Momo百日宴

Momo 百日宴早於12月中舉行啦~

其實當日Momo只有80天大, 但因為聖誕新年檔期, 所以要提早舉行!

包包當年係滿月擺盆菜宴架
(重溫DAY 30: 滿月 (上), DAY 30: 滿月 (下)  )

但第2個仔, 我地都唔想大搞,所以只係擺幾圍大家庭食飯...

當日搵左場地佈置, 係朋友介紹, 個場真係SET得好靚!

Table Stand 係我自己淘返來架, 再加少少DIY

每圍準備左一袋仔蝴蝶酥, 其實本來打算自己再包裝一人一小袋,

點知我係完全無時間整!

蝴蝶酥係心型, 好靚又好味, 未開席已經畀人食晒! (See Vendor info)

仲加錢叫人扭左好多公仔波波

影得唔清楚, 個個都好得意架!

開席前更係要影相,影相同影相啦~

當日Momo好合作! 無扭計!

查實係佢太八卦, 周圍望唔肯訓

包包哥哥呢一日都好靚仔架!

Momo 100 Days Cake

另一朋友介紹, 又靚又好味

3D cake 雖然靚, 但唔好味, 所以選擇2D cake

主角Momo

Momo: 我靚唔靚仔呀? XD

好鍾意呢張相呀~

砌蛋糕囉!

吹蠟燭嘅責任就交畀哥哥啦!

好錫兩兄弟嘅婆婆!

Momo個樣好老積, 個個話佢唔似80日大!

開席啦....

紅雞蛋唔少得

之後嘅食物無影,因為掛住同人影相 :P

叫包包同McQueen 影相, 佢就笑到咁 XD

包包: 我唔客氣啦~

(其實佢唔識揸筷子架)

自己MOK蛋殼食蛋

我地開餐, Momo都食奶奶!

呢日好多表兄弟姊妹黎左

包包好開心滿場走, 食得好少野

其實同親友影左好多好多相, 奶奶抱坐Momo周圍同人影相,

但親友相唔放上BLOG啦....

D佈置真係好靚, 忍唔住影呀影~

太大個, 唔能夠攞返屋企, 好唔捨得呀~

呢個小朋友話要攞晒D BALLOONS返屋企 XD

呢日真係好開心, 佈置好靚, 食物同服務都好好, 好圓滿!!

包包勁開心~! 

返到屋企已經11點, 佢唔知時間,

我話要訓覺啦, 佢仲問我媽咪點解無食飯?!

事實上佢真係無食飯, 只係食左蛋同少少餸,

可能太夜覺得肚餓, 包包係飯痴, 好鍾意白飯,

唯有開支奶畀佢, HAHA

第二朝仲玩緊D波波

呢個奶樽波我都好鍾意呀!

Also See Vendor info

未LIKE FB嘅快D LIKE我地啦!

鄧包包與鄧momo

Momo 3個月成長紀錄

又3個月啦, 艾利絲媽媽已經返工了.... MOMO仍然厭奶中, 所以我沒有刻意同佢停夜奶。做媽媽嘅，寧願自己訓少啲都想bb飲多啲奶!

重

呢個月無返健康院，都無刻意去磅，我唔想諗佢個磅數(>﹏<)

食

上面提到, MOMO仍然厭奶中。現在日間大多飲3-4安, 夜晚就可以飲4-5安 (同期BB已經飲緊5-6安)，仲要飲得好慢(+﹏+)

因為飲得少, 我地餐餐都用米水開奶, 希望咁會飽肚啲,又無咁熱氣!而媽媽我返工後已經停左人奶，功成身退啦～

訓

夜晚要等哥哥訓左佢先肯訓，否則訓一陣就醒，所以大多10點幾11點先訓，都幾夜呀(>﹏<)

幸好夜晚一覺算訓得幾好，最長訓到5-6個鐘，飲完奶又即刻訓返，訓到第二朝11點幾12點，中間唔會點醒，不過醒嘅時候都中午囉～

日間就好醒訓，好多時訓30分鐘就醒，跟住又好快眼訓(～ o ～)~zZ

幸好momo都好易訓著，畀奶咀佢拍拍pat pat就訓。

行為

手仔movement多左，成日食手仔啦～

唔飲奶時會推開個樽，有時仲好大力㖭!

清醒時鍾意坐，唔鍾意訓喺度架

雖然無包包哥哥嗰時咁肥豬仔，但就無哥哥咁懶豬，玩tummy time都好落力!

好鍾意同人傾計，講咩都好易笑，好可愛，全家都好鍾意momo呢!

識得認人，認到媽媽把聲就會望去媽媽度。我抱住佢時仲會含情脈脈咁望住我，好冧架♡^_^♡

宜家媽媽我一放工就卜返屋企，返到去同Momo沖涼，有時包包扭計都要我沖，佢地沖完涼就食飯，食完飯我就極速沖涼，再同兩兄弟玩下，10點前同包包刷牙睇書陪訓。包包訓左就餵Momo飲奶加暗訓，有時爸爸搞掂有時就要媽媽出手! 到11點多先搞掂兩個，跟住煲定米水半夜餵奶，執下野咁，12點幾訓。半夜3點左右餵夜奶，4點幾例排包包會大叫媽媽! 我因為太眼訓會抱佢返我房訓(>﹏<) ，7點左右又餵奶，餵奶後就刷牙洗面換衫，8點叫醒包包，同佢換衫飲奶加心理輔導(每個小朋友返學前都好鍾意扭計)，8點半出門上校車，媽媽我就卜返工。

每日咁樣真係好攰! 但一日6餐奶有3餐自己餵，起碼知道Momo飲奶飲成點!

感恩momo雖然飲得少奶，但都ok吸收，唔肥又唔瘦咁啦～但做媽媽嘅梗係想你飲多啲奶啦～

Momo你乖，飲多啲奶啦，去返正常份量就得架啦!!!

一個月啫，個樣又唔同左啦，去相~

▽ 拼埋對手就知佢幾細粒

▽朋友送嘅海綿寶寶衫

▽第一次tummy time，好努力

▽憂鬱嘅眼神

真係電c人呀

▽影相對肥脾先

▽食完奶奶有肚腩^_^; 

聖誕look，件衫包包哥哥著過架

我三個月大啦

爸爸見係聖誕節，買左個靚蛋糕!

▽一家四口

My two lovely boys

三個月大嘅我，頭仔抬得幾高!!!

Also See 包包三個月成長紀錄

鄧包包與鄧momo

New Year! New facebook page!

新嘅一年，我幫兩兄弟開左個fb page!

作為兩子之母，真係周身唔得閒，好多嘅想紀錄想分享卻又無時間

fb太方便了，所以最終決定開個page!

大家都黎like 下我地吖!

www.facebook.com/tangbaobaotangmomo

放心，呢個Blog我係唔會放棄，詳細嘅事情仍然會喺呢度分享架!

Momo祝大家

Merry Christmas & Happy New Year!


大家新一年健康快樂! 小朋友精靈活潑, 聽教聽話!