講返呢個月先，包包感覺又大左好多，因為佢已經識行，成日自己行來行去，好似好有主見咁！
重
呢個月無磅呀～
食
飲奶又"正常"返，不過所謂正常都只係4-5安。上個月提到包包成日半夜喊餓或晨咁早自己起身，所以依家5-6 am 會補奶畀佢，佢就可以訓到8-8:15am, 即係訓到11個鐘。要知道睡眠對bb係好重要，所以暫時我都會keep住呢個模式，而老公話佢自己細個睡得好差，脾氣都唔好，所以都贊成畀包包訓耐啲。我媽話bb會自己戒奶，唔需要擔心喎。所以包包無啦啦變左3奶3固。
固體方面又差左啦，因為包包終於出新牙仔啦，仲一出出兩隻！13個月嘅佢先出第三四隻牙！呢個月佢成日食得半碗粥ja, 仲mi實個口唔肯食，加上運動量多左(成日自己行)，真係瘦左呀陰公！真係唔知佢幾時先有胃口食野？！
對食依舊無咩興趣，又賴得咬/趙，仲食緊粥仔，未食軟飯。
另外想講嘅係，包包豬好鍾意飲水架，佢係會咕咕咕咁飲，唔係一兩啖咁飲。所以佢便便從來都無問題。但係呢，佢除左水，咩都唔鍾意飲(包括奶)，果汁，開奶茶，雪梨水，湯等等，佢飲兩啖就唔飲。但一換水就咕咕聲咁飲，各位媽媽，有無辦法呀？
訓
日頭兩個nap, 夜晚9點上床，朝早8-8:15起身。除了太熱/凍會醒，基本上都訓得ok。(不過佢最近失常呀，有機會再寫)
牙仔
終於有四隻牙啦！
活動能力
- 已經能夠自由地行來行去，但興奮得濟就會行得好快繼而跌到。呢個月就已經兩次撞親頭同兩次撞親咀！
- 可以自己企喺身，所以包包已經唔爬lu
- 新動作，學識手指指，指住想去嘅地方叫人抱佢去。但都唔係成日出手。
- 成日會做：byebye，錫錫
- hello方面，對住熟人有試過hello，但成日唔肯做
- 拍手依然未識
- 飛吻，請請，give me five 都係一時時肯做
- 喜歡玩波波同車車
認知能力
- 我知包包聽得明好多野，人物如媽媽，爸爸，爺爺，嫲嫲都識聽認得。又識聽：訓覺，食mum mum, 飲奶奶，去街街，nono dirty, peekaboo 等等
- 話clean up佢會自己執玩具入玩具箱
- 拎住電話，話喂喂吖會拎埋我耳仔邊，但佢自己唔會拎去自己耳仔架，唔通佢知自己唔識講野？！
- 經常拎住搖控對住電視，應該想開電視，仲分到dvd機同tv嘅搖控，想睇迪士尼就會攞dvd嗰個，開唔到就拎畀大人，示意幫佢開，真係好似好識野咁！
- 認得banana, 因為鍾意食
- orange當波波
- apple唔鍾意，唔會理apple
- 入形狀就一時時，無咩耐性
- 入圈圈方面，佢主要係拎圈圈出來，但唔肯入。不過我話clean up 再遞畀佢就肯入
說話能力
多左baba音，有時又ma, 仲要係maaa~，一個長音，但未必係叫緊我…… 主要bb話都係吖吖吖
情感發展
- 依然係一個無耐性嘅bb，玩具玩一陣就唔玩
- 睇書時間耐左，喜歡嘅書會一睇睇幾次，但有玩具時會prefer 玩具多過書
- 十分固執，叫佢畀畀通常唔畀，佢拎住嘅野唔使指意可以攞返。一攞就大喊 (>﹏<)
睇相
自從識行，就極唔鍾意留喺圍欄裡面
圍欄裡行動自如
有個小朋友發脾氣 (好多時係因為唔畀佢玩某樣野就咁嘅樣，如papa嘅手機)
條褲濕左，無著褲 Xp
喜歡玩車車
自己行
開始喜歡睇書
食緊粥仔，污jo貓
o靚模pose... 包包食手指係食第二隻手指唔係手指公
成功偷左個相機蓋再拿拿聲走佬
依家仲識開cream蓋，試過ji到成手都係！
最愛搖控
本來打算一歲後唔買cake, 但呢日咁啱見到美心個新蛋糕就買左，之但係唔好食，好甜呀～
呢個bb好想走佬
呢兩三個月感覺包包大得好快，可能因為佢識行，已經唔再bb啦～包包豬如果你食方面好啲就好啦，咁媽媽就唔使咁頭痕啦～
黎緊就快有n班interviews，但屬於細b嘅包包好似仲係咩都唔識，就算識嘅都要睇佢心情先會做，真係令媽媽有點擔心呢！但其實又真係迫佢都無用，唯有求上帝保守啦～
