2016九州之旅day 5 - 海之中道公園, MARINOA CITY OUTLET, 蟹通食蟹

2016年1月6日

酒店既早餐雖然簡單, 但都OK, 一般既食物都有.

包包又係只飲橙汁, 我都由佢了

呢日為左包包安排左去海之中道公園, 駕車都要45 MINS

海之中道公園

http://www.uminaka.go.jp/

去到泊好車，買飛入去

個公園真係好大

其實我plan左租單車，因為我知個公園好大

但老公話睇地圖行都ok, 天氣又好，結果無租單車，不過到走時好後悔呀

沿住呢條路行10分鐘左右
呢度如果開滿櫻花一定好靚呀～

 就會見到好多野玩

包包一見到thomas就自己走上去

仲有呢啲車仔，100yen一次好扺玩

嗰度有啲舊式嘅機動遊戲

車迷包包話要玩車

爸爸同包包一架

媽媽我自己一架

有兩條路揀，平路or凹凸路

我地揀後者，諗住刺激啲，點知中伏，“鄧”到patpat痛，包豬玩完呆晒，哈哈

之後就到旁邊呢個玩

其實佢係彈床黎架，可以彈下彈下，但包包太細彈唔起，呢日又早無咩人玩。我睇人地啲相小朋友彈得好開心架

藍色位置就係頭先玩車嘅地方

過少少就係日本好常見嘅長滑梯。

但我地無買滑梯墊，唔敢畀包包玩

而其實包包都唔敢玩

見呢日著厚衫，叫老公去試玩條最短嘅

老公話無patpat痛，因為sir得好慢呀，可能太重 XD

仲有小嘅滑梯

同好大個沙池

但怕沙嘅包包無玩

再行過啲又有好大個playground

包包超鍾意呢個藍色大波波

碌來碌去玩到爸爸都無氣

呢個滑梯正常好多，包包玩到唔捨得走

仲有仲有好多木屋仔，小滑梯同火車

淨係個火車都玩好耐
呢度真係可以消磨好多時間!

可惜我地時間無多

仲要玩埋個小小動物園

路過個湖，其實已到午飯時間，怕包包餓，買左冬甩同果汁畀佢。

以為好細，點知又玩左一陣，失晒預算

淨係餵羊都玩左好耐

啲羊真係好得意呀

馬仔都可以餵架

但我地趕時間就無玩

行左咁多地方，回頭路好攞命呀，應該行左20分鐘! 都話應該租單車啦～

見啲日本人一家大細來公園玩，好羡慕呀～

下一站就係去outlet shopping la

MARINOA CITY OUTLET

www.marinoacity.com

已經2點幾，個個都好肚餓，拿拿聲醫肚

包包見到麵包超人highchair好開心

我同包包share鯖魚

老公個三文魚親子丼好正!

 一如我所料，放晒電嘅包包食飽飽一上stroller就訓著，我地可以盡情shopping啦～

個outlet真係好大，但價錢唔算好平，因為冬天好多大褸呀，好多都靚但好貴呀～

所以結果老公收獲最多呢! 包包都買左對鞋仔好抵! 兩個姑媽當然收獲都唔少!

拎住一袋二袋返酒店休息下!

休息完就去晚餐，呢晚食蟹!

由酒店過去只係5分鐘車程，對面街有入錢carpark好方便。不得不讚google map!

かに通 博多店

日本〒810-0002 福岡県福岡市中央区西中洲1−2

+81 92-711-8618

我地揀左2個7800yen，2個 6800 yen

蟹刺身好正，熟蟹就一般

隻蟹真係好大隻架!

天婦羅好味，包包食唔少

之後就係火鍋，一定飽!

最後會倒啲飯落個湯底，吸晒啲精華，飽到上心口都食左一碗!

我覺得貴左少少，好食但又唔係好食到嘩嘩聲嗰隻啦～

食飽飽去行supermarket

買包包至愛 yogurt

大人買宵夜!!

***我都好鍾意九州呢個地方，一定會再去! 希望地震後居民快啲無事啦

2016九州之旅day 4 - 湯之坪、九州自然動物公園、回福岡-JR博多CITY

2016年1月5日

一早起身就過另一間房食早餐

連早餐都咁豐富!雖然好精緻，但晨早流流真係食唔到咁多……

包包又有白飯同飯素，仲有紫菜! 我用紫菜包飯畀佢食，食左兩啖佢就識淨食紫菜唔食飯=.=

早上個VIEW都好靚

之後我地就check out ，去行湯之坪

湯之坪係湯布院嘅一條街，都係一啲特色小店。喺附近隨便找個carpark泊車。

但唔知係咪太早好多店未開?

定係天氣有點凍?

中間又多車行, 小朋友要小心

我真係覺得無乜好行…… 有點失望……

買左好出名嘅b-speak 蛋糕，但只係一般，唔食都無損失。同包包講買蛋糕，即刻乖乖排隊!

再行呢間龍貓店。對面有個小公園。可惜前一晚落雨，千秋滑梯都濕左玩唔到。

臨走前去超市買左蛋糕同果汁，怕佢一陣肚餓。

一上車就自己ko左一個小蛋糕

下一站係九州自然動物公園

アフリカンサファリ

www.africansafari.co.jp/

我一直都好期待!

因為佢係safari 形式

啲動物係無籠困住架

可選擇自駕進園或坐jungle bus入園

Jungle bus 仲可以餵動物添!

