因為要返學既關係, 遲遲都未決定到去邊度honeymoon... class schedule出左, 我決定到時走2堂去sweet sweet lu.... 不過都只係可以去5日ja...
我地想去sun & sea既地方, 唔想plan, 只想relax, maldive唔夠時間去(又貴呢), 印尼bali同菲律賓cebu因地理位置唔想去, 沖繩唔係season... honeymoon又唔想去泰國...
所以....我地既蜜月地點係.... GUAM 關島!!!!
direct flight只係4個幾鐘, 不過夜機+時差關係,實際只係玩4日3夜...
everything's booked la... !!!!!
我唔想咁快到big day, 但想快d去旅行呀... 餓左好耐啦.... hahaha....
兄弟姊妹襟花手花決定用絲花, 要用一整日, 怕鮮花會殘...
而五大長老 (爸媽x2 + 嫲嫲) 就會用鮮花!
未來老爺話所有家人都要有襟花, 所以我就一次過買左好多絲花襟花, 在網上找到一個幾好既seller, 價錢實惠... 有諗過自己整架, 不過實在無信心整得靚, 到時買到一屋都係材料工具又整得唔靚就慘!!!
所有相用iphone影, 影得mama...
兄弟襟花
CLOSE UP
姊妹手花
CLOSE UP
用LACE手帶
家庭成員
下面係FOR我同KENNETH既家姐細妹 (我地兩個都有好多家庭成員)
粉色感覺上YOUNG D!
下面呢D係for KENNETH既阿叔/姑姐, 預多一兩個到時突然有人要都有SPARE
CLOSE UP, 有色差, 真正係深色少少, FOR 長輩希望OK
Princesshouse888 Bridal bouquet
SELLER 好NICE, 價錢唔貴
馬灣既婚禮主要請好親既家人同好朋友, 預計不多於100人, 所以唔能夠個個都請呀... 自己好重視註冊呢PART (好期待!!) , 所以想特別整一張INVITATION...
曾經好想自己DIY一張, 重搵左好多REFERENCE, 但又要買紙, 又要印, 又要CUT紙, 仲要KENNETH係咁叫我唔好嘥時間, 攪到個心15/16... 但有次淘寶時"唔覺意"見到一張好靚既卡 (通常淘寶上上下下咪好多其他賣家既PRODUCT既...), 都只係RMB1.8一張!! 不過個SELLER係唔送香港架, 又要煩到我個深圳朋友, 而因為送去深圳, 運費只係RMB10!
BUT呢張卡係半DIY架, 因為係無內頁! 內地既內頁都唔o岩我用, 於是我就自己去書局買左D珍珠紙, 再自己PRINT內容同CUT返SIZE...
中間o個張係連張卡送, 係首英文詩... 右邊就係我DIY既內頁... 而個RIBBON就要自己打...
登...登...登...登...
雖然係簡單, 但我自己好滿意架啦...
100張, 多謝KENNETH俾我任性...
因為KENNETH係圍村人, 所以我地要係婚前一晚擺盆(盆菜宴)
因為主要係請圍村人(當然其他人都WELCOME,不過唔會特別請村外人, 勉得人地飲2次同破費啦), 所以要特別整張帖...
我地唔想用太多錢去做呢張帖, 所以我決定自己DESIGN, 雖然簡單, 但都OK呀!
上網搵左D圖, 再用PS加野, 再攞去E-PRINT印!
強烈recommend E-PRINT, 成個過程係上網攪晒, 又有即時客服, 可即時報價,有問題好快幫忙解決(當日因為file太大, upload有問題), 24hrs 之後最貨, 可加$20 courier到office...
而價錢係低到不得了:
雙面過啞膠卡，105x155mm 300pcs 1款$192.00
我的喜帖到手了... 在深圳筍崗的立興印的... (SEE HERE)
其實我唔知係咪平好多, 不過所有過程都EMAIL CONFIRM, +$30送到我家, 方便我呢D懶人!! 而張帖我都覺得靚既... 有壓花, 有絲帶, 內裡我地加左珍珠紙...
450張帖到步!!
但係.... 話說我未來老爺一到年尾就成日要去飲, 有時同日有2家人擺酒, 重要未來老爺去呢個, 未來奶奶去o個個... 今年未來老爺已經收到3張帖都係呢個款... 睇黎真係愈來愈多人上大陸印帖, 定係HK都有呢個款??
HAPPY NEW YEAR!
希望每個人都開開心心, 健康快樂!!
2010呢一年, 係我人生中最充實既一年, 一方面要讀書, 一方面要攪婚禮, 但我仍然堅持寫BLOG, 希望將婚禮過程中既所有記錄低... 第時可以睇返!
2010, 我地做左好多人生既第一次...
每次睇到D婚相都好開心, 不過會唔明點解當初買咁多... HAHA..
天寒地凍返到屋企好開心, WARM WARM SWEET HOME...
自己一手一腳攪婚禮, 搵平野靚野, 好有滿足感!!
有D人問我, 點解咁快結婚, 唔讀完書先? 其實... 應該話點解我唔早D讀... 因為自KENNETH出黎做野時佢已經話要娶我... KENNETH同我求婚時, 間U都未俾OFFER我... 不過我深信, 順其自然, 要發生的始終會發生... 所以婚照結, 書照讀...
有朋友問我結婚真係有需要嗎? 一紙婚書唔代表什麼... 其實, 只要係女性, 只要你遇上你心愛既人, 而對方又有能力照顧你既話, 你自然會想嫁俾佢... 我唔CARE什麼婚書, 我只係想每天同我心愛既人一齊, 之後會生BB, 組織我地既家... 有人話唔結婚都可以架? 如其問我點解要結婚, 不如我問你點解唔想結婚, 係未玩夠嗎? 還是你不夠愛他 / 未遇上THE ONE?
不只一個朋友覺得我對婚禮樣樣都太緊張, 其實有邊個新娘係唔緊張既呢? 我唔理, 又有邊個理呢? (我無WEDDING PLANNER架, KENNETH就更加係咩都由我決定!)
又有D小ITEM自己好執著, 我知我諗多左... 不過我都係想自己既婚禮完美D, 如果唔使太多錢, 就俾我任性下吧...
HK STYLE婚禮少不免要做大龍鳳, 因為KENNETH家族大, 佢地比我地更加重視呢個婚禮, 我唔介意做大龍鳳, 我怕做得唔好, 會俾人講閒話, 有人話使咩理人地講咩... 話我既我可以唔理, 但係令老人家唔開心, 我地真係可以唔理家人感受嗎? 那太自私了吧...
我知凡事無可能完美, SO FAR我都好感恩我地攪婚禮過程無遇到太難堪既事...
回想年初時自己雄心壯志, 想自己既婚禮點點點... 不過, 宜家我發現, 原來簡簡單單既婚禮, 有自己既家人同GOOD FRIENDS在身邊已經足夠了...
初時好怕自己於元朗擺酒D朋友怕遠, 不過諗真D, HK有幾大? 真正GOOD FRIENDS, 係幾遠都會黎架...
餘下少於2個月既時間, 希望我能好好ENJOY, 我希望盡快K.O. PENDING ITEMS, 到2月時少D野攪, 希望我做到啦, 我會加油的!
