前一晚兩個小朋友早左瞓，呢朝佢地都早左起身，一齊去食早餐！但momo唔知做咩唔食嘢！
食完早餐就去沙灘行下。個沙灘真係超超超靚呀！水清沙幼，藍天白雲！可惜早上有點涼，游唔到水…
真係好靚呀！
呢日嘅行程係去八重山文族村，石垣無動物園，我地黎呢度主要喺睇馬騮仔！
http://okinawatravelinfo.com/zh-hant/sightseeing/ishigakiyaima/
兩個仔都好鍾意動物，見到咁可愛嘅馬騮仔勁開心，係咁追住佢地！
我兩個仔真係太熱情啦！
其實仲有啲牛同雀仔睇，但因為我地肚餓了去左食嘢，村內有餐廳，仲有high chair，食物係日式料理，好啱小朋友食！
因為帶住兩個小朋友，我地都想hea啲 ，自己又無咁辛苦，一月份時見有promotion，就book左clubmed，包食包住唔使煩！又有kids club，諗住放低阿包畀人湊，阿媽我可以輕鬆下！
不過住完就覺得一般，而且… 阿包又唔肯去kids club囉～
一去到好快就check in入房，hm.... 間房唔大又好暗咁…
Double bed 加兩張single bed
我又Request左bb床
入到房momo仲瞓緊
天氣非常之好，好大個太陽！
哥哥忍唔住即刻換衫去玩水！
細佬都畀哥哥嘈醒，齊齊去游！
可憐媽媽我因為卜親受傷落唔到水！
靠晒爸爸啦！
但momo係咁要媽媽
個泳池好淺，好啱小朋友
因為 momo扭計，所以轉戰沙灘
個沙灘真係水清沙幼，好放心小朋友自己玩
Momo超鍾意玩沙，完全樂在其中，唔理媽媽我了
不過唔太enjoy落水呢！
可能潮退，啲水好淺
去bar休息食下野飲下野先！
Club med 係全包package，食嘅飲嘅都係免費
而且 bar內長期都有小食
阿包已經識自己用英文order drink
玩左兩個鐘，兩個小朋友又要nap
瞓醒就喺酒店食dinner
哥哥好開心，因為汽水任飲！
但momo就好扭計，可能因為太多人有點嘈
