家weekend都會陪我同包包，無時間train

我地揸車去欣澳，再轉巴士入愉景灣

都真係幾遠架

呢日天氣真係好好，仲好熱呀～

去到我地先同老公同事打招呼

包包豬好可愛，扮怕羞

再同包包行下沙灘

天氣實在太熱，我地就搵個地方食野

包包好心急想飲橙汁！

因太肚餓，唔記得影食物XP

食飽之後就同包包睇龍舟

包包對龍舟興趣不大，但佢就好鍾意望海

咁大個沙灘，無理由唔玩下水吧

但包包依舊怕沙

 又變樹熊

本來想畀多少少時間包包warm up，同埋由mama同佢玩佢會feel comfortable多啲，但天氣實在太太太熱，我地都頂唔順，想快啲走人。

坐返巴士去欣澳，畀包包自己一個坐

好在mama有帶風扇仔

包：嘩好涼呀 

包：我個頭好熱呀

包：又幾涼喎

包：吹下加拿大先

哈哈哈……笑c我

同papa排排坐

就咁速遊左愉景灣！