HAPPY NEW YEAR!
希望每個人都開開心心, 健康快樂!!
2010呢一年, 係我人生中最充實既一年, 一方面要讀書, 一方面要攪婚禮, 但我仍然堅持寫BLOG, 希望將婚禮過程中既所有記錄低... 第時可以睇返!
2010, 我地做左好多人生既第一次...
每次睇到D婚相都好開心, 不過會唔明點解當初買咁多... HAHA..
天寒地凍返到屋企好開心, WARM WARM SWEET HOME...
自己一手一腳攪婚禮, 搵平野靚野, 好有滿足感!!
有D人問我, 點解咁快結婚, 唔讀完書先? 其實... 應該話點解我唔早D讀... 因為自KENNETH出黎做野時佢已經話要娶我... KENNETH同我求婚時, 間U都未俾OFFER我... 不過我深信, 順其自然, 要發生的始終會發生... 所以婚照結, 書照讀...
有朋友問我結婚真係有需要嗎? 一紙婚書唔代表什麼... 其實, 只要係女性, 只要你遇上你心愛既人, 而對方又有能力照顧你既話, 你自然會想嫁俾佢... 我唔CARE什麼婚書, 我只係想每天同我心愛既人一齊, 之後會生BB, 組織我地既家... 有人話唔結婚都可以架? 如其問我點解要結婚, 不如我問你點解唔想結婚, 係未玩夠嗎? 還是你不夠愛他 / 未遇上THE ONE?
不只一個朋友覺得我對婚禮樣樣都太緊張, 其實有邊個新娘係唔緊張既呢? 我唔理, 又有邊個理呢? (我無WEDDING PLANNER架, KENNETH就更加係咩都由我決定!)
又有D小ITEM自己好執著, 我知我諗多左... 不過我都係想自己既婚禮完美D, 如果唔使太多錢, 就俾我任性下吧...
HK STYLE婚禮少不免要做大龍鳳, 因為KENNETH家族大, 佢地比我地更加重視呢個婚禮, 我唔介意做大龍鳳, 我怕做得唔好, 會俾人講閒話, 有人話使咩理人地講咩... 話我既我可以唔理, 但係令老人家唔開心, 我地真係可以唔理家人感受嗎? 那太自私了吧...
我知凡事無可能完美, SO FAR我都好感恩我地攪婚禮過程無遇到太難堪既事...
回想年初時自己雄心壯志, 想自己既婚禮點點點... 不過, 宜家我發現, 原來簡簡單單既婚禮, 有自己既家人同GOOD FRIENDS在身邊已經足夠了...
初時好怕自己於元朗擺酒D朋友怕遠, 不過諗真D, HK有幾大? 真正GOOD FRIENDS, 係幾遠都會黎架...
餘下少於2個月既時間, 希望我能好好ENJOY, 我希望盡快K.O. PENDING ITEMS, 到2月時少D野攪, 希望我做到啦, 我會加油的!
加油呀~
ReplyDelete一出黎做野就話要娶你~你地幾大呢~?一齊左幾耐呀?
我都有朋友唔結婚, 仲因為咁同拍拖7年既女友分手, 佢話唔明點解要結婚, 日日對住佢冇問題, 不過覺得唔需要結婚, 咩都可以就佢, 係呢樣唔可以, 而且佢亦唔打算生仔
另外亦有女仔朋友因為唔結婚同男友分手
[版主回覆01/03/2011 11:42:00]哈其實我唔細架啦, 一齊左好耐啦, 一直都想開POST講我地既LOVE STORY... HAHA...
我覺得男仔係怕"責任", 而女仔係為"安全感", 不過生仔都真係其中一個結婚既原因既... 我唔係男仔, 唔知佢地點諗, 不過無一個女仔遇到心愛既人時係唔想嫁囉...
唔夠愛都係一個原因啦, 既然覺得結唔結都一樣, 點解唔就下個女仔, 佢就覺得對方迫佢, 就咁冷戰左幾個月, 之後個女仔話可以唔結, 咩都冇所謂喇, 個男仔都已經有第二個lu
ReplyDelete[版主回覆01/03/2011 12:01:00]嘩, 好明顯啦... 呢D咁既男仔唔嫁都無損失呀!!! 我阿媽話男仔要揀孝順既, 孝順既通常都會想有自己既家同錫老婆架....
我老公都孝順, 不過佢開頭其實都唔想結婚唔想要小朋友架
ReplyDelete講返o個個男仔, 但佢同新o個個又仲未開始喎, 反而係個前女友已經同第二個開始左, 點解好似咁化學咁既
[版主回覆01/03/2011 12:29:00]哈因為遇到妳所以想結婚囉... haha...
宜家d人真係好兒戲架... 讀書時有d friend yr1, yr2, yr3 三年都唔同bf... 我地plan結婚要1.5年, 但估唔到呢1年內有d friend 話結就結, 重快過我...
3年唔同bf有乜奇, 一年算耐喇~~而且唔係一腳踏幾船~~
ReplyDelete我都識人由拍拖到結婚都係一年搞掂
加油。 "真正GOOD FRIENDS, 係幾遠都會黎架..." lei 句係 真0架. 我攪完個婚禮就知道邊d 係 friend.
ReplyDelete[版主回覆01/05/2011 16:00:00]THX ^^
Happy New Year!! Your wedding is really coming very soon!!
ReplyDelete[版主回覆01/06/2011 09:07:00]Happy New Year!
剛剛先睇到你呢個post. good post!!!
ReplyDelete[版主回覆01/15/2011 00:25:00]THX^^
Good point ~原來簡簡單單既婚禮, 有自己既家人同GOOD FRIENDS在身邊已經足夠了...
ReplyDelete因為我又是好注重註冊MOMENT ,當大日子到時你見到你班好朋友同家人在身邊果一刻你會覺雖然婚禮用著好多$$$,但都是好值得架~
[版主回覆01/19/2011 11:50:00]係呀, 到時要好好enjoy o個個moment呀!!