由於天氣凍，所以我地選擇自駕

入去嘅過程係完全唔使落車

畀完錢，staff 就畀部dvd機我地

架車一路行，個dvd機就會介紹嗰區嘅動物

有咩動物唔多講，睇相啦～

啲動物就喺車前車旁行過

真係好興奮架!

呢架就係jungle bus

啲動物一見架車就會自動行過去，因為有野食嘛

其實我地4個大人仲興奮過包包 XD

真係未試過咁近啲咁大型同兇猛嘅動物!

包包反而睇得好入神，但好冷靜!

Safari完左之後，就泊好架車去園內餐廳食lunch

途經有好可愛嘅小馬

可以畀錢騎

但包包唔肯騎呀

叫佢影相仲好唔合作!

到餐廳位置

Papa買食物

我就同包包去旁邊手信區行下

呢個小朋友見到啲動物公仔勁開心!

最後買左盒動物figures

至於間餐廳……

有烏冬有飯有意粉，但啲食物真係好麻麻

不過天氣凍我地都食晒 :p

食完飯就行埋動物園其他地方

其實唔係好大

有得餵小馬，應該係驢仔

有間小屋可以摸啲好似龍貓嘅小動物

但要戴手套先摸得

包包起初唔肯戴

咁媽媽戴啦

佢見到我戴佢又肯戴

但對手套太大啦

唔敢郁，哈哈

臨離開，先知道近入口嗰邊可以同bb老虎影相!

但撞啱休息時間無得影!

之後就我地就離開，開車返福岡了

開車嘅時候落冰雹呀!

好在無落雪

但天氣真係幾凍

沿途又經山田出口

Papa又買coffee，結果整醒左包包 =.=

搞到包包唔夠訓，成晚勁扭計

兩個半鐘車程返到福岡

餘下三晚就住博多都miyako酒店

唔使再轉酒店啦

就喺JR 博多站後面，非常方便

仲要hkd 六百幾一晚包早餐，勁抵

房內都無咩危險位置，唔怕包包整親(有陰影!)

Settle down 就去博多站行下，

有tokyo hands 同板急百貨

但啲野都偏高價位，所以暫無斬獲

本來想去頂樓玩小火車，可惜落雨

(結果之後忘記了！)

而包包又開始扭計 (眼訓呀)

所以拿拿聲搵地方食飯

博多站樓上好多野食

但行完一輪，唔係太啱食, 有D想食又就唔啱包包食

我地又唔想食日式料理

結果隨便入左間食親子丼嘅餐廳

味道非常一般

包包又扭計我都唔得閒影相 (非常一般, 唔影都無損失)

食完飯就返酒店休息

包包未到10點就訓左

我就忙於洗衫

老公喺樓下雪糕機買左雪糕畀我食 :)

2016 Easter

復活節假期第一日就如上一篇所講，進行戒奶咀大行動，可惜失敗左 

第二日，我地去左黃金海岸嘅復活節嘉年華

黃金海岸真係一個好舒服嘅地方

媽媽我一早團購左套票畀包包玩吹氣彈床

包包一向都好鍾意玩架

排緊隊時仲好期待呢

點知一開始，三四個五六歲嘅小朋友喺佢身邊狂跳，我相都未影包包已嚇到喊，係咁叫媽咪

我地拿拿聲叫工作人員抱佢出來

之後，包包就咩都唔肯玩啦

要爸爸安慰一番

咁我地就去食lunch先

包包食意粉食到咀仔污嘈晒

見佢唔玩彈床就換左隻扭扭狗仔畀佢

食完lunch, anki 都到左啦

Anki真係好可愛!

包包見anki玩佢又肯玩喎

因為佢細粒所以爸爸都可以陪

但呢個game對細細粒嘅包包來說都真係有點吃力，佢玩完一次就唔再玩啦～

Anki就好犀利，自己一個玩左三次!

回家午睡，就出發去婆婆家食飯，玩到10點先回家

第三日，我地去左海洋公園呀～

天氣好好唔太熱

媽媽我前一晚漏左個電話喺婆婆度，要先去攞返，攪到12點先去到op

又唔記得預約泊車，攪到爸爸泊車等好耐

我就同包包入去玩住先

已經第四次黎op, 又因為成日拖住包包，所以今次無點影相

張年票都快到期啦

呢日op仲要勁多人呀

包包好鍾意panda架，可惜大熊貓無影

之後就去左睇雀仔，喺兒童王國玩

再去對面睇海豚，仲第一次一路食lunch一路睇(其實係等多過睇)，慳返唔少時間

之後又行左陣，5點左右就走啦

走時先影合照

我想搵人幫我地影，但周圍都係b6人囉

正當我想放棄之時先見到一個香港family ja

 好恐怖

第四日，想過得輕鬆啲

首先帶包包去剪頭髮

我話不如媽媽幫你剪吖

佢話: no, 叔叔剪

原來佢仲記得上一次剪髮係叔叔剪!

剪緊時個樣好慘，但又唔咁喊，哈哈

剪完叔叔畀左杯熱朱古力佢，勁開心

得啦，以後佢都應該會好樂意去剪頭髮!

之後，就去睇戲

包包第一次睇戲呀

仲約埋寶品一齊睇!

睇左一陣包包已經唔太明郁身郁勢，好在帶左好多零食，勉強挨到完場

或者下次睇套簡單啲嘅